اما قلت الكلام ده من مده الناس قالتلى ان بتسود العيشه انت تعرف منين ، انت مش شايف حاجه ! وطبعا ببساطه لا عندى ارقام ولا احصائيات زي الاساتذه دول بس عندى كان المدرسه القديمه جدا : صوت السوق اسمع للناس ، التجار والموزعين والمطورين ، وبصراحه ده اصبح علم عام . عايز تقتنع وتغير وتعالج اهلا وسهلا ، مش شايف اللى بيحصل وناوي تفسر وتبرر برضه انت حر . ممكن تقولى انا مش السبب مش حعترض ممكن تقولى الدنيا كلها كده حقولك طبعا ، لكن فكره انه لا مفيش مشكله قوى او مش بالصعوبه دي ، هنا ممكن اختلف معاك واقولك محتاجين حلول وتحريك . دور اي وزاره انها تحل مشاكل وازمات وهنا بيتم التقييم والتقدير . الامل موجود والحلول موجوده بس نواجه ونعرف ان الوضع صعب وان القادم لو لم نتحرك سيكون اصعب . كان نفسي ارسم الدنيا بمبى بس مش انا اللى طلعت الكلام ده ، ده مجرد تقنين لوضع حاسينه كلنا حكومه وشعب .

كلما هاجمني الاخوان بضراوة شديده وتحولوا الى لجان ساذجه تردد كلها نفس الكلام والمعنى ، اعرف انهم يخشون شيء ما ، لا يهاجمون من اجل المبادىء او المثل ولكن هناك شيء ما عندهم فى خطر ، بالتجربه عاده ما تكون مصلحه او سبوبه ، اكل عيش يعنى، وهذا مفهوم وعادى ولكن فقط لا يجب التخفى فى زي الواعظين ، ربى اجعلنى دوما سببا فى ارزاق الناس !

لا تعليق هناك من يزرع الفتنه عند كل تقارب بين مصر والمملكة!

وذكاء صناعى ايه اللى عايزين نقتحمه ، لا عرفنا نعمل تطبيق الضرائب العقاريه ولا عارفين نطبق القاعده بتاعت قانون الاجراءات الجنائيه . هى دي مسئوليه مين اكد لا الداخليه ولا العدل ولا الماليه . مين بيعمل تطبيقات الدوله المصريه ، طب لو مفيش حد نبعت نجيب من بره ، نستعين بخبير اجنبى ، مش عيب ، بس العيب انه نظهر بالشكل ده !

الى كل من ينادون بتغليب صوت العقل او الارتكان للقواعد والاخلاقيات الدوليه فى الموضوع الاثيوبى اقول الاتى : -اثيوبيا لم تعاملنا بالعقل او بالقواعد والاخلاقيات الدوليه -كل القوى التى تلعب فى اثيوبيا(وهى كثيره ومعروفه ) لا تعنى بالحق والخير والجمال -فى اثيوبيا مياه مصر وهذا امر لا اخلاق فيه بل لغه القوه هى الحل الوحيد -هذا رايي من سنوات طويله ولنرى الى اين وصلنا بالحكمه والديبلوماسيه والاخلاق الدوليه -مصر الان واكرر الان تنتهج نبره اخرى لانه مع المياه يا روح ما بعدك روح وبعيدا عن هبل ضرب السد هناك وسائل قوه اخرى يعرفها المتخصصون تحيه لكل العقلاء ولتقبلوا راي مجنون وحيد بينكم !

احترم واقدر بيان النادي الاهلى . جاب حق الشناوي وعبر عن راي جمهور الكره المصريه بالكامل . لاعب مثله قيمه وقامه واخلاق وقدم لناديه ولبلده الكثير . يبدو ان الكابتن حسام نسي نفسه ونشوه مبارايات المونديال مازالت تلعب براسه . ربك كبير والدنيا دواره . بكره يدوق من نفس الكاس !

