ప్రశాంత వాతావరణంలో మున్సిపల్ ఎన్నికల పోలింగ్: క్షేత్రస్థాయిలో కలెక్టర్, ఎస్పీల విస్తృత తనిఖీలు
అనకాపల్లి /యలమంచిలి, నవంబర్ 1:
అనకాపల్లి జిల్లా పరిధిలోని జీవీఎంసీ పలు వార్డులతో పాటు యలమంచిలి, నర్సీపట్నం మున్సిపాలిటీల ఎన్నికల పోలింగ్ ప్రక్రియ ఆదివారం అత్యంత ప్రశాంతమైన వాతావరణంలో కొనసాగింది. ఎన్నికలు నిష్పాక్షికంగా, సజావుగా జరిగేలా జిల్లా యంత్రాంగం పటిష్ట బందోబస్తు చర్యలు చేపట్టింది.
ఈ సందర్భంగా జిల్లా ఎస్పీ శ్రీ తుహిన్ సిన్హా, ఐపీఎస్ స్వయంగా క్షేత్రస్థాయిలోకి దిగి సమస్యాత్మక, సున్నితమైన పోలింగ్ కేంద్రాలను ఆకస్మికంగా తనిఖీ చేశారు.
యలమంచిలి రూరల్ పరిధిలో: ఎలమంచిలి మండలం పెదపల్లిలోని జిల్లా పరిషత్ ఉన్నత పాఠశాలలో గల హైపర్‌సెన్సిటివ్, సెన్సిటివ్ పోలింగ్ కేంద్రాలను, అలాగే ఎర్రవరం ఎంపీయూపీ పాఠశాలలోని పోలింగ్ కేంద్రాలను ఆయన పరిశీలించారు. క్యూలైన్లలో ఉన్న ఓటర్ల గుర్తింపు కార్డులను క్షుణ్ణంగా పరిశీలించి, ఎలాంటి అవాంఛనీయ సంఘటనలు జరగకుండా బందోబస్తును పర్యవేక్షించారు.
యలమంచిలి టౌన్ పరిధిలో: జిల్లా కలెక్టర్ శ్రీమతి విజయ కృష్ణన్, ఐఏఎస్ మరియు జిల్లా ఎస్పీ శ్రీ తుహిన్ సిన్హా, ఐపీఎస్ సంయుక్తంగా తులసీ నగర్ పరిధిలోని వార్డు నంబర్లు 8, 9, 10, 12 పోలింగ్ కేంద్రాలను (తులసీ నగర్ గర్ల్స్ హైస్కూల్ తదితర కేంద్రాలు) సందర్శించారు. అనంతరం గుర్రప్ప కళ్యాణ్ మండపం వద్ద కౌంటింగ్ కేంద్రాన్ని కూడా తనిఖీ చేశారు.
పోలింగ్ మరియు కౌంటింగ్ ప్రక్రియ ముగిసేవరకు పోలీస్ అధికారులు, సిబ్బంది అత్యంత అప్రమత్తంగా వ్యవహరించాలని, ఎలాంటి పొరపాట్లకు తావివ్వకుండా భద్రతా చర్యలను మరింత కట్టుదిట్టం చేయాలని ఎస్పీ ఆదేశించారు. అనంతరం మీడియాతో మాట్లాడుతూ ఎన్నికలు ప్రశాంతంగా ముగిసేందుకు ప్రజలు, అధికారులు అందిస్తున్న సహకారాన్ని వివరించారు.
ఈ విస్తృత తనిఖీల్లో పరవాడ సబ్ డివిజన్ డీఎస్పీ శ్రీ బి.మోహనరావు, యలమంచిలి సీఐ ధనుంజయరావు, కొత్తకోట సీఐ కోటేశ్వరరావు, రాంబిల్లి సీఐ నరసింగరావుతో పాటు పలువురు పోలీసు అధికారులు, సిబ్బంది పాల్గొన్నారు.
@APPOLICE100
*నర్సీపట్నంలో పోలింగ్ కేంద్రాలను పరిశీలించిన అడిషనల్ ఎస్పీ, డీఎస్పీ*
*నర్సీపట్నం, నవంబర్ 1:* ఎన్నికల బందోబస్తు మరియు ఏర్పాట్లలో భాగంగా అడిషనల్ ఎస్పీ శ్రీ ఎల్.మోహన్ రావు, నర్సీపట్నం డీఎస్పీ పి.శ్రీనివాసరావు ఆదివారం నర్సీపట్నం మున్సిపాలిటీ పరిధిలోని పలు పోలింగ్ కేంద్రాలను క్షేత్రస్థాయిలో పరిశీలించారు.
రూట్-4 పరిధిలోని ఫైర్ రోడ్ జంక్షన్ వద్ద ఉన్న జిల్లా పరిషత్ ఉన్నత పాఠశాల, గచ్చుపు వీధిలోని జిల్లా పరిషత్ ఉన్నత పాఠశాల, అలాగే శివపురంలోని ఎంపీపీ స్కూల్ పోలింగ్ కేంద్రాలను అధికారులు సందర్శించారు.
ఈ సందర్భంగా పోలింగ్ కేంద్రాల వద్ద భద్రతా ఏర్పాట్లు, మౌలిక సదుపాయాలు మరియు పరిసరాలను పరిశీలించి, ఎలాంటి సమస్యలు లేకుండా పోలింగ్ ప్రశాంత వాతావరణంలో జరిగేలా చూడాలని వెంట ఉన్న రూట్ అధికారులకు, సిబ్బందికి సూచనలు చేశారు. ఈ పర్యటనలో స్థానిక పోలీసు అధికారులు, రూట్ అధికారులు పాల్గొన్నారు.
