ذكرى عزيزة يوم قلبت الأوراق
مرت عليّ وأعلنت منها خضوعي
محتار أنا وقفت والدمع دفّاق
وأمسيت ساهر والخلايق هجوعي
قفى وأنا جاهل وفي سن إرهاق
وأبكي وعيّت ماتردّه دموعي
لو البكاء يجدي على كل من ضاق
ماكان أهون لو تمزع ضلوعي
لكن مقادير وذا حكم خلاّق
حكم حكم به لي وانا به قنوعي
هذا اول الدرب أو هذا الطريق اولك
جيت آتوقا عذابات المدى واهتديك
شوقي مسافة وهمساتك مدار وفلك
ان ما ظميتك غلى يا علني ما ارتويك
اية اعرفك واعرف اني من غلاك اجهلك
مرات اضمك واخاف اني مشبة عليك
مرات اشوفك بنفس الوقت واتخيلك
وانشد كفوفي عن آخر سالفة من يديك
اشتقت لك قبل اجيك وجيت واشتقت لك
البارحة طول ليلي بين هذي وذيك
مليت جمر انتظارك واستحيت اسألك
واحسبتني ما بعد جيتك وفكرت اجيك
اثرك بقلبي من البارح وانا استعجلك
واثري نسيتك من الفرحة وقمت احتريك
غيرك لو انه فرش فدروبي ورود
وفرض قبل مقدريته احترامه
اقول له ما على مشاعرك زود
لكن خلك على فراش الكرامة
أما انت ولا بلاش معاشر الخود
ماني مبدل شدادي بالمسامة
مواصلك لا ذكرته يا اطرق العود
اقول يا جعل للجنة عظامه
يا من لها الأشواقُ تسري في دمي
هل تسمعين توجّعي وندائي؟
مازال يؤنسني خيالكِ كُلّما
فاضت بيَ الذكرى وطال عنائي
لا تحسبي أني نسيتكِ لحظةً
ولتسألي وجدي وطول بكائي
واللهِ ما لهجَ اللسانُ بدعوةٍ
إلا ذكرتُكِ في حروف دعائي
أرجوهُ والقلبُ المتيّمُ موقنٌ
أن الذي أدعوهُ فوقَ رجائي
نا سمعت اسمك
او اسم مثل اسمك
ولما التفت اشوف
كانت عيوني خوف
لا يكون احد غيرك!
انا لمحتك بس
كان الزحام قاسي
بيني وبينك ناس
ودموعي وانفاسي
حاولت اقرب منك
كان السلام يكفي
مديت كفي لك
ومحد مسك كفي
لا انت ولا حد غيرك
انا سمعت اسمك في عز نسياني
سمعت صوت قال اسمك وصحاني
على ذمّة النسيان خليت له ذكرى
يا واحدٍ من قوّ قلبه تناساني
عرفته وله قلبٍ مثل هالزهر وأطرى
وتركني وله قلبٍ قدر فيه ينساني
كسب بي جماله يوم مرّ الشعر وأثرى
بساتين شعري وأورقت ذيك الأغصاني
ولي به جماله يوم عوّدت به يقرى
أثاريه يقرى مير ما كان يقراني
زعلوها ورحلت وأخلت قصور الفاخرية
وألحقتني شرهة الزعلان وأخطاني رضاها
سافرت والله ما أخبر اللي يزعلها عليه
وأستباحت يالله الخيرة سهر عيني وماها
ليتها يوم أستباحت دمعة العين الشقية
ما أستباحت دم قلبي من خلاها في خلاها
سامح الله ظلمها واطعونها الخضر الندية
والله يسامح خناجرها ويعفوا عن خطاها
عرضتني للهبايب والضمى والمهمهية
واتركتني للزعل والشوق والكبر وغلاها
والغلا ما هو في يديها ولا هو في يديا
الغلا شيٍ من الله وأشهد إن الله عطاها