Pinned Tweet
📍DSWD SATELLITE OFFICES NATIONWIDE: facebook.com/share/p/1HyxHNS…
Hanapin ang pinakamalapit na DSWD Satellite Office sa inyong lugar!
May katanungan ba kayo tungkol sa mga programa at serbisyo ng DSWD o nais ninyong humingi ng tulong? Hindi na kailangang bumiyahe nang malayo!
Sa pamamagitan ng DSWD Satellite Offices sa iba't ibang bahagi ng bansa, mas madali nang maaabot ng mga Pilipino ang mga programa at serbisyong panlipunan ng Kagawaran. Bahagi ito ng patuloy na pagsisikap ng DSWD, alinsunod sa direktiba ni Pangulong Ferdinand R. Marcos Jr., na gawing mabilis, mas maginhawa at mas accessible ang paghahatid ng mga serbisyo ng pamahalaan sa bawat komunidad.
Tingnan ang mga detalye sa ibaba para malaman kung saan matatagpuan ang DSWD Satellite Office sa inyong rehiyon o lalawigan. Maaari niyo rin itong ma-access sa link na ito: dswd.gov.ph/dswd-directory-s…
#BawatBuhayMahalagaSaDSWD ❤️
Pagbangon tungo sa Bagong Pag-asa, Hatid ng DSWD SLP ❤️🩹
Sa nangyaring pamamaril sa Banga National High School noong Setyembre 18, patuloy na sinisikap ng DSWD na masuportahan ang mga pamilyang naapektuhan hindi lamang sa kanilang emosyonal na kalagayan kundi pati na rin sa kanilang kabuhayan.
Sa pamamagitan ng DSWD Sustainable Livelihood Program (SLP) ng DSWD Field Office (FO) - 12 SOCCSKSARGEN, tumanggap ng tig Php20,000 livelihood grant ang walong pamilya bilang panimulang puhunan para sa kanilang maliliit na negosyo.
Kasunod ng psychosocial first aid at trauma interventions na ibinigay ng mga Angels in Red Vests matapos ang insidente, patuloy na sinusuportahan ng Kagawaran ang mga pamilyang naapektuhan ng trahedya para unti-unti silang makabangon at muling makapagsimula sa pamamagitan ng mga programang nagbibigay ng panibagong pagkakataon sa kabuhayan, alinsunod sa direktiba ni Pangulong Ferdinand R. Marcos Jr. (JRG)
#BawatBuhayMahalagaSaDSWD ❤️
#SustainableLivelihoodProgram
1
51
DSWD, Agarang Tinulungan ang Pamilyang Apektado ng Sunog sa Guimaras ❤️🩹👪
Agad na naghatid ng tulong ang DSWD Field Office (FO) 6 - Western Visayas sa isang pamilyang naapektuhan ng sunog sa Purok 5, Barangay Tacay, Buenavista, Guimaras noong Sabado (Nobyembre 14). Ipinagkaloob sa pamilya ang hygiene kits, family clothing kits, kitchen kits, family food packs (FFPs), at isang laminated sack para matugunan ang kanilang agarang pangangailangan. Pansamantala silang nanunuluyan sa Ecozone Administrative Office ng barangay.
Pinangunahan ng Quick Response Team (QRT) ng DSWD FO 6 sa Buenavista ang paghahatid ng tulong sa koordinasyon ng Municipal Social Welfare and Development Office (MSWDO) at DSWD 4Ps Municipal Operations Office (MOO) sa bayan.
Alinsunod sa direktiba ni Pangulong Ferdinand R. Marcos Jr., tinitiyak ng ahensya na naihahatid ang kinakailangang suporta sa mga pamilyang naapektuhan ng sunog at iba pang emergency. (DIMA)
#BawatBuhayMahalagaSaDSWD ❤️
Mga Pamilyang 4Ps sa Peñablanca, Cagayan, Nagtapos na sa Programa! 🎓
Pormal nang nagtapos sa Pantawid Pamilyang Pilipino Program - 4Ps (4Ps) ang 100 pamilyang benepisyaryo mula sa Peñablanca, Cagayan na kinilala sa isang graduation ceremony nitong Miyerkules (Nobyembre 18). Bunga ito ng mga pagbabagong nakamit ng kanilang mga pamilya at ng mga hakbang na kanilang ginawa tungo sa mas maayos na pamumuhay.