@APPOLICE100
*జీవీఎంసీ ఎన్నికల పోలింగ్ కేంద్రాలను క్షేత్రస్థాయిలో పరిశీలించిన విశాఖ రేంజ్ ఐజీ శ్రీ గోపీనాథ్ జట్టి, ఐపీఎస్*
*అనకాపల్లి /పరవాడ, నవంబర్ 1:* అనకాపల్లి జిల్లా పరిధిలో ఆదివారం నిర్వహించిన జీవీఎంసీ మున్సిపల్ ఎన్నికల పోలింగ్ ప్రక్రియ అత్యంత ప్రశాంతమైన వాతావరణంలో ప్రారంభమై సజావుగా కొనసాగుతోంది. ఎన్నికల బందోబస్తు, భద్రతా ఏర్పాట్లను స్వయంగా పర్యవేక్షించేందుకు విశాఖపట్నం రేంజ్ ఐజీ శ్రీ గోపీనాథ్ జట్టి, ఐపీఎస్ స్వయంగా క్షేత్రస్థాయిలోకి దిగి పలు పోలింగ్ కేంద్రాలను ఆకస్మికంగా తనిఖీ చేశారు.
ఈ సందర్భంగా పరవాడ పరిధిలోని లంకెలపాలెం జడ్పీ హైస్కూల్‌లోని సమస్యాత్మక (హైపర్‌సెన్సిటివ్) పోలింగ్ కేంద్రాన్ని ఐజీ సందర్శించారు. అక్కడ ఏర్పాటు చేసిన 5 పోలింగ్ స్టేషన్లను, ఓటర్ల క్యూలైన్లను పరిశీలించి బందోబస్తు తీరును సమీక్షించారు. పరవాడ పరిధిలోని 8 లొకేషన్లలో ఉన్న మొత్తం 18 పోలింగ్ స్టేషన్లలో పటిష్ట భద్రతా చర్యలు అమలులో ఉన్నాయని అధికారులు ఈ సందర్భంగా వివరించారు. అనంతరం పరవాడ పోలీస్ స్టేషన్‌ను కూడా సందర్శించి ఎన్నికల విధులను పరిశీలించారు.
*ఈ తనిఖీలలో భాగంగా విధుల్లో ఉన్న పోలీస్ అధికారులు, సిబ్బందికి ఐజీ గారు పలు కీలక ఆదేశాలు జారీ చేశారు:*
సమస్యాత్మక పోలింగ్ కేంద్రాల వద్ద నిరంతరం అప్రమత్తంగా ఉంటూ శాంతిభద్రతలకు ఎలాంటి విఘాతం కలగకుండా కట్టుదిట్టమైన భద్రత కల్పించాలి.
ఓటర్లు ప్రశాంతంగా, నిర్భయంగా తమ ఓటు హక్కును వినియోగించుకునేలా తగిన రక్షణ ఏర్పాట్లు చేయాలి.
వృద్ధులు, దివ్యాంగులకు ఎలాంటి ఇబ్బందులు కలగకుండా తగిన సహాయక చర్యలు అందించాలి.
ఎన్నికల నియమావళిని ఉల్లంఘించే వారిపై కఠినంగా వ్యవహరించాలని స్పష్టం చేశారు.
ఈ పర్యటనలో ఐజీ వెంట స్థానిక పరవాడ సీఐ ఎల్.భాస్కరరావు, ఇతర పోలీస్ సిబ్బంది పాల్గొన్నారు.
@APPOLICE100
*జిల్లాలో ప్రశాంత వాతావరణంలో మున్సిపల్ ఎన్నికల పోలింగ్*
*క్షేత్రస్థాయిలో విస్తృతంగా పర్యటించి భద్రతా ఏర్పాట్లను పరిశీలించిన జిల్లా ఎస్పీ శ్రీ తుహిన్ సిన్హా, ఐపీఎస్.*
*ఓటర్లు స్వేచ్ఛగా, నిర్భయంగా ఓటు హక్కును వినియోగించుకునేలా పటిష్ట చర్యలు.*
*అనకాపల్లి, నవంబర్ 1:* అనకాపల్లి జిల్లా పరిధిలో ఆదివారం నిర్వహించిన మున్సిపల్ (జీవీఎంసీ) ఎన్నికల పోలింగ్ అత్యంత ప్రశాంతమైన వాతావరణంలో ప్రారంభమై కొనసాగుతోంది. ఈ సందర్భంగా జిల్లా ఎస్పీ శ్రీ తుహిన్ సిన్హా, ఐపీఎస్ గారు స్వయంగా రంగంలోకి దిగి పలు పోలింగ్ కేంద్రాలను క్షేత్రస్థాయిలో ఆకస్మికంగా తనిఖీ చేశారు. ఎన్నికల సరళిని, భద్రతా ఏర్పాట్లను ప్రత్యక్షంగా పరిశీలించి అధికారులకు తగిన దిశానిర్దేశం చేశారు.
*పోలింగ్ కేంద్రాల పరిశీలన:*
ఎస్పీ గారు అనకాపల్లి టౌన్, రూరల్ మరియు పరవాడ పోలీస్ స్టేషన్ల పరిధిలోని పలు సమస్యాత్మక, సాధారణ పోలింగ్ కేంద్రాలను సందర్శించారు:
*అనకాపల్లి టౌన్ పరిధి:* జీవీఎంసీ జోనల్ కార్యాలయం, విజయరామరాజుపేట, భీముని గుమ్మం, గవరపాలెం పార్క్ సెంటర్, సంతబైలు కేంద్రాలు.
*అనకాపల్లి రూరల్ పరిధి:* కే.ఎన్.ఆర్.పేట, సిరసపల్లి పోలింగ్ కేంద్రాలు.
*పరవాడ పరిధి:* లంకెలపాలెంలో ఏర్పాటు చేసిన పోలింగ్ కేంద్రాలు.
తనిఖీల్లో భాగంగా పోలింగ్ కేంద్రాల వద్ద మోహరించిన పోలీసు బందోబస్తు, క్యూలైన్ల నిర్వహణ, ఓటర్ల రాకపోకలు, మరియు శాంతిభద్రతల పరిస్థితులను ఎస్పీ గారు నిశితంగా సమీక్షించారు. క్యూలైన్లలో ఉన్న ఓటర్లతో మాట్లాడి వారి సమస్యలను అడిగి తెలుసుకున్నారు.
