نور 1

لا تكرهوا شيئًا وهو خير لكم لي سبع سنوات متزوج وما كتب الله لنا الذرية ومع مرور الوقت، بدأ كلام الأهل والأقارب يضغط علينا هذا يقول لي تزوج والثاني يقول طلّقها، والثالث يقول لا تضيّع عمرك. لين وصلنا لمرحلة تعبنا فيها نفسيًا، واتفقنا أنا وزوجتي إن كل واحد يشوف طريقه، ويمكن ربي يعوّضنا باللي فيه الخير في يوم من الأيام أخوي حوّل لي مبلغ وقال لي فيه حرمة كبيرة بالسن في مدينة ثانية، يقولون إنها تعالج بالمساج وتعرف لهالأمور بصراحة كنت فاقد الأمل، من كثر ما رحت مستشفيات حكومية وخاصة وجربت علاجات شعبية وما خليت باب إلا وطرقته لكن أخوي أصر علي وقال جرب وسافرت فعلًا يوم وصلت عند الحرمة لقيتها مشغولة وعندها ناس ينتظرون فقلت في نفسي خلاص ما عاد لي خاطر وتركت المكان ومشيت وبما إني قريب من مكة، قلت لزوجتي خلينا نعتمر، يمكن تكون هذي آخر عمرة لنا سوا خصوصًا إننا كنا متفقين على الفراق بعد ما خلصنا العمرة، ركبت مع سواق تاكسي سعودي كبير بالسن، وقلت له يوصلني لمواقف كدي ودار بيننا الحديث، وحكيت له عن رحلتي والحرمة اللي كنت ناوي أروح لها وكيف إني تركتها وجيت أعتمر وقف الرجال عند بقالة وأشار لي أنزل معه، وقال يا ولدي فيه علاج عندي لك استغربت وقلت وش عندك؟ قال: اسمع إذا ركبتوا معي مرة ثانية، بقول لزوجتك إنك ناوي تتزوج عليها ولا تطلّقها خلها على ذمتك طالعته باستغراب وضحكت وقلت في نفسي شكله يحب يسولف، لكن فعلًا يوم ركبنا معه قال الكلام قدامها زوجتي أول ما سمعت الكلام زعلت، وصارت تبكي وتشهق وأنا أحاول أهديها وأفهمها إن الموضوع مجرد كلام لكن الغريب إنها بعد هالموقف تغيرت حالتها النفسية وصارت تقول لي والله من يوم سمعت إنك بتتزوج عليّ وأنا مو على بعضي جاني خوف وقلق وصرت أدعي على سواق التاكسي اللي حرّشك علي وما أدري إنكم متفقين ومرت الأيام وبعد أقل من خمسة شهور، اكتشفنا إنها حامل ❤️ وبعدها صرت أسأل عن هالطريقة، وقالوا لي إن بعض المعالجين الشعبيين قديمًا كانوا يستخدمون أساليب نفسية ومواقف مفاجئة ويعتقدون إنها تساعد بعض الحالات لكن مو كل شخص تنفع معه، ولا عليها دليل طبي يثبت فعاليتها والله أعلم، فالأرزاق بيد الله، وإذا أراد الله أمرًا هيّأ له الأسباب من حيث لا نحتسب سبع سنوات من الانتظار وفي لحظة ما كانت بالحسبان جاء الفرج من رب العالمين ❤️