Bagama’t natapos na ang kanilang pagiging bahagi ng programa, nananatiling mahalaga ang pagpapatuloy ng mga positibong pagbabagong kanilang nasimulan. Tiniyak din ng lokal na pamahalaan ang patuloy na paggabay at suporta sa mga pamilya habang hinaharap nila ang susunod na yugto ng kanilang pag-unlad.
Sa ilalim ng administrasyon ni Pangulong Ferdinand R. Marcos Jr., patuloy na isinusulong ng DSWD ang 4Ps bilang bahagi ng mga hakbang na nagpapalakas sa kakayahan ng mga pamilyang Pilipino na mapabuti ang kanilang kalagayan at makamit ang mas matatag na kinabukasan. (AL)
#BawatBuhayMahalagaSaDSWD ❤️
#PantawidPamilyangPilipinoProgram
1
93
DSWD PRESS RELEASE: DSWD backs CWC call against sexualized humor involving children
The Department of Social Welfare and Development (DSWD) has expressed full support for the Council for the Welfare of Children (CWC), DSWD's attached agency, in calling out the use of sexualized humor involving minors in comedy routines and online content.
The statement follows a recent remark delivered by comedian JP Aguilera of Pencilbox Comedy, which used playgrounds and their association with children as a sexual reference.
READ MORE: dswd.gov.ph
#BawatBuhayMahalagaSaDSWD ❤️
DSWD chief meets UAE official on sidelines of Ministerial Meeting on Ending VAWC
Department of Social Welfare and Development (DSWD) Secretary @rex_gatchalian met with Supreme Council for Motherhood and Childhood in the United Arab Emirates (UAE) Secretary-General Al Reem Abdullah Al Falasi on Thursday (November 19) at the Marriott Hotel Manila.
Held on the sidelines of the Ministerial Meeting on Ending Violence against Women and Children, UAE Ambassador to the Philippines Mohamed Obaid Salem Al Qattam Alzaabi joined Secretary-General Al Falasi in the bilateral dialogue.
Accompanying Secretary Gatchalian were DSWD Policy and Planning Group (PPG) Undersecretary Adonis Sulit and Office of the Secretary Group (OSG) Undersecretary Evelyn Aribon. (KI)
#BawatBuhayMahalagaSaDSWD ❤️
ASK ANGEL: Paano nakatutulong ang Project LAWA at BINHI sa El Niño?💧👨🌾🌱
Alamin ang tungkol sa Project LAWA at BINHI, na sinimulan ng DSWD noong 2023 para palakasin ang seguridad sa tubig at pagkain ng mga komunidad, lalo na sa harap ng epekto ng El Niño. Tuklasin kung bakit mahalaga ang mga proyektong ito hindi lamang para sa mga magsasaka kundi pati na rin sa mga konsumer!
Alamin ang mga sagot sa Ask Angel at i-share ang post na ito para mapalawak ang kaalaman ng publiko tungkol sa programa.
#BawatBuhayMahalagaSaDSWD ❤️
#AskAngel
DSWD chief holds bilateral talks with Brazil's human rights minister
Department of Social Welfare and Development (DSWD) Secretary @rex_gatchalian on Thursday (November 19) held a bilateral meeting with Brazil's Minister for Human Rights and Citizenship Janine Mello.
Ambassador of Brazil to the Philippines Gilberto Fonseca Guimarães de Moura joined Minister Mello during the high-level discussion on participatory governance.
Also present at the Marriott Hotel meeting, held on the sidelines of the Ministerial Meeting on ending Violence against Women and Children, were DSWD Policy and Planning Group (PPG) Undersecretary Adonis Sulit, Office of the Secretary (OSG) Undersecretary Evelyn Aribon, and Operations Group Undersecretary Monina Josefina Romualdez. (KI)
#BawatBuhayMahalagaSaDSWD ❤️
Happy World Children’s Day! 👧👦👶
Ngayong World Children’s Day na may temang “My Day, My Rights, My Future,” kinikilala ng DSWD ang mahalagang papel ng mga batang Pilipino sa paghubog ng kinabukasan ng Bagong Pilipinas. Isinusulong ng Kagawaran ang kanilang karapatan sa ligtas na tahanan, de-kalidad na edukasyon, sapat na pangangalagang pangkalusugan, proteksyon at mga pagkakataong malinang ang kanilang kakayahan at maabot ang kanilang mga pangarap.
