صباح الخير
يقول سعود الشطيطي :
يابنت المطر ماسبّل المزن فوقك ماه
ولـ هالحين مافكيتي بيديك مجدولك
و أنتي تلعبين لـ لمعّة البرق في منشاه
مثل ما لعبتي بـ حسبة الناس من حولك :)
أتوجّد ! جعلني في كل ما جاني ، مواجر
كل يوم أشوف لي مهنة توجّد وأحترفها
ياوجودي كل ماعرّض علي طيرً مهاجر
ودي أهاجر معه للديره إللي ما أعرفها ):
_ علي الدعيه
صباح الخير
يقول مطرب بن دحيم :
لاتنثني دون الهدف والحلم قدر المستطاع
والناس مهما يزعجونك في طموحك خلّهم
" العلم " خال المعرفة والحاجة أم الاختراع
والعزم ، والتوفيق ، والإصرار ، أبوهم كلّهم
صباح الخير
يقول سلطان بن عباس :
لا تترك أحلامك بعذر الملل والضغوط
ولا تنازل من أكثرها ، ولا أقلّها
شفني وأنا أحلامي أحلام آيله للسقوط
لا زال عندي طموح أنها تجي كلّها
