بتكلم عن الموضوع بكل شفافية، لان بنظري موضوع الاستغلال زاد عن حده. بعض الرياييل ما يحركهم غير الجانب الجنسي، و المشاعر والارتباط والمسؤولية أشياء ثانوية بالنسبة لهم، ومب مهمة!!
مجرد ما يحصل الريال على اللي يشبع رغبتة الجنسية، بكل سهولة يستبدلج و يفرط فيج،و كل المشاعر والعشرة والوقت اللي بينكم ما بيكون لهم اي قيمة ولا تقدير بالنسبة له،و الموضوع كله يعتمد على (رغبة جسدية)
ونصيحتي لكل بنت: لا تأمنين لأي ريال لمجرد انه عبّر عن حبه او عطاج اهتمام. لا تخلين كلامه ووعوده يعمونج عن أفعاله، ولا ترفضين فرص، وحافظي على نفسج ومشاعرج ونفسيتج، ولا تعطين شخص مساحة في حياتج أكبر من حجم المسؤولية اللي هو مستعد يتحملها.
ونصيحتي لكل ريال : لا تدخل حياه بنت وتوعدها وانت مب قد الوعد لا تستغل مشاعر وعاطفة البنت عشان توصل ل رغباتك اذا ما عندك نية من البداية لا تعطي وعود ولا تخلي الطرف الثاني يرفض فرص ويضحي ب اشياء وانت مب مستعد تتحمل مسؤوليتها ، (لا تكون سبب ف انه هالشخص يفقد ثقتة ف الناس بسبب انانيتك ورغباتك)










