Pinned Tweet
ما هوب انا اللي تروح ، و يتبع الجرّه
مانيب " تبّاع " .. لدّاني ، و للقاصي
اقفي وانا قلبي اقسى من حصى الحرّه
لا والله اقوى ، على الصدّه وانا عاصي
#عاصي
عاصــي retweeted
تحت همّـال السحايب .. وبـرّاق المزون
إضحكي ي حلـم عمـري وغـنّي وإلعـبي
المطـر يشبهـك همّـاله العذب الحنون
ويشبهـك لاقـام يسـبي معــاليقي سبي
الهـوى لو إنّه احيــان ضرب من الجنون
فدوته حــالي ومــالي وجهـدي وتعــبي
لاتخــافين المفــارق .. ولاهــم يحـزنون
والغــلا في سـدّ وجهي .. ودقـني وشنبي ..
لشاعرنا المبدع @Al_assy11
تحت همّـال السحايب .. وبـرّاق المزون
إضحكي ي حلـم عمـري وغـنّي وإلعـبي
المطـر يشبهـك همّـاله العذب الحنون
ويشبهـك لاقـام يسـبي معــاليقي سبي
في رموش عيونك السود من ريب المنون
وفي تلفّــاتك .. تلفّــات وجفــال الظبي
وان وقفــتي .. قلت لله في خلـقه شؤون
وان تهادت بك خطــاويك .. يادين النبي
الهـوى لو إنّه احيــان ضرب من الجنون
فدوته حــالي ومــالي وجهـدي وتعــبي
لاتخــافين المفــارق .. ولاهــم يحـزنون
والغــلا في سـدّ وجهي .. ودقـني وشنبي
#عاصي
حفيـدة مروّية حـدب السيوف الرهاف
فـ امّ المعــارك عـلاوي نجـد واطرافها
يوم المـوارد شحيـحه والليـالي عجاف
ما كنّ فــ المجـد سيره غير لــ اسلافها
انقى من الغيم واطهر من ثياب العفاف
وآعـزّ وأسـمى .. سلـوم البـدو واعرافها
ما تعترف بـ الهـوى ولا القلوب النظاف
لـوهـم تحـت حكم .. حاجبها وسيّافها
مهيــوبةٍ في حمــاها يركـدون الخفاف
رعبــوبةٍ تستحـلّ .. شعـور مـن شـافها
ي مبتـغى كل حـرف وفـاتنة كل قــاف
ي روح روحــي .. وغـايتها .. وميـلافها
لـولاك ما لِــدّ عيــني يوم اقـفّي خـلاف
ولـولاك ما وقّفـت رجلي .. بــ مشرافها
وانا عــزيزٍ يشــوم عن الهــوان ويعـاف
ما يلتفـت عـاد فـ الحاجه .. ليـا طافها
حتى وانا مُنهـك من البرد ومن الجفاف
واقــف .. مثل وقفـة ابيــاتي على قافها
واحــبّك اللي تمــرّ موثّقــه بــ اعتـراف
مــدري متى عــاد بــ تلحّـفني لحــافها ):
#عاصي
مرّي على البال مثل الذّنب والتوبه
ي سبّـة جروح قلـبي داوي جروحه
إمّــا تجــينه .. مثـل كفّــارة ذنوبه
ولّا تروحـين .. وانتي ماخذه روحـه ):
#عاصي
يقول ..
لاتخـاف من المقابيل ي عـذب اللمى
والجفـا لو شدّ حيــله وزوّد فــ جهده
صاحبك عن كل زلّــه وتقصيـرَه عـمى
لو يجي فـ الحلق غصّه وفـ الكبد لهده
جـلّ شان مدبّر الخلـق من سابع سما
يوم جيتك والهــوى كان توّه فــ مهده
والتـوى بين المعـاليق والقلــب ونمى
لين صرت اضما على ماه واجوع شهده
_ عاصي.