*ఎస్పీ గారి ఆదేశాలు & హెచ్చరికలు:*
ఎన్నికల ప్రక్రియ ముగిసి, బ్యాలెట్/ఈవీఎం బాక్సులు స్ట్రాంగ్ రూమ్‌లకు చేరేవరకు పోలీసు అధికారులు, సిబ్బంది అత్యంత అప్రమత్తంగా విధుల్లో ఉండాలి.
ఓటర్లు ఎలాంటి భయం, ప్రలోభాలు, ఒత్తిళ్లకు గురికాకుండా స్వేచ్ఛాయుత వాతావరణంలో తమ ఓటు హక్కును వినియోగించుకునేలా భరోసా కల్పించాలి.
ఎన్నికల నియమావళిని ఉల్లంఘించినా, శాంతిభద్రతలకు విఘాతం కలిగించేందుకు ప్రయత్నించినా ఉపేక్షించేది లేదని, కఠిన చట్టపరమైన చర్యలు తప్పవని హెచ్చరించారు.
జిల్లావ్యాప్తంగా ఎన్నికలు నిష్పక్షపాతంగా, పారదర్శకంగా జరిగేందుకు పోలీసు యంత్రాంగం నిరంతరం పర్యవేక్షిస్తోందని స్పష్టం చేశారు.
*పాల్గొన్న అధికారులు:*
ఈ పర్యటనలో అనకాపల్లి సబ్ డివిజన్ డీఎస్పీ శ్రీ పి.వి.వి. నరసింహారావు, మహిళా పోలీస్ స్టేషన్ డీఎస్పీ శ్రీ ఇ.శ్రీనివాసులు, సీఐలు కోటేశ్వరరావు, ప్రేమ కుమార్, అశోక్ కుమార్, ఎస్సై సునీల్ మరియు ఇతర పోలీస్ అధికారులు, ప్రత్యేక బలగాలు పాల్గొన్నాయి.
@APPOLICE100
అఖండ భారత నిర్మాత సర్దార్ వల్లభాయ్ పటేల్: ఘనంగా జాతీయ సమైక్యతా దినోత్సవం
విశాఖపట్నం / అనకాపల్లి, అక్టోబర్ 31: దేశ ప్రథమ ఉప ప్రధాని, ‘ఉక్కుమనిషి’ సర్దార్ వల్లభాయ్ పటేల్ జయంతిని పురస్కరించుకుని అనకాపల్లి జిల్లా ఆర్మ్డ్ రిజర్వ్ (కైలాసగిరి) (ఏఆర్) పోలీసుల ఆధ్వర్యంలో జాతీయ సమైక్యతా దినోత్సవాన్ని ఘనంగా నిర్వహించారు.
ఈ సందర్భంగా జిల్లా ఎస్పీ శ్రీ తుహిన్ సిన్హా ఐపీఎస్ వారి ఆదేశాల మేరకు ఏఆర్ ప్రధాన కార్యాలయంలోని సర్దార్ పటేల్ విగ్రహానికి జిల్లా ఆర్మ్డ్ రిజర్వ్ ఇన్‌స్పెక్టర్ ఎం.మనోహర్, సిబ్బంది పూలమాలలు వేసి నివాళులర్పించారు.
అనంతరం సిబ్బందితో సమైక్యతా ప్రతిజ్ఞ చేయించారు.
అనంతరం నిర్వహించిన 2 కిలోమీటర్ల ‘యూనిటీ రన్’ కార్యాలయం నుండి జోడుగుళ్ళపాలెం మీదుగా సాగింది. విశాలాక్షి సర్కిల్ వద్ద దేశ ఐక్యతను చాటుతూ క్యాండిల్ ర్యాలీ నిర్వహించారు.
ఈ సందర్భంగా ఆర్‌ఐ ఎం.మనోహర్ మాట్లాడుతూ, వందలాది సంస్థానాలను ఏకం చేసి అఖండ భారత నిర్మాణానికి పునాది వేసిన మహనీయుడు సర్దార్ పటేల్ అని కొనియాడారు. భిన్నత్వంలో ఏకత్వమే భారతదేశ బలమని, యువత పటేల్ ఆదర్శాలను స్ఫూర్తిగా తీసుకుని దేశ సమగ్రత, ఐక్యత పరిరక్షణకు కృషి చేయాలని పిలుపునిచ్చారు.
ఈ కార్యక్రమంలో ఆర్‌ఐ ఎం.మనోహర్, ఆర్‌ఎస్‌ఐలు అనిల్ రాజ్ గంగాధర్, రాజు బాబు మరియు ఏ.ఆర్ సిబ్బంది పాల్గొన్నారు.
@APPOLICE100
అనకాపల్లిలో ఎన్నికల నిర్వహణకు పటిష్ట బందోబస్తు – సమస్యాత్మక పోలింగ్ కేంద్రాలను పరిశీలించిన అదనపు ఎస్పీ
అనకాపల్లి, అక్టోబర్ 31: అనకాపల్లి పట్టణ (జీవీఎంసీ) పరిధిలోని పలు వార్డులలో ఆదివారం (01.11.2026) జరగనున్న ఎన్నికలను అత్యంత పారదర్శకంగా, ప్రశాంత వాతావరణంలో నిర్వహించేందుకు అన్ని రకాల భద్రతా ఏర్పాట్లు పూర్తి చేసినట్లు జిల్లా ఎస్పీ శ్రీ తుహిన్ సిన్హా, ఐపీఎస్ గారి ఆదేశాల మేరకు పోలీస్ అధికారులు వెల్లడించారు.
సిబ్బందికి దిశానిర్దేశం చేసిన డీఎస్పీలు:
ఎన్నికల బందోబస్తు విధులకు నియమితులైన పోలీస్ అధికారులు, సిబ్బందికి శనివారం స్థానిక ఎన్టీఆర్ క్రీడా మైదానంలో బ్రీఫింగ్ సమావేశం నిర్వహించారు. ఈ కార్యక్రమంలో అనకాపల్లి సబ్ డివిజన్ డీఎస్పీ శ్రీ పి.వి.వి.నరసింహారావు, మహిళా పోలీస్ స్టేషన్ డీఎస్పీ శ్రీ ఇ.శ్రీనివాసులు పాల్గొని సిబ్బందికి కర్తవ్య నిర్వహణపై స్పష్టమైన ఆదేశాలు ఇచ్చారు.
