اسأل عن المال

من الخاص💰 انا عسكري وكيل رقيب عمري ٤٣ وخدمتي ٢٣ سنه راتبي مع البدلات حدود ١٠٥٠٠ ريال والاساسي ٦٧٦٥ جاني تقاعد طبي والحمدلله على كل حال بس شايل هم الراتب خصوصا ان عندي عيال والتزامات الحين كم ممكن ينزل لي تقاعد على خدمتي هذي؟ وهل فيه حقوق او مكافأة استلمها غير الراتب التقاعدي؟ اللي تقاعد طبي من العسكريه ياليت يفيدني كم نزل له ووش الاجراءات اللي مر فيها

من الخاص💰 السلام عليكم انا موظفة بأحد الهيئات راتبي 17000 لس سنتين ومعاي ماجستير وشهادات مهنية بنفس المجال علي قرض عقاري 7500 وانا عندي طفلين انا وزوجي نتساعد بالمصاريف ولكن عايشة بضغط كبير خصوصا ان زوجي راتبه اقل مني وعنده برضو التزامات وانا نقلت للرياض عشان الوظيفة وهو باقي بمنطقتنا جاني عرض وظيفي باحد شركات الاستشارية الكبرى براتب 37500 قبل خصم التامينات وقالو مافيه تامين للوالدين وانا يهمني كثير التامين الطبي لاهلي اكثر من نفسي فحاولت افاوض على 40000 صافي بعد التامينات ولكن غالبا بيُرفض انا وظيفتي حاليا مرتاااحة فيها جدا الحمدلله البيئة رائعة المدير متفهم الدوام مرن ومناسبني كأم بس الراتب اغراني ولكن خفت من موضوع الضغط العالي والخطورة العالية بالوظيفة وان حياتي مع الشركات مسروقة ومن هالكلام علما ان اطفالي ووقتي معاهم اولوية عندي وايضا موضوع التامين الطبي للام والاب ابي مشورتكم 🙏🏻

من الخاص💰 السلام عليكم انا عمري ٢٤ سنه وقدرت اجمع مبلغ ١٦ الف ريال وابي استغل المبلغ هذا كويس بحيث افتح مشروع او استثمار او او لكن مره ماعندي خبره وش ممكن اسوي فيها🙏مع العلم اني عاطله لكن اشتغل اعمال حره متنوعه لكن ابي شي يزيد فلوسي

من الخاص💰 السلام عليكم انا عسكري وراتبي يتجاوز 17,000 وللاسف قبل عدة سنوات دخلت في تجارة مع اشخاص وخسرت فوق المليون والان موقفه خدماتي لاكثر من 3 سنوات والان عندي فكره لمشروع وحاب اخذ تمويل لكن للاسف لا استطيع بسبب ايقاف الخدمات وحساباتي البنكيه بالسالب ايش الحل هل فيه جهة تعطيني تمويل مع ضمان التسديد ؟

من الخاص💰 احتاج تفيدوني راتبي 16 الف ريال ولدي التزام 1333 قسط تمويل سيارة باقي منه 44 قسط والدفعة الاخيرة 51 الف ريال وعندي كفالة بنك تسليف 625 ريال وباقي 30 قسط. الان عندي ارض من سكني واحتاج اعمرها وما ابغى اضغط نفسي شوروا علي الله يحفظكم علما بانه بقي على التقاعد المبكر 13 سنة والتقاعد النظامي 20 سنة

من الخاص💰 يا اهل الحلال ابي اخذ شوركم معي ٣٠٠ الف ريال وودي ادخل بتجارة الغنم اشتري لي عدد من الرؤوس واربيها وبعدها ابيع وانتفع منها المشكله اني ما قد اشتغلت بالحلال ولا اعرف كم تكلف الاعلاف والعامل والبيطري وباقي المصاريف واحد من اخوياي يقول الغنم فيها خير وممكن تطلع منها دخل افضل من مشاريع المحلات بس اخاف ادخل بالمبلغ كله واكتشف ان الربح ما يسوى التعب اللي عنده غنم وش تنصحوني ابدا فيه وكم راس اقدر اشتري بهالمبلغ؟ وكم ممكن يصفى لي بالسنه بعد المصاريف؟