الواحد كان شايف ان اسواء ظاهر حصلت في مجال الكره هو سيادة المستشار الي الزمالك كان مبتلي بيه
الي كان عنده فجر في الخصومة بيوصل لأقطع الأرزاق والخوض في الذمم والأعراض ومكنش عنده اي خطوط حمرا بيقف عندها والأذى بتاعه كان بيطول المحسوبين عن النادي قبل الخصوم
لحد ما ظهر جيمي بتاع شركاء الوطن
راجل عباره عن شيطان في صورة بني ادم متحكم في كل حاجه بتحصل في المشهد الرياضي
عنده جحافل من البني ادمين تحت سيطرته بيتحكم في رزقهم وومشيهم بتعليماته ومحدش يقدر يخالفه حتي لو طلب منه الحاجه وعكسها
بيتقال عليه علني من إعلامين ومسؤلين انه مسؤل الفشخ وعنده القدره انه يكسح اي حد
ربنا يكون في عون الناس الي وسط دا هو مصدر رزقها
هما دول آخر هدفين صلاح هيسجلهم مع المنتخب ؟
ولا صلاح محتاج القب دا علشان يبقي اهم لاعب في تاريخ مصر
شكلكم عبيط اوي وانتوا حاطين صلاح في مقارنات
المسيره الي عملها صلاح مينفعش تتحط في مقارنه مع باقي اللعيبه المصرية
مفيش ارض تجمعه مع حد علشان يدخل معاه في مقارنات
والله زعلت عليه لما مشي أكتر ما زعلت علي العيال الي راحت الاهلي
كابتن حسين لما اتسال في الحوار عن الابليكشن
كانت إجابته نفس الكلمتين دول 👇
جالي توضيح من المسؤلين في النادي
ومن المسؤلين في الشركه الي بتدير الابليكشن
الابليكشن ملك للنادي وأصل من أصول النادي ومورد من الموارد المهمة الي بتدخل فلوس للنادي
الشركه الي بتدير الأبلكيشن عملت تعاقد مع النادي علي ادارته لمده ٧ سنين مقابل
١/ مبلغ بالدولار بياخده النادي في بداية كل سنه
٢ / الأرباح بتتقسم بين النادي والشركه بنسب معينه
أنا عرفت المقابل المادي وعرفت النسب بس طالما المسؤلين لسه ما اعلنوش عنها فانا مش هقولها
لكن هي من وجهه نظري أرقام كويسه
المفاجأة بالنسبالي كانت في عدد المشتركين
لانه طلع رقم ضعيف و تقريبا ١٠٪ من الرقم الي كنت متوقعه
مجهود محترم جدا من عادل في توثيق تاريخ النادي
لأول مرة اعرف تاريخ تأسيس نادي الزمالك بعد سنوات من البحث.
بشكل عام يعاني تاريخ الرياضة المصرية من عدم توثيق دقيق في جوانب متعددة يأتي أبرزها حالة بطولات الاتحاد المختلط القديم التي تم إهمالها لا نعرف هل عجزا ، تقصيرا ، أهمالا أو عمدا.
وايضا من فقدان توثيق تواريخ تأسس الأندية فبين حالة التباس وخلط في حالة النادي الأولمبي ، وعدم معرفة تاريخ دقيق لتأسيس أندية الاتحاد والمصري والسكة الحديد و رواية "رسمية" لتأسيس الاهلي برغم ما في تفاصيلها من تساؤلات.
في المجمل معظم الأندية المصرية يتداول تاريخ تأسيسها بالعام وليس تاريخ دقيق.
في فترة 2010-2011 برزت رواية حددت تاريخ 5 يناير 1911 باعتباره تاريخ تأسيس النادي وضمن الرواية أن الفكرة راودت مرزباخ فى ديسمبر عام 1910، ، وجاء فيها أن أول مجلس إدارة يتكون من جورج مرزباخ رئيسًا وعضوية كلٍ من نوح أمين عبد الله وأحمد محمود عزام واللبنانى خورى شلهوب ممثلا لشركة الترام والإيطالى باولو اسبوسيتو ممثلا لقصر الخديو والبلجيكى مترى مرزباخ شقيق الرئيس ونائب الرئيس هو عالم الآثار هوارد كارتر.
هذة الرواية تعرضت لانتقاد المحب وسهام المشككين وذلك لما شابها من قصور نتج عن انها نشأت امتدادا لروايات سابقة تداولت في سياق التوثيق الشفهي لتاريخ النادي الذي تعرض لأزمات عديدة حصل خلالها انتقال المقر عدة مرات وتغييرات إدارية عديدة.