ఎన్నికల విధుల్లో పాల్గొనే సిబ్బంది అత్యంత అప్రమత్తంగా, బాధ్యతాయుతంగా వ్యవహరించాలని వారు సూచించారు. పోలింగ్ కేంద్రాల వద్ద నిబంధనల అమలు, శాంతిభద్రతల పరిరక్షణ విషయంలో పోలీసులు పాటించాల్సిన నియమావళి (Do's and Don'ts) గురించి వివరించారు. ఎలాంటి అవాంఛనీయ ఘటనలు చోటుచేసుకోకుండా సమన్వయంతో విధులు నిర్వర్తించాలని స్పష్టం చేశారు.
సమస్యాత్మక కేంద్రాల్లో అదనపు ఎస్పీ తనిఖీలు:
అనకాపల్లి జిల్లా అదనపు ఎస్పీ శ్రీ ఎల్.మోహనరావు పట్టణంలోని విజయరామరాజుపేట, ఏఎంసీ కాలనీ వంటి అత్యంత సమస్యాత్మక, సున్నితమైన (హైపర్ సెన్సిటివ్) పోలింగ్ కేంద్రాలను క్షేత్రస్థాయిలో స్వయంగా సందర్శించారు. అక్కడ బందోబస్తు విధుల్లో ఉన్న పోలీస్ సిబ్బందితో మాట్లాడి, ఎన్నికల వేళ తీసుకోవాల్సిన రక్షణ చర్యలపై కీలక సూచనలు, సలహాలు అందించారు. సమస్యాత్మక ప్రాంతాల్లో ఎటువంటి ఘర్షణలకు తావులేకుండా నిరంతర నిఘా ఉంచాలని ఆదేశించారు.
ఈ సమావేశం మరియు తనిఖీలలో అనకాపల్లి టౌన్ సీఐ జి.ప్రేమకుమార్, రూరల్ సీఐ జి.అశోక్ కుమార్, ఇతర సీఐలు, ఎస్సైలు మరియు పోలీస్ సిబ్బంది పెద్ద సంఖ్యలో పాల్గొన్నారు.
@APPOLICE100
మున్సిపల్ ఎన్నికల నేపథ్యంలో పకడ్బందీ భద్రతా ఏర్పాట్లు: జిల్లా ఎస్పీ తుహిన్ సిన్హా ఐపీఎస్
నర్సీపట్నం, ఎలమంచిలి మున్సిపాలిటీలు, జీవీఎంసీ పరిధిలోని 9 వార్డులకు భారీ బందోబస్తు
డిస్ట్రిబ్యూషన్, కౌంటింగ్ కేంద్రాన్ని పరిశీలించిన జిల్లా ఎస్పీ మరియు నర్సీపట్నం ఆర్డీవో
పోలీస్ యాక్ట్ సెక్షన్ 30, బి.ఎన్.ఎస్.ఎస్. సెక్షన్ 163 (144 సెక్షన్) అమలు
ఎన్నికల విధుల్లో అలసత్వం వహిస్తే కఠిన చర్యలు – విధివిధానాలు స్పష్టం చేసిన ఎస్పీ
అనకాపల్లి, అక్టోబర్ 31: అనకాపల్లి జిల్లా పరిధిలోని జీవీఎంసీ 9 వార్డులు (అనకాపల్లి, పరవాడ, సబ్బవరం), అలాగే నర్సీపట్నం, ఎలమంచిలి మున్సిపాలిటీలలో రేపు (01.11.2026) జరగనున్న ఎన్నికలను అత్యంత పారదర్శకంగా, ప్రశాంత వాతావరణంలో నిర్వహించేందుకు పటిష్ట బందోబస్తు చర్యలు చేపట్టినట్లు జిల్లా ఎస్పీ శ్రీ తుహిన్ సిన్హా ఐపీఎస్ గారు తెలిపారు.
శనివారం నర్సీపట్నం టౌన్ పోలీస్ స్టేషన్ మైదానంలో ఎన్నికల విధులకు కేటాయించిన పోలీస్ అధికారులకు, సిబ్బందికి బ్రీఫింగ్ సమావేశం నిర్వహించారు. ఈ సందర్భంగా ఎన్నికల నిర్వహణలో పోలీసులు పాటించాల్సిన మార్గదర్శకాలు, చేయవలసిన మరియు చేయకూడని పనులపై జిల్లా ఎస్పీ దిశానిర్దేశం చేశారు.
అనంతరం నర్సీపట్నం, బొడ్డేపల్లిలోని డాన్ బాస్కో డిగ్రీ కాలేజ్ ప్రాంగణంలో ఏర్పాటు చేసిన ఎన్నికల సామగ్రి పంపిణీ (డిస్ట్రిబ్యూషన్) కేంద్రం, కౌంటింగ్ కేంద్రాన్ని నర్సీపట్నం ఆర్డీవో శ్రీ వి.వి.రమణ గారితో కలిసి ఎస్పీ పరిశీలించారు. అక్కడ కల్పించాల్సిన మౌలిక వసతులు, భద్రతా ప్రమాణాలపై అధికారులకు కీలక ఆదేశాలు జారీ చేశారు.
ఎన్నికల సందర్భంగా పోలింగ్ కేంద్రాల వద్ద శాంతిభద్రతల పరిరక్షణ కోసం పోలీస్ యాక్ట్ సెక్షన్ 30, బి.ఎన్.ఎస్.ఎస్. సెక్షన్ 163 (గతంలో 144 సెక్షన్) అమల్లో ఉంటాయని, ప్రజలు, రాజకీయ పార్టీల అభ్యర్థులు పోలీసు యంత్రాంగానికి పూర్తి సహకారం అందించాలని ఎస్పీ విజ్ఞప్తి చేశారు.