يجب التوقف طويلا امام حجم التطور الذي شهدته المملكه السعوديه فى السنوات الاخيره . اقتصاديه وسياسيه واجتماعيه واضحه جدا . دوله حديثه ، يقودها شبابها ، كل يوم تغيير جديد ، انفتاح على العالم ، دخول مجالات العصر الحديث ، والاهم القدره على التصدى للعدوان وحمايه الوطن من الاطماع الاقليميه . هى قصه نجاح واضحه بطلها المواطن السعودى قياده وشعبا . يوم وطنى سعيد لكل اشقائى فى مملكه الخير والقوه

قال لى مذيع شاب انصحنى : قلت له اياك والغرور ، الشاشه خطر على وجودك وحياتك . وكلما اشتهرت ذكر نفسك انها لعبه خطيره وقد تفقد كل شيء فى كلمه غير مقصوده او معلومه غير دقيقه او مواقف غير محسوبه . تعلم كل يوم التواضع بل منتهى التواضع

التنظيم مطلوب وليس عيبا ان نتحوط

فى بعض الاحيان الغباء يكون اذكى فعل !

شيء محترم وموقف جيد ولكن يبقى الموضوع الرئيسي : عايزين ديسكات عايزين مدارس ادميه عايزين جرد كامل للاماكن المحتاجه ، ونتحرك بكل قوه لكى ننجدها فى بدايه العام الدراسي الجديد . الرد بان كله جاهز وتمام لن يصلح اي شيء . لا يجب ان ننتظر المديره التى تصلح المجارى من اموالها ولا المدير المحتاج للمدد من المحافظه والوزاره . نحتاج الى تحرك جاد واضح من الاداره الموقره ونعمل جميعا على حمله قوميه كبيره لاصلاح المبانى التى تصنع مستقبل مصر . الاموال موجوده (هكذا فهمونا ) والمصريين على استعداد لعمل اي شيء من اجل اهم مبنى فى البلد : المدرسه

فى واقعه المحافظ: فى ناس انتقدت نزوله بكاميرات وميكرفون وفيه ناس انتقدت جلابيه المدير وفيه ناس مع جلابيه المدير وفيه ناس مع كرم المديره وفيه ناس ضد تبرعات المديره وفيه ناس ضد الزباله فى المدرسه وفيه ناس شايفه ان الزباله نتيجه طبيعيه وفيه ناس شايفه ان ده ضد سمعه مصر وفيه ناس شايفه ان كشف الفساد مهم وفيه ناس سالت الفلوس فين وفيه ناس قالت الفلوس حتلاحق على ايه ولا ايه ؟ ولكن لم يتبق ناس تسأل عن التعليم او عن التلاميذ وعجبى !

كنت متوقع رد فعل حلقه تحالف الخيانه فى الخارج بس بصراحه بالهيستريا دي شيء لا يصدقه عقل . الحلقه كانت ساعه وهما ردوا ييجى فى عشرين ساعه ! الاول كانت السرديه ايه الموضوع الهايف ده ثم تحولت الى تبرير وصريخ على الموضوع الهايف ده ! مستعد ان اتفاهم مع من يريد الاصلاح ولكنى مستحيل اتهاون مع العميل الذي يرفض حتى الكشف عن مكان تمويله او مرتبه . اعرف المعارضه ولكن لا اعرف الجواسيس وبالمناسبه احترم اعترافكم ان بينكم جواسيس (اعتراف قاتل وضح ان كل ما قيل كان صحيحا ) ، هذا امر طبيعى من يبيع بلده يبيع اي شيء . بجد انتم اهون من بيت العنكبوت واقذر من من كل خونه التاريخ القديم والحديث . فضح مؤتمركم الذي لا تستطيعون كشف الممول الذي سيستضيفكم فى العاصمه الاوروبيه الناعمه وكشف القرارات السريه، ضربه بالفعل تحت الحزام . الجدل بيننا ليس على البلد ولكن على التمويل المخابراتى . كل مره تردون على كل شيء ما عدا اهم شيء ، الفلوس منين ؟! ساعه بوظت الف ساعه عماله ،دي بركه ربنا وحق مصر ومصر تكسب وشكرا لحسن صراخكم وفشل تبريركم . ولو سمحت مش عايز اشوف واسمع حد منكم بيتكلم عن معاناه الشعب المصري ، اعطوه مما اعطاه الظابط بتاعكم وافتكروهم فى منحه المؤتمر دي حتبقى باليورو! اخر مره تكون مخلص الكوفى شوب بالعمله او راكب العربيه اللى اشتراهالك الظابط او من البيت اللى فرشهولك الظابط وتعيط على العذاب فى مصر . كتبتم عند الله كذابين ومنافقين وعملاء واضحين وروح عيط تانى واحلف ،نفس الفشل ونفس الخجل وسلملى على النضال الانجليزي الايرلندى الهولندى . مصر تكسب وقفا جديد وانتم فاكرين اخر واحد طبعا ! بلدنا مليانه تحديات بس مش مطروحه للتجاره ولا العماله ولا البيع ، واحنا اللى حنصلح بلدنا بايدينا مش بفلوس الاجهزه .