Sa pamamagitan ng sama-samang pagkilos ng pamilya, pamahalaan at komunidad, patuloy nating pangalagaan ang mga karapatan at kapakanan ng mga bata at bigyan sila ng pantay na pagkakataong lumaki bilang malusog, ligtas at responsableng mamamayang Pilipino.
Alinsunod sa utos ni Pangulong Ferdinand R. Marcos Jr., pinalalakas ng DSWD ang mga programa at serbisyong nagtataguyod sa kalusugan, edukasyon, proteksyon at pangkalahatang kapakanan ng mga bata. Kabilang dito ang pagpapalawak ng mga hakbang para matiyak ang kanilang kaligtasan laban sa Child Sexual Abuse or Exploitation Materials (CSAEM) at Online Sexual Abuse or Exploitation of Children (OSAEC) at pagtataguyod ng ligtas na kapaligiran kung saan malaya silang matuto, makilahok at umunlad nang walang takot sa pang-aabuso at pagsasamantala.
#BawatBuhayMahalagaSaDSWD❤️
#WorldChildrensDay
Pinalakas na mga Pasilidad ng Tubig at Produksyon, Hatid ng Project LAWA at BINHI! 💧🌾
Bilang paghahanda sa mga posibleng epekto ng Super El Niño, pinagtutulungan ng DSWD at Department of Labor and Employment (DOLE) ang pagpapalakas ng pinagkukunan ng tubig at produksyon ng pagkain sa mga komunidad sa Cagayan Valley. Sa ilalim ng DOLE-TUPAD Convergence Project, binibigyan ng pansamantalang trabaho at kaukulang sahod ang mga partner-beneficiaries na nagsasagawa at nagpapanatili ng mga pasilidad sa pag-iipon ng tubig at mga communal garden sa ilalim ng Project LAWA at BINHI.
Sa buong Nobyembre, nagsagawa ng monitoring ang Risk Resiliency Program (RRP) ng DSWD sa iba't ibang bayan at lungsod para suriin ang progreso ng mga gawain at tukuyin ang mga kailangang pagbutihin. Sinuri ng mga kawani ng ahensya, katuwang ang mga lokal na tanggapan ng pamahalaan, ang mga pasilidad sa tubig, communal garden, plant nursery at iba pang proyektong pinangangalagaan ng mga benepisyaryo.
Alinsunod sa direktiba ni Pangulong Ferdinand R. Marcos Jr., patuloy na pinalalakas ng DSWD ang seguridad sa pagkain at katatagan ng mga komunidad sa harap ng mga epekto ng climate change. (CC)
#BawatBuhayMahalagaSaDSWD ❤️
#ProjectLAWAatBINHI
#SuperElNiño
Project LAWA At BINHI, May Dagdag-Kita at Pagkain sa mga Magsasaka sa Tupi 👨🌾🎉
Umabot sa 234 Kilo ng tilapia ang naani ng Polonuling Rice Farmers Irrigators Association sa Sitio Bunawan, Barangay Polonuling, Tupi, South Cotabato noong Sabado (Nobyembre 14) sa ilalim ng Risk Resiliency Program – Project LAWA at BINHI (RRP-PLAB) ng DSWD Field Office (FO) 12 - SOCCSKARGEN. Katumbas ito ng tinatayang Php30,900 na kita para sa samahan alinsunod sa direktiba ni Pangulong Ferdinand R. Marcos Jr. na palakasin ang lokal na produksyon ng pagkain at kabuhayan ng mga komunidad.
Sa kabila ng pabago-bagong kondisyon ng panahon, nagtagumpay ang samahan sa kanilang aquaculture initiative na nagdaragdag ng suplay ng pagkain at oportunidad sa pagkakakitaan. (DIMA)
#BawatBuhayMahalagaSaDSWD ❤️
#ProjectLAWAatBINHI
Project LAWA at BINHI, Php24M na tulong apra sa 2,400 Benepisyaryo sa Negros Island at Siquijor 🤝🎉
Pormal nang natapos ng DSWD Field Office (FO) Negros Island Region (NIR) ang pamamahagi ng cash-for-work (CFW) subsidy sa ilalim ng Project LAWA at BINHI sa 12 lokal na pamahalaan sa Negros Oriental at Siquijor. Naganap ang huling payout para sa 2,400 partner-beneficiaries noong Lunes (Nobyembre 16) sa mga bayan ng Lazi, San Juan at Enrique Villanueva, kung saan nakatanggap ang bawat isa ng tig-Php10,020 na tulong pinansyal.