పోలీస్ అధికారులు, సిబ్బందికి జిల్లా ఎస్పీ గారి ఆదేశాలు:
చేయవలసిన పనులు:
కేటాయించిన పోలింగ్ కేంద్రాలు, సమస్యాత్మక ప్రాంతాల్లో నిరంతరం అప్రమత్తంగా ఉంటూ శాంతిభద్రతలను పర్యవేక్షించాలి.
ఎటువంటి పక్షపాత వైఖరి లేకుండా, చట్టం ముందు అందరూ సమానులే అనే దృక్పథంతో పూర్తిగా నిష్పక్షపాతంగా విధులు నిర్వర్తించాలి.
ఓటర్లు ఎటువంటి భయభ్రాంతులకు గురికాకుండా, నిర్భయంగా ఓటు హక్కు వినియోగించుకునేలా స్వేచ్ఛాయుత రక్షణ వాతావరణం కల్పించాలి.
పోలింగ్ బూత్‌ల వద్ద క్యూలైన్లను క్రమబద్ధీకరించాలి; ముఖ్యంగా వృద్ధులు, గర్భిణులు, దివ్యాంగులకు ప్రాధాన్యతనిస్తూ తగిన సహాయం అందించాలి.
రిటర్నింగ్ అధికారులు (RO), సెక్టోరల్ అధికారులు, పోలింగ్ బృందాలతో సమన్వయం చేసుకుంటూ ఎన్నికల నిబంధనావళిని పక్కాగా అమలు చేయాలి.
జిల్లా కలెక్టర్, ఎస్పీ, ఎన్నికల పరిశీలకుల నుంచి వచ్చే ఆదేశాలను ఎప్పటికప్పుడు తూచా తప్పకుండా పాటించాలి.
చేయకూడని పనులు:
విధుల్లో ఉన్నప్పుడు ఎట్టి పరిస్థితుల్లోనూ వ్యక్తిగత పక్షపాతం ప్రదర్శించరాదు, ఓటర్లపై అనవసర అధికారం చూపకూడదు.
ఓటర్లు, గుర్తింపు కార్డులు కలిగిన పోలింగ్ ఏజెంట్లు మినహా అనధికార వ్యక్తులను లేదా రాజకీయ నాయకులను పోలింగ్ కేంద్రాల లోపలికి రానివ్వకూడదు.
నియమిత అధికారులు మినహా ఎవరూ పోలింగ్ కేంద్రాల లోపలికి మొబైల్ ఫోన్లు లేదా ఇతర ఎలక్ట్రానిక్ పరికరాలను తీసుకెళ్లకుండా కఠినంగా వ్యవహరించాలి.
పోలింగ్ కేంద్రం పరిసరాల్లో చిన్న వివాదం తలెత్తినా నిర్లక్ష్యం చేయకుండా, తక్షణమే స్పందించి పరిస్థితిని అదుపులోకి తేవాలి; విధుల్లో అలసత్వాన్ని సహించేది లేదు.
పోలింగ్ స్టేషన్ ద్వారాల వద్ద గుంపులుగా చేరడం, రాజకీయ చర్చలు నిర్వహించడం వంటి చర్యలను కఠినంగా నివారించాలి.
ఈ కార్యక్రమంలో నర్సీపట్నం డీఎస్పీ శ్రీ పోతిరెడ్డి శ్రీనివాసరావు, ఏ.ఆర్ డీఎస్పీ శ్రీ ఎ.రవికుమార్, పలువురు సీఐలు, ఎస్ఐలు మరియు పోలీస్ సిబ్బంది పాల్గొన్నారు.
@APPOLICE100
పోలీస్ శాఖలో సుదీర్ఘ సేవలందించిన ఎస్ఐ,ఏఎస్ఐలకు ఘన వీడ్కోలు: అదనపు ఎస్పీ ఎల్.మోహనరావు
అనకాపల్లి, అక్టోబర్ 31: పోలీస్ శాఖలో నాలుగు దశాబ్దాల గా నిస్వార్థంగా సేవలందించి నేడు పదవీ విరమణ పొందిన పోలీస్ అధికారుల సేవలు ఎంతో శ్లాఘనీయమని జిల్లా అదనపు ఎస్పీ శ్రీ ఎల్.మోహనరావు కొనియాడారు.
జిల్లా ఎస్పీ శ్రీ తుహిన్ సిన్హా, ఐపీఎస్ ఆదేశాల మేరకు జిల్లా పోలీస్ ప్రధాన కార్యాలయంలో పదవీ విరమణ పొందిన ఎస్ఐ, ఏఎస్ఐలకు ఆత్మీయ వీడ్కోలు సమావేశం ఘనంగా నిర్వహించారు. ఈ సందర్భంగా జిల్లా పోలీస్ కంట్రోల్ రూమ్ (PCR) విభాగంలో పనిచేస్తూ, 41 సంవత్సరాల పాటు సేవలందించిన ఎస్ఐ శ్రీ ఎం.సురేంద్ర కుమార్, అలాగే ఎలమంచిలి రూరల్ పోలీస్ స్టేషన్‌లో పనిచేస్తూ, 36 సంవత్సరాల సుదీర్ఘ సర్వీసు పూర్తి చేసుకున్న ఏఎస్ఐ శ్రీ కె.వీర్ రెడ్డి లను అదనపు ఎస్పీ శాలువాలతో ఘనంగా సత్కరించి, జ్ఞాపికలను అందజేశారు.
ఈ సందర్భంగా అదనపు ఎస్పీ శ్రీ ఎల్.మోహనరావు మాట్లాడుతూ, పోలీస్ ఉద్యోగంలో ఎన్నో సవాళ్లను ఎదుర్కొంటూ ప్రజా రక్షణకు జీవితాన్ని అంకితం చేసిన వీరి సేవలు ఆదర్శనీయమన్నారు. ఉద్యోగ విరమణ అనంతరం శేష జీవితాన్ని సంపూర్ణ ఆయురారోగ్యాలు, మానసిక ప్రశాంతత, కుటుంబ సుఖసంతోషాలతో గడపాలని మనస్ఫూర్తిగా ఆకాంక్షిస్తూ శుభాకాంక్షలు తెలిపారు.