الحمد لله بعتولى دلوقتى ان الشجر مش بيتقطع ده تهذيب وتجميل ، ربنا يهدى الاحوال وتعيش الشجره وتعيش مصر

كذا حد بعتلي الصور دي ، مذبحه جديده فى الزمالك قرب فيلا ام كلثوم . جيل هدم الفيلا وجيل قطع الشجر !

عندى اقتراح ارجو ان ينل اهتمام كافه اجهزه المخابرات المصريه . لو صوره جماعيه لكل ظباط وعناصر المخابرات الموجوده الان مع اسم كل ظابط ورتبته ومجال العمليات والمكان الجغرافى . عادي زي اي جهاز مخابرات فى العالم ما هو اساس عملهم ان نعرفهم صوت وصوره وممكن كمان لو يظهروا فى برامج التوك شو ويحكوا كل اسرارهم زي اي بلد محترم عنده عمليات حرجه فى عالم خطر . ولو امكن كمان قبل ما يركبوا اي طياره او يسافروا يقولولنا رايحين فين وحيغيبوا قد ايه ، هى دي الشفافيه اومال لازم الشعب يعرف كل حاجه زي الشعوب المتقدمه فى العالم . ومعلش لو امكن برضه يقولونا عملياتهم ضد مين او بيراقبوا ايه مهوا نتسلى معاهم ، هو اصل عمل المخابرات بكل انواعها قايم على الشفافيه والمكاشفة وكل حاجه تبقى فى النور وزي البنور!

فعلا غيران من شغل الاستاذه راندا ابو العزم . كان نفسي فيه وعينى فيه . الاستاذه نموذج للعمل المنضبط الصح القوى ، وبكل سذاجه يشعر الانسان بالندم ان هناك من سبقه ومن تفوق ومن قدم !

اذكر بلد فى الدنيا قعدت عشرات السنين تحاول تعمل نظام نظافه وفشلت ؟! لا المشكله الرغبه ولا القدره ولا الموارد البشرية او الماليه بالعكس اهدرنا ملايين فى طريق التغيير والتبديل والاقتراحات واللجان والشركات الحكوميه والخاصه والاجنبيه . وبعيدا عن اهميه النظافه وجمع القمامه لا يسعك الا ان تضرب كف على كف وتسال يا مصر بتفشلى فيها ازاي ، وبجد مش كلاشيه كلنا اشتركنا فى عمل ابسط وظايف الدول ، منظومه نضافه بسيطه مستدامه ، من دوله كانت تغسل شوارعها بالميه والصابون ( وهذه قصص تاريخيه ) الى دوله مازالت تفكر فى موضوع الصراع بين المحافظ والزبالين والنباشين . فى بعض الاحيان هناك ملفات ننجزها اولا وبعدين نبقى نشوف اي مشكله فى الوجود

طيب بصرف النظر عن موضوع الهامور والبلطى والحاجات اللطيفه دي . استرعى انتباهى كيف تنجح مصر فى خلق الفيلم واخراجه وانتاجه . فجأه بقى موضوع امنى سياسى حساس ، مين قال محدش عارف ، البلد مهزوزه وفيه اضطرابات ، مين قال محدش مش عارف وبعدين الناس اللى مش عارفه ردت على الناس اللى متعرفش برضه ، انه مصر افوى من الهامور والوقار ، وبعدين ظهرت فئه تالته متعرفش حاجه برضه ، ان دول اخوان طبعا وتنظيم دولى كمان . فيه مجموعه رابعه مش مطلعه خالص اكدت ان الدوله بتدرس الموضوع وبتقيمه . مصر جميله عملت الهامور ودبحت الهامور ، وخلته ترند نمره واحد. بس موضوع السد مش وقته ومصاريف المدارس بعدين والدعم العينى له رب يحميه وتعادل الزمالك مش فى الاجنده ، اما الهامور هو الاعلى والاهم .