Sa loob ng 20 araw, nakibahagi ang mga benepisyaryo sa paggawa ng maliliit na imbakan ng tubig sa mga sakahan, rehabilitasyon ng mga pasilidad para sa pag-iipon ng tubig at pagtatanim sa mga community garden. Layunin ng Project LAWA at BINHI na magbigay ng agarang oportunidad sa kabuhayan habang pinatitibay ang kahandaan ng mga komunidad sa mga kalamidad, seguridad sa pagkain at kakayahang makabangon mula sa epekto ng pagbabago ng klima, alinsunod sa direktiba ni Pangulong Ferdinand R. Marcos Jr. na palakasin ang katatagan at kabuhayan ng mga pamilyang Pilipino. (CC)
#BawatBuhayMahalagaSaDSWD ❤️
#ProjectLAWAatBINHI
Gulay at Kabuhayan sa Arakan, Umarangkada sa Ilalim ng Project LAWA at BINHI! 🎉👨🌾
Nakapag-ani ng iba’t ibang gulay ang mga partner-beneficiaries ng DSWD Field Office 12 – SOCCSKSARGEN sa ilalim ng Risk Resiliency Program – Project LAWA at BINHI (RRP-PLAB) sa tatlong barangay sa Arakan, Cotabato Province mula Martes hanggang Huwebes (Nobyembre 17-19).
Sa Barangay Meocan, nakaani ang mga benepisyaryo ng 15 kilo ng upo, 5 kilo ng talong, at 4 na kilo ng patola sa pakikipagtulungan ng National Irrigation Administration (NIA); sa Barangay San Miguel, 25 kilo ng labanos, 18 kilo ng talong, at 5 kilo ng ampalaya; at sa Barangay Poblacion, 8 kilo ng kamatis, 20 kilo ng talong, at 5 kilo ng pipino. Sinusuportahan ng programang ito ang direktiba ni Pangulong Ferdinand R. Marcos Jr. na palakasin ang seguridad sa pagkain at kabuhayan sa mga komunidad.
Nagsisilbing dagdag na pagkain para sa mga pamilya at suporta sa kanilang kabuhayan ang mga naaning gulay, bunga ng sama-samang pagsisikap ng mga komunidad na palakasin ang lokal na produksyon ng pagkain. (DIMA)
#BawatBuhayMahalagaSaDSWD ❤️
#ProjectLAWAatBINHI
104
Bagong Drainage Canal, Magpapabuti sa Daluyan ng Tubig sa Madrid, Surigao del Sur💧
Mas maayos na daluyan ng tubig-ulan ang maaasahan ng mga residente ng Barangay Linibunan, Madrid, Surigao del Sur matapos makumpleto ang 320-metrong drainage canal sa tulong ng DSWD KALAHI-CIDSS. Inaasahang makikinabang dito ang 415 kabahayan sa barangay, kabilang ang 40 pamilyang benepisyaryo ng Pantawid Pamilyang Pilipino Program - 4Ps (4Ps).
Pinondohan ang proyekto sa pamamagitan ng cash grant mula sa KALAHI-CIDSS, katuwang ang mga lokal na pamahalaan ng Barangay Linibunan at Bayan ng Madrid. Makatutulong ang bagong pasilidad na ito para mapadaloy nang mas maayos ang tubig-ulan at mabawasan ang naiipon nitong tubig sa komunidad.
Bahagi ang proyektong ito ng patuloy na pagsusulong ng administrasyon ni Pangulong Ferdinand R. Marcos Jr. sa mga programang naglalapit ng mga serbisyong pangkaunlaran sa mga komunidad at mabigyan ng pagkakataon ang mga mamamayan na maging aktibong bahagi sa pagtukoy ng kanilang mga prayoridad at pagsasakatuparan ng mga proyektong pakikinabangan ng kanilang lugar. (AL)
#BawatBuhayMahalagaSaDSWD ❤️
#PantawidPamilyangPilipinoProgram
#MagKalahiTayoPilipinas
#DSWDKALAHICIDSS
6,360 Potensyal na Benepisyaryo ng Walang Gutom Program, Sasailalim sa Validation sa Central Visayas 🎉
Sinimulan ng DSWD Field Office (FO) 7 – Central Visayas noong Lunes (Nobyembre 16) ang validation ng mga karagdagang potensyal na benepisyaryo ng DSWD Walang Gutom Program (WGP) sa mga lalawigan ng Cebu at Bohol. Nasa kabuuang 6,360 indibidwal na natukoy sa pamamagitan ng Community-Based Monitoring System (CBMS) database ang inaasahang sasailalim sa onboarding process sa buong rehiyon ngayong Nobyembre. Sa pamamagitan ng validation at onboarding, tinitiyak ng Kagawaran na nasusuri ang mga potensyal na benepisyaryo at natutugunan nila ang mga pamantayan bago opisyal na maisama sa programa.
