ہیومن رائٹس کونسل آف پاکستان (HRC Pakistan) کے چیئرمین جناب جمشید حسین @jamshed_hrc صاحب کے ذاتی واٹس ایپ نمبر پر ایک دھمکی آمیز پیغام موصول ہوا، جس میں واضح ہدایت کی گئی کہ دفعہ 295-C کے حوالے سے کسی بھی قسم کی گفتگو یا رائے کا اظہار نہ کیا جائے۔ اس سنگین صورتحال پر ہیومن رائٹس کونسل آف پاکستان دوٹوک موقف اختیار کرتے ہوئے اعلان کرتی ہے کہ: ہم ختمِ نبوت کے عقیدے پر پختہ اور غیر مشروط ایمان رکھتے ہیں۔ حضرت محمد مصطفیٰ ﷺ اللہ تعالیٰ کے آخری نبی اور رسول ہیں۔ اس عقیدے میں کوئی تاویل، کوئی ابہام اور کوئی رعایت نہیں۔ یہ ہمارے ایمان کا بنیادی اور غیر متزلزل حصہ ہے۔ تاہم یہ ایک تلخ حقیقت ہے کہ دفعہ 295-C کے نام پر پاکستان میں متعدد ایسے واقعات رونما ہوئے جو انصاف کے بنیادی اصولوں کا قتل عام اور سینکڑوں خاندانوں کی مکمل تباہی کا باعث بنے۔ حال ہی میں کئی عدالتی سماعتوں، میڈیا رپورٹس اور مختلف ذرائع کے مطابق ایک منظم گروہ نے تقریباً 400 سے زائد افراد — جن میں اکثریت نوجوانوں کی ہے — کو جھوٹے توہینِ مذہب کے الزامات میں پھنسایا۔ نابینا افراد سے لے کر عام شہریوں تک، سب کو اس ظالمانہ کھیل کا نشانہ بنایا گیا۔ متاثرہ خاندان برسوں سے عدالتوں کے چکر کاٹ رہے ہیں، جس سے ان کی معاشی، نفسیاتی اور سماجی حالت تباہ ہوئی۔ جسٹس سردار اعجاز اسحاق خان کی عدالت میں زیر سماعت مقدمات، لائیو کوریج اور متعلقہ دستاویزات سب کے سامنے ہیں کہ کس طرح حقائق کو مسخ کیا گیا، کس پر الزام لگایا گیا اور اصل متاثرین کون بنے۔ اس سے قبل بھی کئی مواقع پر ایسے مقدمات سامنے آئے جن میں نہ تو تفتیش کا کوئی معیاری اور منصفانہ عمل دیکھنے میں آیا، اور نہ ہی عدالتوں کو وہ آزادانہ ماحول میسر ہوا جو سچائی تک پہنچنے کے لیے ناگزیر ہے۔ اب بنیادی سوالات یہ ہیں: اگر قانون کے غلط استعمال، ظلم اور ناانصافی پر بات کرنا جرم قرار دیا جائے تو پھر اس جرم کو بے نقاب کرنے کی ضرورت اس سے کہیں زیادہ کیوں نہیں؟ کیا انصاف کے نام پر ظلم کے خلاف آواز اٹھانا خود گستاخی کے زمرے میں آتا ہے؟ کیا حق و صداقت کا دفاع کرنا جرم بن جاتا ہے؟ اگر ریاستی ادارے، وکلاء عدالت، سول سوسائٹی اور انسانی حقوق کی تنظیمیں اس سنگین ناانصافی کے خلاف کُھل کر نہ بولیں تو یہ ذمہ داری آخر کون ادا کرے گا؟ ہیومن رائٹس کونسل آف پاکستان بالکل واضح کرتی ہے کہ: کوئی دھمکی، کوئی دباؤ اور کوئی خوف ہمیں اپنی ذمہ داری سے روک نہیں سکتا۔ ہم مظلوموں کے ساتھ شانہ بشانہ کھڑے رہیں گے۔ قانون کے غلط استعمال اور اس کے نتیجے میں ہونے والے ظلم کے خلاف آواز بلند کرتے رہیں گے۔ یہ ہمارا آئینی، اخلاقی ،مذہبی اور انسانی فریضہ ہے — چاہے اس کی قیمت کچھ بھی ہو۔ کیونکہ انصاف کی جنگ ہمیشہ قیمت مانگتی ہے، مگر خاموشی اس سے کہیں زیادہ مہنگی اور تباہ کُن ثابت ہوتی ہے۔ شکریہ ہیومن رائٹس کونسل آف پاکستان #HRC_Pakistan #HumanRightsCouncilPakistan #RuleOfLaw #StopMisuse #295C #JusticeReform #DueProcess #KhatmeNabuwwat #Pakistan #HumanRights #StopHoneyTrapping #StopBlasphemyBusiness #JusticeFor450 #450LivesMatter #JusticeForAbdullahShah #ختم_نبوتﷺ @OfficialDGISPR @UNHumanRights @amnestysasia @MOIofficialGoP @PresOfPakistan @PakPMO @NAofPakistan @ministry_law @nchrofficial @mohrpakistan @ICJ_org @ICJ_Asia @UN @NCCIAOFFICIAL @FIA_Agency @SenatePakistan