ماهو مؤكد الآن أن نادي الزمالك تأسس في 1911 بالفعل لكن في شهر سبتمبر تحت اسم
Kasr elnil Terrace sports club
حيث جاء في خبر منشور في أحد الصحف اليونانية بتاريخ 4 أكتوبر 1911، حيث جاء في الخبر أن أن النادي كان قد تأسس قبل ذلك بنحو شهر، وهو ما يرجح أن التأسيس يعود إلى سبتمبر 1911 بشكل شبه مؤكد وبنافذة زمنية اوسع تصل إلي الثلث الاخير من أغسطس
نعمل على استكمال تجميع خيوط رواية التأسيس التي جمعنا قدر كبير منها وسننشرها بشكل كامل لاحقا.
1
5
1,014
هي الفكره ان المجلس لو كان تشكل بطريقه غير دي
كابتن حسين مكنش هيبقي رئيس النادي أصلا
كابتن حسين مكنش عنده فرصه انه يبقي رئيس النادي غير بأنه يعمل قايمة يجمع فيها اكبر قدر من الناس الي عندها شعبيه
والي لو كانت نزلت قدامه في الانتخابات كانت هتكسبه
بس هو كان فاكر انه هيقدر يسيطر عليهم بعد ما يعمل الصفقات الانتخابيه دي ويبقي رئيس النادي
لكن دا محصلش للأسف والنادي الي دفع التمن
المعلومة الي كنت أعرفها في حوار حسام الزناتي ان النادي كان وصل معاه لإتفاق علي كل حاجه
وهو كان بدء يشتغل وعمل فريق عمل كمان وكان هيتم التعاقد معاه لمده موسمين
لكن حسام لما لقي ان فيه كلام علي شركة كره و خطوات بتتعمل علي الارض لإنشائها
حس بالقلق انه هيبقي متفق مع إداره وبعد فتره ممكن يكمل شغله مع إداره غيرها
علشان كدا حسام هو الي وقف الموضوع و لما كابتن حسين اتسأل عليه من إبراهيم عبدالجواد قال ان الموضوع عند حسام هو الي لسه محسمش قراره
والله اعلم
بعد ما شوفت لقاء كابتن حسين مع إبراهيم عبدالجواد عندي شوية توقعات
موضوع شركة الكره دا هيقف عند تغيير النسب في الجمعه العموميه ومش هيتاخد فيه اي خطوات تانية لحد ما يجي مجلس جديد
الأزمه الماليه صعبة جدا وممكن نفقد لعيبه تاني بسببها في يناير
و حتي الهدف الي كان حاطه كابتن حسين انه يسلم النادي من غير ديون وقضايا مقدرش يقوله او يوعد بيه علي الهوا
حسين لبيب عنده شعور بالخذلان من بعض الاشخاص في مجلس الادارة و ناوي يزعلهم في الانتخابات الجاية لو حد فيهم قرر ينزل
وعموما كل ما نقرب من الانتخابات الاجواء في الزمالك هتبقي وحشه والانتخابات نفسها هتبقي أجواءها صعبة
لو فيه حد مستغرب من ردود أفعال اللعيبة والمسؤلين في المنتخب والفرحه والسعاده الي ظاهره في كل صورهم بعد تغيير الجهاز الفني فهو غالبا ربنا كرمه ومتمعلتش مع شخصيات نرجسية قبل كدا
الشخص النرجسي بيبقي عنده شعور بالاستحقاقية والغرور و العجرفة ورفض اي نوع من انواع النقد او الإعتراض دا غير استغلاله لكل الي حوالية
وطبعا الشخص دا لو في موقع مسؤلية وانت مجبر انك تتعامل معاه بتبقي الاجواء كلها صعبه وبيبقي عامل زي الهم علي القلب
فكل الصور الي طالعه من المنتخب دي حقيقه و الناس مبسوطه فعلا ان الي كان كابس علي نفسهم مشي وارتاحوا منه
الكلام دا ملوش علاقه بالإنجازات الي ممكن الشخص يعملها او الامكانيات الي عنده
ممكن يكون شخص ناجح وشاطر بس محدش طايقه بسبب شخصيته وتعاملاته
حد عنده تفسير منطقي ليه جزء مش قليل من مشجعين الاهلي عندهم كره لصلاح بالشكل دا
و موضوع انه عدي اساطير أهلاوية وبقي أسطورة الكره المصرية دا كلام فارغ الصراحه
لأن اهم أسطورتين للكره المصرية بعد صلاح مش محسوبين علي الأهلي أصلا
حسن شحاتة و حسام حسن
بمجرد ما الوايت نايتس طلع بيان ضد انشاء شركة الكره في عهد المجلس الحالي