Patuloy na pinalalawak ng DSWD ang pagpapatupad ng WGP, alinsunod sa direktiba ni Pangulong Ferdinand R. Marcos Jr. na palakasin ang seguridad sa pagkain at tiyaking walang pamilyang Pilipino ang magugutom. (CC)
#BawatBuhayMahalagaSaDSWD ❤️
#DSWDWalangGutomProgram
DSWD Project Aruga Hatid ang Karagdagang Suporta sa mga Batang may Kapansanan sa Lubao 🫂🧑🦽
Isinagawa ng DSWD Field Office (FO) 3 - Central Luzon katuwang ang Lokal na Pamahalaan ng Lubao, Pampanga ang ikalawang batch ng pamamahagi ng specialized wheelchairs sa dalawang batang benepisyaryo sa tulong ng Returned and Services League (RSL) of Australia – Angeles City Sub Branch noong Martes (Nobyembre 17) at ang unang sesyon ng Gabay-Magulang Peer Support Group Sessions kung saan nagkaroon ng ligtas na espasyo ang mga magulang at tagapag-alaga para magbahagi ng kanilang mga karanasan, hamon at kaalaman sa pag-aaruga sa mga batang may kapansanan.
Patuloy na pinalalawak ng Project Aruga ang mga serbisyong nakatuon sa kapakanan ng mga batang may kapansanan at kanilang mga pamilya, alinsunod sa direktiba ni Pangulong Ferdinand R. Marcos Jr. na isulong ang isang inklusibo at mapagkalingang lipunan kung saan walang naiiwan. (CC)
#BawatBuhayMahalagaSaDSWD ❤️
#ProjectAruga
Mga Kamay na Humahabi ng Kabuhayan 🧺
Mahigit tatlong dekada nang hinuhubog ni Elizabeth Duron mula Agusan del Sur ang kanyang husay sa paghahabi ng mga produktong yari sa dahon ng palma. Ang kasanayang ito ang nagsisilbing sandigan niya sa paghahanapbuhay, mula sa paggawa ng mga handicraft hanggang sa mismong pagbebenta ng mga ito sa mga mamimili.
Bahagi ng administrasyon ni Pangulong Ferdinand R. Marcos Jr. ang pagsusulong sa mga programang tulad ng Sustainable Livelihood Program (SLP) ng DSWD na nagbibigay ng kabuhayan sa mga Pilipino. Sa pamamagitan ng inisyatibo at pangunguna ng DSWD Field Office (FO) Caraga, nakatanggap si Elizabeth ng Php20,000 livelihood assistance na ginamit niya para makabili ng mga materyales na kailangan sa paggawa ng fruit baskets, laundry baskets, food covers at trays. Sa tulong ng suportang ito, patuloy na napalalago ni Elizabeth ang kabuhayang ilang dekada na niyang pinagyayaman. Isang patunay na sa tamang suporta, may pagkakataong higit pang mapalawak ang kabuhayang nagsimula sa sariling kakayahan at pagsisikap. (AL)
#BawatBuhayMahalagaSaDSWD❤️
#SustainableLivelihoodProgram
DSWD, Naghatid ng Suporta sa 400 Vendors sa Makati 🫂🤝
Tinatayang 400 vendors sa Makati City ang nakatanggap ng tig-Php10,000 tulong pinansyal at tig-isang family food pack (FFP) mula sa DSWD Field Office (FO) National Capital Region (NCR) nitong Huwebes (Nobyembre 19) sa Makati Quadrangle.