సత్కారం అందుకున్న ఇరువురు మాట్లాడుతూ, తమ సుదీర్ఘ సర్వీసులో సహకరించిన ఉన్నతాధికారులకు, తోటి సిబ్బందికి, అలాగే కుటుంబ సభ్యులకు ప్రత్యేక కృతజ్ఞతలు తెలియజేశారు.
ఈ కార్యక్రమంలో ఎస్.బి డీఎస్పీ శ్రీ వి.బాబ్జీ రావు, ఏవో శ్రీ సి.హెచ్.తిలక్ బాబు, సీఐలు బాల సూర్యరావు, శ్రీనివాసరావు, రమణయ్య, రామకృష్ణారావు. ఎస్సైలు ప్రసాద్, అంజిబాబు, శ్రీనివాసరావుతో పాటు ఇతర పోలీస్ అధికారులు, కార్యాలయ సిబ్బంది, రిటైర్డ్ అధికారుల కుటుంబ సభ్యులు పాల్గొన్నారు.
@APPOLICE100
మినిస్ట్రీ ఆఫ్ హోం ఎఫైర్స్ మరియు రాష్ట్ర ప్రభుత్వ ఆదేశాల మేరకు అనకాపల్లి టౌన్‌లో 1,600 మంది విద్యార్థులకు డ్రగ్స్‌పై అవగాహన
NCB, EAGLE మరియు ఉమెన్ & చైల్డ్ వెల్ఫేర్ డిపార్ట్‌మెంట్ ఆధ్వర్యంలో “డ్రగ్స్ వద్దు బ్రో” కార్యక్రమం
అనకాపల్లి:
మినిస్ట్రీ ఆఫ్ హోం ఎఫైర్స్ మరియు రాష్ట్ర ప్రభుత్వ ఆదేశాల మేరకు, మాదకద్రవ్యాల నిర్మూలన లక్ష్యంగా అనకాపల్లి జిల్లాలో NCB విశాఖపట్నం, EAGLE మరియు ఉమెన్ & చైల్డ్ వెల్ఫేర్ డిపార్ట్‌మెంట్ సంయుక్త ఆధ్వర్యంలో నిర్వహిస్తున్న *“డ్రగ్స్ వద్దు బ్రో”* కార్యక్రమంలో భాగంగా శుక్రవారం అనకాపల్లి టౌన్ పోలీస్ స్టేషన్ పరిధిలోని శ్రీ చైతన్య టెక్నో స్కూల్, MJPAPBCW Residential School మరియు హిమశేఖర్ డిగ్రీ కళాశాలలో డ్రగ్స్‌పై అవగాహన కార్యక్రమాలు నిర్వహించారు.
ఈ కార్యక్రమాల్లో NCB ఇన్‌స్పెక్టర్ K.వెంకట సురేష్ కుమార్ గారు, వారి సిబ్బంది, EAGLE అనకాపల్లి సిబ్బంది, ఉమెన్ & చైల్డ్ వెల్ఫేర్ డిపార్ట్‌మెంట్ ప్రతినిధులు పాల్గొని సుమారు 1,600 మంది విద్యార్థులకు మాదకద్రవ్యాల వినియోగం వల్ల కలిగే దుష్పరిణామాలపై అవగాహన కల్పించారు.
ఈ సందర్భంగా డ్రగ్స్ వినియోగం వల్ల విద్య, ఆరోగ్యం, కుటుంబ జీవితం మరియు భవిష్యత్తుపై కలిగే తీవ్ర ప్రభావాలను వివరించారు. ముఖ్యంగా యువత మాదకద్రవ్యాలకు దూరంగా ఉంటూ ఆరోగ్యకరమైన, బాధ్యతాయుతమైన జీవనశైలిని అలవర్చుకోవాలని సూచించారు.
“Sports as a Tool for Demand Reduction and Prevention” అనే అంశంపై మాట్లాడుతూ, మాదకద్రవ్యాల వినియోగ నివారణలో క్రీడల ప్రాముఖ్యతను వివరించారు. విద్యార్థులు క్రీడలు, శారీరక వ్యాయామం మరియు ఇతర పాఠ్యేతర కార్యక్రమాల్లో చురుకుగా పాల్గొనడం ద్వారా ఆరోగ్యకరమైన, క్రమశిక్షణతో కూడిన సానుకూల జీవనశైలిని అలవర్చుకోవాలని సూచించారు. సరైన నిర్ణయాలు తీసుకోవడం, ఆత్మవిశ్వాసం, స్వీయ క్రమశిక్షణ పెంపొందించుకోవడం ద్వారా బాధ్యతాయుతమైన పౌరులుగా ఎదిగి డ్రగ్స్ రహిత సమాజ నిర్మాణానికి తోడ్పడాలని ప్రోత్సహించారు.
అలాగే తమ పరిసర ప్రాంతాల్లో గంజాయి లేదా ఇతర మాదకద్రవ్యాల అక్రమ రవాణా, విక్రయాలు, వినియోగానికి సంబంధించిన అనుమానాస్పద కార్యకలాపాలను గుర్తించినప్పుడు మౌనం వీడి సంబంధిత అధికారులకు సమాచారం అందించాలని పిలుపునిచ్చారు.
మాదకద్రవ్యాలకు సంబంధించిన సమాచారం అందించేందుకు EAGLE టోల్ ఫ్రీ నంబర్ 1972 లేదా NCB హెల్ప్‌లైన్ నంబర్ *1933*కు కాల్ చేయాలని విద్యార్థులకు సూచించారు.
