على النايف اللي من تعلاّ حجاه يضيع
تعليته و خليت الانسام تطرقني
معي ضيقة في جوف صدري لها أسابيع
من الضيق حتى زرار ثوبي يضايقني
أنا احس فيني زهد عود و شفاة وريع
وشي لو اعلم به أحداً ما صدقني !
مع غروب الشمس لاهب ذعذاع الهوى
والله ان يفطن بي اللي من اول مافطن
فاقدك ياللي غرامك من اعلى مستوى
مثل فقد اللي ماعنده ربوع ولا وطن
الفراق وسكرة الموت فالواقع سوى
اعتبرها كلها اخوان من ظهر وبطن
عاد جرحي لا تشالى ولا جاله دوا
وعاد قلبي ينسحب سحب شوكٍ في قطن
العاطفي عايض .