Pansamantalang naapektuhan ang kanilang kabuhayan dahil sa mga paghahanda at paghihigpit sa seguridad kaugnay ng 49th ASEAN Summit sa bansa. Bilang tugon, naghatid ang DSWD ng cash assistance at FFPs sa mga vendors para maibsan ang epekto ng pansamantalang paghinto ng kanilang pagtitinda, alinsunod sa direktiba ni Pangulong Ferdinand R. Marcos Jr. (JRG)
#BawatBuhayMahalagaSaDSWD ❤️
#ASEANSummit2026
UPLIFTing News: Umabot sa 837 indibidwal mula sa mga bayan ng Magallanes at Casiguran, Sorsogon ang nakatanggap ng tulong pinansyal sa ilalim ng UPLIFT Assistance mula sa DSWD Field Office (FO) 5 – Bicol Region noong Miyerkules (Nobyembre 18). Sa kabuuang bilang, 476 mula sa Magallanes at 361 mula sa Casiguran ang nakatanggap ng tig-Php4,000 bilang ikatlo at ikaapat na tranche ng tulong para makatulong sa kanilang pang-araw-araw na gastusin sa gitna ng pagtaas ng presyo ng produktong petrolyo at mga pangunahing bilihin.
Patuloy na ipinagkakaloob ng DSWD ang UPLIFT Assistance sa mga kwalipikadong benepisyaryo para makatulong sa pagtugon sa pang-araw-araw na pangangailangan ng mga benepisyaryo at maibsan ang epekto ng pagtaas ng presyo ng mga bilihin, alinsunod sa direktiba ni Pangulong Ferdinand R. Marcos Jr. na tiyakin ang maagap na paghahatid ng tulong sa mga pamilyang nangangailangan. (CC)
#BawatBuhayMahalagaSaDSWD ❤️
#UPLIFT
UPLIFTing News: Umabot sa 52,047 na benepisyaryo ang nakatanggap ng tig-Php4,000 na tulong pinansyal sa GCash mula sa DSWD Field Office (FO) 7 - Central Visayas para sa ikatlo at ikaapat na tranche ng UPLIFT Assistance sa Digital Payment Launching sa Cordova, Cebu ngayong Huwebes (Nobyembre 19). Ipinakita ng mga kawani ng Kagawaran ang proseso ng digital payout habang lumahok din sa pamamagitan ng Zoom teleconference ang mga kinatawan ng iba't ibang lokal na pamahalaan para masubaybayan ang payout sa mga lungsod at munisipalidad ng Cebu at Bohol.
Bahagi ito ng inisyatiba ng @DSWDfo7 na gawing mas mabilis at maayos ang paghahatid ng tulong pinansyal sa mga kwalipikadong benepisyaryo, alinsunod sa direktiba ni Pangulong Ferdinand R. Marcos Jr. na tiyakin ang maagap na pagbibigay ng suporta sa mga pamilyang nangangailangan. (CC)
#BawatBuhayMahalagaSaDSWD ❤️
#UPLIFT
DSWD, Nagbigay ng Tulong Sikolohikal at Pinansyal sa Senior Citizen na Survivor ng Karahasan sa Albay 🫂❤️🩹
Isang 70-anyos na babae mula sa Tabaco City, Albay ang nakatanggap ng tulong mula sa DSWD Field Office (FO) 5 - Bicol Region matapos makaranas ng karahasan. Agad na nakipag-ugnayan ang Kagawaran sa lokal na pamahalaan para maihatid ang kinakailangang serbisyo sa kanya at sa kanyang pamilya habang siya ay ginagamot sa ospital.
Noong Biyernes (Nobyembre 13), binisita siya ng ating mga Angels in Red Vests at binigyan ng Psychological First Aid (PFA) para matugunan ang kanyang emosyonal at psychosocial na pangangailangan. Nagkaloob din ang DSWD FO-5 ng Php5,000 food assistance sa kanyang pamilya bilang pandagdag sa kanilang gastusin.
Sa ilalim ng pamumuno ni Secretary @rex_gatchalian at alinsunod sa direktiba ni Pangulong Ferdinand R. Marcos Jr., patuloy na inilalapit ng DSWD ang mga serbisyong panlipunan sa mga indibidwal at pamilyang nangangailangan ng tulong sa panahon ng krisis. (AL)
#BawatBuhayMahalagaSaDSWD❤️






















































































