ما تركته في حدود الممكنه و المستحيله
كنت أداري خاطره لو خاطره، مدري علامه !
وكنت أوقّف له على ساق وقدم في كل ليله
لين أعدّلها عقب .. ماهيب ميله و أستقامه
إن ثقل همه على مَتْنه فـ انا اول من يشيله
وان تمادى بالسهر ليله فـ انا آخر من ينامه
يدري أن الدمعه اللي في طرف عيني ثقيله
و أدري أن عيونه اللي صدت أبلغ من كلامه
- خالد العراك
كلّ حلمٍ فاتني بالأمس وصّل له سلامي
ما على الفايت حسايف والندم قصة قديمه
ادري ان الحلم لا منّي عطيته إهتمامي
صار حلمٍ للجميع وصار له معنى وقيمه
الخساير في حياتي ما تنزّل من مقامي
انخلقت بقلب طير و روح ما ترضى الهزيمة
مؤسف إني كنت اداري قلب يسعى لانهزامي
ماهقيت ان النديم بيوم يرضاها لنديمه
بترك الدنيا واهلها واسكن بغيهب ظلامي
طبت من عالم حسدها يقتل النفس الكريمه
كلّ شيٍّ صار يجرح خاطري مدري علامي
والله انْ حتى الهوى يجرحني ان ذعذع نسيمه
اغتراب الروح بان فنظرتي ..صوتي ..كلامي
حالها حال اغتراب الدار عاقبته وخيمه
العوض بالجاي يا حزنٍ تجلّى فابتسامي
الحياة دروس وآنا فدرسها -قصّة أليمة-
