أجمل حاجة بتحصل مع العمر ده إنك بتتحرر من فكرة إنك لازم تكون مقبول عند الكل، بتبطل تبرر إختياراتك، وتختار راحتك من غير تأنيب ضمير، وتبقي علي طبيعتك من غير ما تراقب نفسك.
ناس أقل ودوشة أقل ومجاملات أقل، لكن رضا أكبر عن حياتك وإحساس أعمق إنك أخيراً بقيت صاحب قرارك.
محدش هيشهد حياتك كلها غيرك، الناس هتدخل حياتك في مراحل مختلفة، وكل واحد هيعرف منك نسخة، فيه اللي هيفتكر أنت كنت مين، واللي هيعرف أنت بقيت مين، لكن محدش عاش معاك الحكاية كلها.
محدش شاف كل إنكساراتك وأحلامك وإنتصاراتك ولحظات ضعفك اللي قومت بعدها وكملت، عشان كده حب نفسك مهم.
بلاش تربط سعادتك باليوم اللي كل حاجة فيه هتبقي ماشية صح، لأن اليوم ده ممكن ميوصلش، الحياة دايماً فيها حاجة شاغلاك أو حاجة تقيلة على قلبك، بس وسط كل ده فيه ضحكة تستاهل، وخروجة تفرحك، ولحظة ترجعلك روحك.
عيش دلوقتي، مش لما الظروف تسمح.
بلاش تربط سعادتك باليوم اللي كل حاجة فيه هتبقي ماشية صح، لأن اليوم ده ممكن ميوصلش، الحياة دايماً فيها حاجة شاغلاك أو حاجة تقيلة على قلبك، بس وسط كل ده فيه ضحكة تستاهل، وخروجة تفرحك، ولحظة ترجعلك روحك.
عيش دلوقتي، مش لما الظروف تسمح.
أجمل علاقة هي اللي متحسش فيها إنك محتاج تخفف من نفسك، لا تقلل كلامك ولا تخبي حماسك ولا تراجع رسائلك ألف مرة، تكون عارف إن فيه حد بيفرح بتفاصيلك، وبيحب يسمعك حتى في أبسط الحكايات.
فيه ناس مش هتعرف قيمتهم الحقيقية غير لما تبعد وتبص وراك، وتكتشف إنك قضيت سنين بتحبهم وبتراعيهم وبتستحمل غيابهم، بينما هما لا أضافوا لحياتك حاجة، ولا خففوا عنك حمل، ولا حتى خلوك تحس إنك محبوب.
إحنا كبشر أنانيين بشكل غريب، اللي بنحبهم بنغفرلهم عيوبهم وبننسي إساءتهم، واللي مش بنحبهم بننسي كل حاجة حلوة عملوها، القلب بيشوف اللي عايز يشوفه، والعقل بيصدق اللي على مزاجه، وفي الآخر محدش فينا شايف الحقيقة كاملة.