ఈ సందర్భంగా “డ్రగ్స్ వద్దు బ్రో – జీవితం ముద్దు బ్రో” అనే నినాదంతో యువత మాదకద్రవ్యాలకు దూరంగా ఉంటూ, క్రీడలు మరియు సృజనాత్మక కార్యక్రమాల ద్వారా తమ భవిష్యత్తును తీర్చిదిద్దుకోవాలని, డ్రగ్స్ రహిత సమాజ నిర్మాణంలో ప్రతి ఒక్కరూ భాగస్వాములు కావాలని పిలుపునిచ్చారు.
@APPOLICE100
భారీ వర్షాలు, రిజర్వాయర్ల నుంచి వరద నీటి విడుదల: లోతట్టు ప్రాంత ప్రజలు అప్రమత్తంగా ఉండాలి
క్షేత్రస్థాయిలో పోలీసుల నిరంతర పర్యవేక్షణ – జిల్లా ఎస్పీ శ్రీ తుహిన్ సిన్హా, ఐపీఎస్ ఆదేశాలు
అనకాపల్లి, అక్టోబర్ 29: తుఫాను ప్రభావంతో ఎగువ ప్రాంతాలలో కురుస్తున్న భారీ వర్షాలు, క్లౌడ్ బరస్ట్ ముప్పు నేపథ్యంలో అనకాపల్లి జిల్లావ్యాప్తంగా పోలీస్ యంత్రాంగం అత్యంత అప్రమత్తమైంది. జిల్లా ఎస్పీ శ్రీ తుహిన్ సిన్హా, ఐపీఎస్ ఆదేశాల మేరకు జిల్లా పోలీస్ ప్రధాన కార్యాలయంలో (DPO) ప్రత్యేక కంట్రోల్ రూమ్ ఏర్పాటు చేసి పరిస్థితిని 24 గంటలూ పర్యవేక్షిస్తున్నారు.
వర్షాల తీవ్రత, పెరిగిన వరద ప్రవాహాల దృష్ట్యా అన్ని సబ్-డివిజన్ పోలీస్ అధికారులు (SDPOs), స్టేషన్ హౌస్ అధికారులు (SHOs) క్షేత్రస్థాయిలోనే ఉంటూ చర్యలు చేపట్టాలని ఎస్పీ ఆదేశించారు.
రిజర్వాయర్ల గేట్లు ఎత్తివేత – వరద ప్రవాహ వివరాలు:
పెద్దేరు రిజర్వాయర్: ప్రాజెక్ట్‌లోకి భారీగా వరద నీరు వచ్చి చేరుతుండటంతో స్పిల్‌వే ద్వారా 4 గేట్లను ఎత్తి ఇన్-ఫ్లోకు అనుగుణంగా 6,000 క్యూసెక్కుల నీటిని దిగువకు విడుదల చేస్తున్నారు. దీని ప్రభావం వల్ల మాడుగుల, బుచ్చయ్యపేట, చోడవరం, అనకాపల్లి టౌన్, అనకాపల్లి రూరల్, కశింకోట, అచ్యుతాపురం, రాంబిల్లి మండలాల పరిధిలో వరద ఉధృతి పెరిగింది.
కోణం రిజర్వాయర్: కోణం ప్రాజెక్ట్ నుంచి బొడ్డెరు నదిలోకి దాదాపు 1,500 క్యూసెక్కుల వరద నీటిని స్పిల్‌వే ద్వారా విడుదల చేస్తున్నారు. చీడికాడ, చోడవరం పరిధిలోని నదీ పరీవాహక ప్రాంత ప్రజలు నదిని దాటే ప్రయత్నం చేయవద్దని హెచ్చరించడం జరిగింది.
క్షేత్రస్థాయిలో రక్షణ చర్యలు – ట్రాఫిక్ మళ్లింపులు:
వడ్డాది బ్రిడ్జి వద్ద రాకపోకలు నిలిపివేత: పెద్దేరు వరద నీరు వడ్డాది వంతెనపై ప్రమాదకర స్థాయిలో ప్రవహిస్తుండటంతో, కొత్తకోట సీఐ కోటేశ్వరరావు, బుచ్చయ్యపేట ఎస్సై మనోజ్ కుమార్ ఆధ్వర్యంలో బారికేడ్లు, తాళ్లు ఏర్పాటు చేసి ప్రజలు, వాహనాల రాకపోకలను పూర్తిగా నిలిపివేశారు.
గొలుగొండ పరిధిలో ప్రత్యామ్నాయ మార్గాలు: ఏజెన్సీ ప్రాంతాల నుంచి భారీ వరద పోటెత్తడంతో యేటి గౌరమ్మపేట గెడ్డ ఉధృతంగా ప్రవహిస్తోంది. కల్వర్టు పాక్షికంగా దెబ్బతినడంతో భద్రతా దృష్ట్యా బీబీ పట్నం, ఎంకే పట్నం, కొతులపాలెం గ్రామాల ప్రజలు నర్సీపట్నం వెళ్లేందుకు ఒద్దిప్ప మీదుగా ప్రత్యామ్నాయ మార్గాన్ని సూచిస్తూ బందోబస్తు ఏర్పాట్లు చేసినట్లు నర్సీపట్నం రూరల్ సీఐ రేవతమ్మ తెలిపారు.
జానవరం బ్రిడ్జి వద్ద అడ్డంకుల తొలగింపు: జానవరం బ్రిడ్జి వద్ద వరద ప్రవాహానికి అడ్డుగా ఉన్న వ్యర్థాలను జేసీబీ (JCB) సహాయంతో తక్షణమే తొలగించి నీరు సాఫీగా వెళ్లేలా చర్యలు చేపట్టిన చోడవరం సిఐ అప్పలరాజు స్పష్టం చేశారు.
రహదారులపై వరద నీరు – ఇసుక బస్తాల రక్షణ: రహదారులపై వరద నీరు చేరిన చోట్ల ఇరువైపులా ఇసుక బస్తాలు వేసి ముంపును నివారిస్తూ, వాహనాలను అచ్యుతాపురం వైపు మళ్లించినట్లు రాంబిల్లి సిఐ నరసింగరావు తెలిపారు.
