وجعاه يا جرحٍ طلع تالي الليل ينصاه
لجل فرقا حبيبٍ كان قلبي يتمناه
أحاول أنسى ذكرياته والهوى ما نسّاه
وأقول يمكن مع الأيام قلبي ينساه
لكن طيفه كل ما هبّالنسيم ألقاه
وأرجع أحنّله رغم إني تمنّيت فرقاه
نديم الهوى لا زل من حبنا ثلثين
ذكرت اول أيامي معك يوم سامرتك
كثر ما يهيضني المسى وأسترك ما بين
جواهر قصيدٍ ما تجي ربع جوهرتك
لا تنشد عن أسباب اختيارك على الباقين
لو إن منت مبدى على الكل ما أخترتك
لحقني من غلاك ومن جفاك اللي يرق الحال
مثل ما كنّي أشوف الحزن في طرفك الغافي
يروح اللي يروح من العمر وإللي بقى لازال
ويبين اللي يبين من الغلا والخافي الخافي
هذا نبض الشعور اللي كتبته لك على إستعجال
فديت اسمك ولبى معدنك يالمعدن الصافي
تفرّدت يا وجهٍ جماله صنيع اللّٰه
لك القلب يبعث لك معَ العين برقيّة
من اللي يشوف الوجه هذا ولا يهواه
وش الملح لو ما هي ملامحه روقيّه؟
عيونك ليا هام البصر في حورها تاه
نواعس تقول إنها من الخمر مسقيّة
لك الحق تِدلّل وقلبك عليّ رضاه
عليك الدلال وللجمال الأحقيّة