المجلس طلع بيان علشان يرد عليهم ويوضح بعض النقط الي عليها خلاف
بمجرد ما مجموعه من الاعبين السابقين عملوا اجتماع للاعتراض علي شركة الكره
مجلس الاداره عملهم دعوه علشان يتناقش معاهم ويوضح ليهم الي هما معترضين عليه
شيل بقي مجلس الاداره وحط مكانهم مجموعة مستمرين
هل المستثمرين دول هيعملوا اعتبار لحد زعلان من اي حاجه بتحصل في النادي سواء جمهور او رموز او اي حد ؟ الاجابه لا
لان ببساطه فلوسه وهو حر فيها
ليه في اصرار انك تشيل النسبه الحاكمه من النادي وتحطها في ايد ناس انت مش عارف هما هيعملوا ايه ولا ناويين علي ايه ؟
وبالنسبه للرأي بتاع ان محدش هيستثمر ويدفع فلوس غير لما يكون معاه النسبه الحاكمه علشان يبقي هو الي بيدير
فالكلام دا مش حقيقي وليه بدل الحل عشر حلول
والدليل ان جون ادوارد الموسم الي فات كان بيدير كل ما يتعلق بالكره في الزمالك من غير ما يدفع فلوس أصلا بالعكس دا كان بياخد فلوس
من وجهه نظري وبالمعطيات الي شايفها وعارفها خروج النسبه الحاكمه من النادي هيبقي تهديد لوجود النادي دا في المستقبل
كان فيه حد من الاصدقاء عنده وجهه نظر ان استبعاد حسام حسن للعيبة الزمالك من المنتخب بيأثر عليهم نفسيا و بيبقي سبب من اسباب تراجع مستواهم لان اللاعب بيفقد حافز دخوله المنتخب مهما عمل ومهم تألق
وكان ضرب مثال بمحمد شحاته أنا مستواه تراجع من بعد الاستبعاد من المنتخب و خصوصا مع دخول لعب زي علي محمود بداله المنتخب بسبب بس انه لبس تيشرت الاهلي
فاتمني عوده محمد شحاته للمنتخب مع علي ماهر تكون سبب ان مستواه يتحسن لانه من اول الموسم وهو في منتهي السوء
بمناسبة الكلام علي القايمة وان البنات شايفه انها ظلم ليهم و نظام الجواز الي البنت بتشارك في تأسيس البيت مش موجود غير في مصر (ودا حقيقي فعلا )
ليا تجربة مع واحد من صحابي عايز يتجوز من غير ما يكتب قايمة بقاله ٣ سنين مش عارف
الراجل عنده شقة وهيفرشها بالكامل و عنده بدل العربية اتنين وعنده شاليه في الساحل و هيدفع مهر و هيكتب مؤخر لكن مش هيمضي علي قايمة ولا علي اي حاجه تاني
٣ سنين من المحاولات و مفيش حد موافق علي الكلام دا وحتي لو فيه بنت وافقت اهلها بيرفضوا
وهو متمسك بالشروط دي
ونصحت يوافق علي موضوع القايمة او يتجوز وحده مش مصرية
فحتي لو فيه حد ناوي يعمل زي مالناس برا مصر بتعمل اهل البنات في مصر بيرفضوا علشان شايفين نظام القايمة فيه شوية حماية لبنتهم
This Post is from an account that no longer exists. Learn more
الوصاية الي بقت مفروضة علي معتمد جمال من السوشيال ميديا مش منطقيه أبدا
زي مقولت قبل كدا الي مش عاجبه الراجل يوجّه كلامه لرئيس النادي ويحاول يضغط علي الاداره علشان يغيروه
لكن كل شويه انت لازم تغير الجهاز الفني ولازم تجيب ناس جديده
وكل ما حد يمشي من مكان الناس ترشحه يشتغل مع معتمد في الجهاز كأن معتمد دا مجبر يشتغل مع اي حد غصب عنه
العمل الجماعي أصلا الأساس فيه الراحه والتناغم
انت لوحطيت مجموعة كل أفرادها ناجحه لكن مش متوافقين مع بعض عمرهم ما هينجحوا
محمد عبدالواحد أنا بحبه جدا واتمني يكون موجود بس هو سناً اكبر من ابراهيم صلاح فانت علشان تدخله الجهاز هتنزل إبراهيم صلاح درجه وصلاح سليمان درجتين
مين قال ان حاجه زي كدا ممكن تخلي الجهاز دا يبقي افضل وانجح ؟
محمود سليم مع احترامي الكامل ليه هو راجل اهلاوي وكان بيشتغل في الاهلي قبل المنتخب بأي منطق يتعين في الزمالك !!