ప్రజలకు జిల్లా ఎస్పీ విజ్ఞప్తి:
నదులు, వాగులు, వంకలు, కల్వర్టుల వద్ద నీటి ప్రవాహం ఉధృతంగా ఉన్నందున ఎవరూ వాటిని దాటే సాహసం చేయవద్దు.
ముఖ్యంగా రాత్రి వేళల్లో నదీ తీర ప్రాంత, లోతట్టు గ్రామాల ప్రజలు అప్రమత్తంగా ఉండి సురక్షిత ప్రాంతాలకు తరలివెళ్లాలి.
అత్యవసర సహాయం లేదా సమాచారం కోసం స్థానిక పోలీస్ స్టేషన్లను గానీ, 112 గానీ సంప్రదించాలి.
@APPOLICE100
*తుఫాను ప్రభావిత ప్రాంతాల్లో అనకాపల్లి జిల్లా ఎస్పీ తుహిన్ సిన్హా ఐపీఎస్ క్షేత్రస్థాయి పరిశీలన: అధికారులకు కీలక ఆదేశాలు, ప్రజలకు హెచ్చరికలు*
*అనకాపల్లి /బుచ్చయ్యపేట:
జిల్లాలో తుఫాను ప్రభావం, భారీ వర్షాల నేపథ్యంలో అనకాపల్లి జిల్లా ఎస్పీ శ్రీ తుహిన్ సిన్హా ఐపీఎస్ అనకాపల్లి, బుచ్చయ్యపేట మండలాల్లోని పలు ముంపు, సమస్యాత్మక ప్రాంతాల్లో క్షేత్రస్థాయిలో విస్తృతంగా పర్యటించారు. నీటి ప్రవాహం, వంతెనల పరిస్థితి, ముంపు ముప్పు ఉన్న గ్రామాలను స్వయంగా పరిశీలించి క్షేత్రస్థాయి అధికారులకు తగిన రక్షణ చర్యలపై ఆదేశాలు జారీ చేశారు.
*ఈ పర్యటనలో భాగంగా ఎస్పీ గారు అనకాపల్లి మండల పరిధిలోని* వెంకుపాలెం వద్ద గల శారదా నది ప్రవాహాన్ని పరిశీలించారు. పెద్దేరు రిజర్వాయర్ నుండి నీటిని విడుదల చేసినందున నదిలో నీటి ఉధృతి పెరుగుతోందని, దిగువ ప్రాంత ప్రజలు పూర్తిగా అప్రమత్తంగా ఉండాలని తెలిపారు. అనంతరం సుందరయ్యపేట నుండి వెంకుపాలెం వెళ్లే మార్గంలో ఉధృతంగా ప్రవహిస్తున్న వెదుళ్ళగడ్డ కాజ్‌వే/బ్రిడ్జి ప్రాంతాన్ని సందర్శించి రాకపోకలను నిలిపివేయాలని ఆదేశించారు.
*అలాగే బుచ్చయ్యపేట మండలంలోని* వడ్డాది బ్రిడ్జి, విజయరామరాజుపేట ప్రాంతాలను పరిశీలించారు. వడ్డాది వద్ద ఉన్న డౌన్ కాజ్‌వే పూర్తిగా నీట మునిగిపోగా, విజయరామరాజుపేట వద్ద టెంపరరీ కాజ్‌వే వరద ప్రవాహానికి కొట్టుకుపోయిన పరిస్థితిని సమీక్షించారు. వడ్డాది పైవంతెన పాతది కావడంతో ప్రమాదాలను నివారించేందుకు వైద్య అత్యవసరాలు, నిత్యావసరాలు (రేషన్/మెడిసిన్) వంటి ఎమర్జెన్సీ వాహనాలను మాత్రమే అనుమతించాలని, సాధారణ వాహన రాకపోకలను నియంత్రించాలని స్పష్టం చేశారు.
*ఈ సందర్భంగా జిల్లా ఎస్పీ శ్రీ తుహిన్ సిన్హా ఐపీఎస్ మాట్లాడుతూ:*
"జలాశయాల నుంచి దిగువకు నీటిని విడుదల చేసే ముందే లోతట్టు ప్రాంత గ్రామాల ప్రజలకు ముందస్తు హెచ్చరికలు (Warning) జారీ చేయాలి."
"దిగువ ప్రాంత పోలీస్ స్టేషన్ల ఎస్హెచ్‌ఓలను (SHOs) వ్యక్తిగతంగా అప్రమత్తం చేసి, నిరంతరం అప్రమత్తంగా ఉంచాలి."
"వరద ఉధృతి తగ్గేవరకు ప్రజలు, రైతులు వాగులు, వంకలు, నదులు దాటకూడదు. చేపల వేట వంటి ప్రమాదకర పనులకు ఎవరూ వెళ్లరాదు".
"వంతెనలు, కాజ్‌వేలపై నీరు ప్రవహిస్తున్నప్పుడు ద్విచక్ర వాహనాలు గానీ, ఇతర వాహనాలతో గానీ రోడ్లు దాటే ప్రయత్నం చేయవద్దు".
"ప్రజల అత్యవసర సహాయం, రక్షణ చర్యల నిమిత్తం బుచ్చయ్యపేట తదితర ప్రాంతాలకు అదనపు పోలీసు బలగాలతో పాటు ఎస్డీఆర్ఎఫ్ (SDRF), ఎన్డీఆర్ఎఫ్ (NDRF) బృందాల సేవలను సిద్ధంగా ఉంచడం జరిగింది".
ఈ తనిఖీలలో జిల్లా ఎస్పీతో పాటు అనకాపల్లి సబ్ డివిజన్ డీఎస్పీ శ్రీ పి.వి.వి.నరసింహారావు, ఎస్.బి సిఐ బాల సూర్యరావు, అనకాపల్లి రూరల్ సిఐ అశోక్ కుమార్, బుచ్చయ్యపేట సిఐ కోటేశ్వరరావు, ఎస్సైలు మనోజ్ కుమార్, రవికుమార్ తదితర పోలీస్ సిబ్బంది పాల్గొన్నారు.
@APPOLICE100
