انوار

#٢٠٣٠_بلا_نقاب39 في اللحظه الي ترفضين فيها لبس النقاب تنهال عليك المواعظ و التذكير بالفضيله و اذا اصريتي على موقفك يتغير الاسلوب و يبدأون يعايرونك بسوءه و اضطرارك عليه ، الفضيله الي تتحول الى عياره حسب السياق ما كانت بيوم فضيله بل زُينت بلباس الفضيله و سوقت لك لاقناعك

#٢٠٣٠_بلا_نقاب39 وش قيمة الاختيار إذا كانت إحدى نتائجه خسارة الأمان أو القبول أو الحب؟ الحرية مو مجرد إن الباب يكون مفتوح قدامك ، الحرية إنك تقدر تعبره بدون ما تُهدد بخسارة كل شيء تحبه و تستحقه و تضطر تتركه خلفك في سبيل اكتساب حق قول كلمة لا

#٢٠٣٠_بلا_نقاب38 مو كل بنت تبي تعيش بنفس طريقة أمها ومو كل أم لازم تكون عاشت بنفس طريقة جدتها الأجيال تتغير والناس تتعلم وتتكون عندها أفكار مختلفة وهذا شيء طبيعي ، الغريب إننا نتوقع من المرأة بالذات إنها تورث نفس اختيارات النساء اللي قبلها وكأن شخصيتها ما لها وجود مستقل

#٢٠٣٠_بلا_نقاب38 لو فعلًا هدفنا مجتمع أخلاقي المفروض يكون اهتمامنا منصب على الأمانة والعدل والصدق واحترام الحقوق وعدم إيذاء الآخرين مو إننا ننشغل بمراقبة مظهر النساء ونعتبره مؤشر كافي للحكم عليهم ، الأخلاق ممارسة يومية في التعامل مو صورة خارجية نقدر نصنف الناس على أساسها

#٢٠٣٠_بلا_نقاب38 متناقض بالدنيا هو إنك تقول للمرأة إن كرامتها محفوظة ومكانتها عالية ثم تربط هالكرامة بطريقة ظهور وجهها ؟!! كرامة الإنسان ما ترتفع وتنخفض حسب مظهره ولا المفروض تكون المرأة مضطرة تقدم تنازلات عن قناعاتها عشان تُعامل بإنسانية

#٢٠٣٠_بلا_نقاب38 إذا كانت البنت ما تعرف وش الخيارات اللي ممكن تعيشها وما جربت تختار لنفسها وما عاشت إلا على نموذج واحد يُقال لها إنه النموذج الصحيح كيف نقدر نجزم إن هذا اختيارها فعلًا؟ مو كل إنسان ساكت مقتنع ومو كل إنسان متعايش مع واقعه راضي عنه

بارت تو من الي قالت لجدتها احس اني فاقده الشغف و دقت على ابوها تستنجد و تقول الحق بنتك تراها فاقده الشرف

#٢٠٣٠_بلا_نقاب38 فيه فرق بين إنك تحترم المرأة بشكل مطلق لانها تستحق وبين إنك تحترمها لأنها مطابقة لمعاييرك الأولى احترام للإنسان والثانية قبول مشروط ممكن يختفي بمجرد ما تتغير قطعة في معيارك والواقع اننا بمجتمع نظرتة تتبدل بالكامل بسبب قرار يخص وجهك وكأن شخصيتك كلها معلقة عليه

#٢٠٣٠_بلا_نقاب37 مفهوم الغيره في مجتمعنا اعوج و مشوه و سوداوي و اقرب ما يكون انه انتهاك و قيد و سيطره و ليس شعور يجب كبحه بقوة العقل و الذي يرفض استخدام العقل في السيطره على الشعور بدل مستقبل الشعور هو من يدعي اكتمال العقل و قلة العاطفه و الانفعال في اي منطق يُعقل هذا ؟