والمنصب نفسه مهم لكنه مكمل مش منصب استراتيجي محتاج تضحي بكبرياء ناديك وتلجاء لشخص اهلاوي علشان يشتغل فيه
وعندك عشرات الزملكاويه شغالين محللين اداء
والي متعين أصلا في المنصب دا في الزمالك راجل أجنبي بيقبض بالدولار و المنصب مش متساب فاضي
أنا عارف ان الناس خايفه علي الفريق وعندها عشم كبير في بطوله افريقيا ونفسها تخلي الفريق في افضل حال
بس في حلول بتبقي منطقية وحلول تانيه بتبقي بعيده عن المنطق وفيها كمان تقليل من النادي
قولتلك التجديد دا ملوش اي لزمه يا كابتن حسام 🤷♂️
احنا مش بتوع عقود
كلها ماشيه بالتليفونات
بمناسبة تجديد عقد حسام حسن مع منتخب مصر لحد ٢٠٣٠
التجديد دا ملوش اي لزمه وحسام حسن لو معملش نتيجه كويسه في كاس امم افريقيا السنه الجايه هيمشي
حسن شحاته بعد مكسب امم افريقيا ٢٠١٠ أتعمله عقد لحد كاس العالم ٢٠١٤
لما معرفش يوصل امم أفريقيا ٢٠١٢ جاله تليفون بكره تروح تقدم استقالاتك في اتحاد الكره واستقال ومشي فعلا
حسام عنده ٢ امم أفريقيا ٢٠٢٧ و ٢٠٢٨ لو خيش في اي وحده فيهم مش هيبقي المدير الفني لمصر في كاس العالم ٢٠٣٠ ولا تجديد بقي ولا غيره هيفرق
كل الأخبار الي كانت متعلقه بحياه حسام حسن الشخصية مكنتش بعلق عليها ولا يكتب عنها اي حاجه
زيها زي باقي الاخبار والترندات المهزقه الي بتنتشر كل يوم بحاول طول الوقت أتجاهلها و أطبق كلام ربنا ( وَإِذَا مَرُّوا بِاللَّغْوِ مَرُّوا كِرَامًا )
لكن خلاص طلما قرار رحيله بقي أمر واقع فالصراحة القرار دا اتأخر كتير لان الموضوع كان فج ومقرف بشكل صعب
ولازم اتحاد الكره يختار بديل كويس علشان محدش يرجع يقولهم الراجل مكنش بيخسر مشي ليه
دي بقي المسخره الكامله
بني ادم ماسك منصب اي حد يحلم بيه وعنده طموح انه ينجح واسمه يتكتب في التاريخ
واخد دعم وثقه من صاحب القرار
الوظيفه بتمثل مصدر دخل لبيته واولاده
النتايج بتساعد وموجود في المنافسه في كل البطولات
يسيب كل دا ويمشي ليه ؟؟
Replying to @7aaamdy
ده ف ناس بتقوله طب بلاش حسين لبيب يمشيك
استقيل انت وخليها تيجي منك 😂😂
مش عايزين يسلموا للأمر الواقع و فاكرين نفسهم مؤثرين
الحمدلله كبرت دماغي من وقت
واحد بيكسب امشيه ليه
لما تسوء النتائج ويارب ما يحصل ده، يبقي ف كلام تاني
معتمد جمال لا عنده لجان ولا أصحاب ولا بيقبض حد ولا هو بيكلم حد ولا حد بيكلمه وهو عموما راجل محترم ملوش في الهجص دا
و مفيش حد يقدر ينكر الحالة الفنية السيئة الي فيها الزمالك من اول الموسم والي اكيد سبب من اسبابها المدرب والي (من وجهه نظري ) مش هتتحل بتغييره ممكن تتحسن بنسبه بسيطه مش اكتر من كدا
الي مش بيطلب برحيل معتمد دا عنده اسباب منطقية هو شايفها وحر فيها
في ناس شايفه ان مدرب مصري بيشتغل وعارف كل اجواء النادي وعارف الناشئين الي في النادي وساكت علي تأخير الفلوس احسن من مدرب اجنبي مرتبه بيتأخر وفاقد الشغف من الامكانيات القليلة ويعتبر قضيه جديده في الفيفا
و في ناس غيرهم شايفه ان مدرب التوفيق معاه ومحقق نتايج وبيكسب بلاش تغيره علشان التوفيق ميرحش منك
ودا مش شغل دارويش ولا شعوذة الاجانب نفسها بيعملوا كدا وعندهم أمثلة بكدا
و اخيرا بقي كدا كدا حسين لبيب مش هيمشيه حتي لو كان خسر إمبارح كان هيكمل برضه
والمتحدث الرسمي كل ما يطلع يتكلم بيأكد ان معتمد خط احمر
فالي عايز يهاجم و يتخانق يروح يتخانق مع الي في ايده القرار
الناس بتهاجم وبتلقح علي مشجعين ليه ؟