ي حبيبي دام وصلك ما انكتب ولا انقسم لي
رح فمـان الله مع قلبي .. وسبعه من ضلوعي
بس امــانه كل ما مرّيت فـ البــال إبتسم لي
وإذكر إنّي ما ارمشت عيني ولا طاحت دموعي
#عاصي
تبيني انســاك يآخي روح وإنسـاني
أو حـطّ بيني وبين مشاهدك عازل
امّا انّي اغضّ طرفي واحفظ لساني
ماني عن الوصـل واللذات متنازل
مقدر وانا اشوف قـدّ وحِسن ربّاني
يختـال قـدّام عيـني .. طـالع ونازل
اليا تثـنّى النحيـل .. بــ شـطّ لبّاني
كذاب لو قلت لك .. والله مَـ اغازل (:
#عاصي
قـرّبي من غصنك الميّـال .. رمّـانه وخوخه
واسمحي لي لين ابرّد خاطري واسد جوعي ):
#عاصي
لاتخـاف من المقابيل ي عـذب اللمى
والجفـا لو شدّ حيــله وزوّد فــ جهده
صاحبك عن كل زلّــه وتقصيـرَه عـمى
لو يجي فـ الحلق غصّه وفـ الكبد لهده
جـلّ شان مدبّر الخلـق من سابع سما
يوم جيتك والهــوى كان توّه فــ مهده
والتـوى بين المعـاليق والقلــب ونمى
لين صرت اضما على ماه واجوع شهده
#عاصي
مـا بيــن ثلاجــة الامــوات والمقــبره
مشــوار خــلّاني اكبــر فيه ستيـن عام
راح ابلــجٍ كــل مـا مــرّ الرجــال خبره
اتطيــح من طــولها ما كـنّ فيها عظام
وإن هَــبّ ذِكـره بريح المسك والعنبره
قالو عسى وجهه ابيض من بياض الغمام
الفقـد يا مــ اكبره و الكسـر يا مــ اكبره
خلّــو دمــوعي تطيــح ولا عليــها ملام
الدمع كيف اقهــره والحـزن كيف اعبره
وانا عيــوني تشـوفه .. لاطــواها المنام
في كل ليــله ورى حـدب الضلوع اقبره
واستودعه واودعـه .. واقرا عليه السلام
يا مجـبّرين العظـام القلــب وش يجبره
ياربّ جــنّات عـدن .. الملتقى والمقـام
#عاصي
﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾
إسرقي ياضيـقة السبت من يوم الربوع
إسرقي لي منه فرحه وضحكه وابتسام
للعيون اللي من الشوق تغرقها الدموع
كــل ما قفّــيت عنها .. تلحّــقني ملام
ليت لإحساسي حصانه وفي قلبي دروع
ما يذوب من المعــاليق لا ناح الحمام
جعل يفدى كل قلـبٍ من الفرقى جزوع
قلب خــوّان الامــانه .. وبيّــاع الكـلام ):
#عاصي
بحـق من بـ الجبـال الراسيات ارسى
وجـه البسيطه .. تعالى في تفاصيله
بحـق من بـ الجبـال الراسيات ارسى
وجـه البسيطه .. تعالى في تفاصيله
ي مسرفه فـ الجفـا بالله كيف انسى
والشـوق ما فــ الضلوع ألّا مداهيله
كيف اتمـرّد على حبّـك وكيف اقسى
ويقـوم قلـبي ليا غبتي .. على حيـله
وانتي الهوى والبحر والموج والمرسى
والشِعــر واحـلى قوافيــه ومواويـله
النور كيف اشرقك والليل كيف امسى
على جديلك .. غفى الليل بــ قناديله
واللي يقـول العيـون الناعسـه خرسى
ما شافها تضحك لـ عاصي وتحكي له ꨄ
#عاصي
بحـق من بـ الجبـال الراسيات ارسى
وجـه البسيطه .. تعالى في تفاصيله
ي مسرفه فـ الجفـا بالله كيف انسى
والشـوق ما فــ الضلوع ألّا مداهيله
كيف اتمـرّد على حبّـك وكيف اقسى
ويقـوم قلـبي ليا غبتي .. على حيـله
وانتي الهوى والبحر والموج والمرسى
والشِعــر واحـلى قوافيــه ومواويـله
النور كيف اشرقك والليل كيف امسى
على جديلك .. غفى الليل بــ قناديله
واللي يقـول العيـون الناعسـه خرسى
ما شافها تضحك لـ عاصي وتحكي له ꨄ
#عاصي
ما من شيء يبقى بمذاقه الأول
فالمواقف تُغيّر حتى طعم الكلمات ..💔
يقول عاصي @Al_assy11 :
أحبّــك اللي تعيـش بدم شرياني
ومدلّعـه في ذرى قلـبي ومنغـرّه
اليوم صارت تمــرّ وتجرح لساني
واستطعم حروفـها واذوقها مُـرّه ..🍃
أحبّــك اللي تعيـش بدم شرياني
ومدلّعـه في ذرى قلـبي ومنغـرّه
اليوم صارت تمــرّ وتجرح لساني
واستطعم حروفـها واذوقها مُـرّه ):
#عاصي