#٢٠٣٠_بلا_نقاب37 تطلبي حرية أيتها الرعيه لا تطلبي حرية.. بل مارسي الحرية إن رضى الراعي... فألف مرحبا و إن أبى فحاولي إقناعه باللطف والرويه.. قولى له أن يشرب البحر وأن يبلع نصف الكرة الأرضية! ما كانت الحرية اختراعه أو إرث من خلفه لكي يضمها إلى أملاكه الشخصية

#٢٠٣٠_بلا_نقاب37 مجتمعات لم تعتد على رؤية المرأة الا بالفراش ولا تختلط معها الا بالفراش ترى ان كل امر تقوم به المرأة دعوة للفراش

#٢٠٣٠_بلا_نقاب37 عجيب إن بعض الناس يقدرون يناقشونك في كل شيء إلا إذا وصل النقاش لحق المرأة في اتخاذ قرار يخصها هنا تنتهي الحجج ويبدأ التخويف والتشكيك في أخلاقها وتربيتها وعقلها و حتى جنسيتها وكأن المرأة ما عندها القدرة تفكر إلا إذا فكرت بالطريقة اللي تعجبهم

#٢٠٣٠_بلا_نقاب37 المشكلة مو بس في النقاب المشكلة في ابعاده المشكله إن البنت من يوم تولد وهي تتعلم إن فيه أشياء كثيرة بحياتها مو من حقها تقررها بنفسها حتى شكلها وهويتها وطريقة ظهورها للعالم لازم تكون على مقاس توقعات الآخرين وبعدين يستغربون إذا طالبت بمساحة تكون فيها نفسها !!

طبعاً خاطره ما ضاق و هو يشوف شورتات العيال الي فوق الركبه و الاسبال و القزع و اعفاء اللحيه و اطلاق الشارب و مقاطع الي يسافرون برا و دشارتهم هذا غير ان بعضهم مسافر اصلاً لحاله رغم انه محرم و لا حتى التملص الي يصير في قضايا النفقه صلاح الامه مربوط بشكل المرأه بس الظاهر

#٢٠٣٠_بلا_نقاب37 احنا بمجتمع يشوف البنت مو محترمة لمجرد إنها كاشفة وجهها بدون ما يعرف عنها أي شيء لا عن أخلاقها ولا تعاملها ولا مواقفها ولا حتى اسمها مجرد وجهها كافي لإصدار حكم كامل على الانسانة إلى أي درجة وصلنا في اختزال البشر بمظاهرهم؟!!

#٢٠٣٠_بلا_نقاب37 تخيلوا إن النقاش كله صار عن وش المفروض تلبس المرأه بدال ما يكون عندها مساحة تختار أصلًا و بدال ما نسأل البنت وش تبي قاعدين تتناقشون وش المفروض تبي و وش المفروض تقتنع فيه وكيف المفروض تظهر وكأن رغبتها هي آخر شيء يهم في الموضوع سلامات ؟!!

#٢٠٣٠_بلا_نقاب36 أكثر شيء يضايقني إننا نتكلم عن المرأة وكأنها مسؤولية المجتمع كلها وش تلبس وش تسوي وين تروح وكيف تظهر وكيف تتصرف طيب متى بتصير إنسانة لها حياتها الخاصة؟

#٢٠٣٠_بلا_نقاب36 المشكلة أعمق من قطعة قماش المشكلة في تربية البنت على إن هويتها مو ملكها وإنها لازم تكون بالشكل اللي يرضي أهلها ومجتمعها وإن أي محاولة منها لاكتشاف نفسها أو تكوين قناعات مختلفة تعتبر تمرد كيف تبون بنت تعرف نفسها وهي طول عمرها تتعلم كيف تكون الشخص اللي تبغونه أنتم

#٢٠٣٠_بلا_نقاب36 ليه لازم البنت تقضي عمرها تبرر اختياراتها؟ ليه كل قرار يخصها يحتاج تفسير وإقناع وموافقة؟ ليه ما يكون لها الحق تقول أبي أو ما أبي وينتهي الموضوع؟ ترى مو كل تفصيلة في حياة المرأة مشروع نقاش مفتوح للمجتمع