اسأل بسام💰

من الخاص 📩 أنا موظفة وراتبي 8200 وزوجي راتبه 11600 وعندنا طفلين قسط بيتنا 4900 قسط سيارة زوجي 1750 حضانة الأطفال 1600 مقاضي وفواتير وبنزين تقريبًا 3600 وعندي قرض شخصي قسطه 1850 قبل شهر اكتشفت إن زوجي عليه مديونية بطاقة ائتمانية 29 ألف وما علمني عنها الحين يطلب مني أوقف ادخاري الشهري وأساعده يسددها مع إني أجمع من سنتين ووصلت 43 ألف أنا مو رافضة أساعده بس مضايقني إنه أخفى عني الموضوع هل أساعده من تحويشتي أو أخليه يدبر ديونه بنفسه؟

من الخاص 📩 السلام عليكم انا شخص عمري30 سنه وزوجتي عمرها25 ومعنا ثلاث اطفال موظف الحمدلله راتبي 17000 وزوجتي جاها عرض وظيفي براتب 12000 وقلت لها اذا تبين الوظيفه تعطيني 60% من راتبك ولا اجلسي في البيت ورفضت هي قالت راتبها لها الان انا ما ادري وش اسوي فيها علي قرض واطفال اصرف عليهم ما ادري وش اسوي ووش الحل معها الموضوع مضايقني جداً كيف يعني ما تعطيني من راتبها رغم اني اصرف عليها من اكثر من 6 سنوات وش الحل معها

من الخاص 📩 أمس بنتي قالت لي يا أبوي ليش كل ما طلبنا شيء تقول ما عندي فلوس وأنت كل شهر تحول لجدتي؟ السؤال جاء منها فجأة وخلاني أراجع حساباتي أنا موظف وراتبي 10850 ريال وعندي أربع بنات أمي أرملة وتسكن مع أخوي الأصغر مني معاشها 3900 ريال وعندها بعض الالتزامات البسيطة من سنوات وأنا أحول لها 2200 ريال شهريًا بدون ما تطلب مني وأعتبر المبلغ جزء ثابت من راتبي قبل ستة شهور دخلت بنتي الكبيرة الجامعة الأهلية بعد ما ما حصلت قبول بالتخصص اللي تبيه الرسوم 29 ألف ريال بالسنة وافقت أسجلها لأني ما أبي تضيع عليها سنة لكن من بعدها تغير وضعنا المالي وصرت أحسب كل ريال قبل أصرفه زوجتي اقترحت أخفف المبلغ اللي أحوله لأمي مؤقتًا تهاوشت معها وقلت لها مستحيل أقطع عنها شيء تعودت عليه قالت محد طلب منك تقطعه لكن بناتك بعد لهم احتياجات الموضوع انتهى وقتها وما رجعنا فتحناه لين قبل يومين طلبت بنتي الثانية تسجل بدورة إنجليزي تكلفتها 4600 ريال قلت لها نأجلها للإجازة الجاية قالت لي أنت كل شهر تعطي جدتي مبلغ وهي أصلًا عندها معاش وأخوي ساكن معها ليش إذا طلبنا شيء تقول الميزانية ما تسمح؟ انقهرت من كلامها وقلت لها هذي أمّي ولا أبي أسمع اعتراض على اللي أعطيها دخلت غرفتها وهي تبكي وبعدها زوجتي قالت لي البنت ما تقصد تمنعك من بر أمك، هي بس تشوف إنك تقدم احتياجات غيرنا علينا أنا ما أشوف إني مقصر معهم، لكن فعلًا من فترة وأنا أرفض طلبات كثيرة بسبب الالتزامات وأمي ما تدري عن أي شيء من هالكلام اللي محيرني إني لو خففت التحويل بحس إني قصرت معها ولو استمريت بنفس المبلغ يمكن أضطر أستدين عشان مصاريف البنات المشكله لي اخوان بعد بس مايعطون امي شي هل الأفضل أصارح أمي بظروفي وأخفف المبلغ فترة؟ ولا اسكت واخليها على الله

من الخاص 📩 معي 85 ألف محوشها من راتبي وأفكر أفتح محل خضار وفواكه لقيت محل بموقع ممتاز إيجاره 36 ألف بالسنة ويحتاج تجهيزات بـ 28 ألف واحد من الشباب يقول المشروع مربح بس مشكلة الخضار إنها تخرب بسرعة اللي جرب هالتجارة كم يحتاج مبيعات باليوم عشان يطلع بربح يستاهل؟

من الخاص 📩 السلام عليكم بسام صباح الخير انا شخص متزوج من اثنتين وماشيه اموري راتبي 14300 وماعندي الا اقصاد السياره 1900 وايجار الشقتين 5500 بالشهر والصافي لي واخر فتره حملوا كلهم وبلشت بالمصاريف وكل وحده تبي شغاله ف ايش الحل فكرت اني اخلي وحده عند اهلها شهر واهتم بالاولى وبعد شهر تروح الثانيه وتروح الاولى لاهلها بس بنفس الوقت ماراح يكون عندي الوقت اني اهتم لهم

من الخاص 📩 زوجتي راتبها 8350 وأنا راتبي 11920 من 4 سنوات وأنا أتحمل الإيجار والفواتير ومصاريف العيال الحين طلبت منها تساعدني بـ 1800 شهريًا عشان نسدد ديوننا قالت راتبي لي هنا انصدمت المشكلة ان المبلغ طفس مهو شي يعني اللي زي كذا هل اقدر اني اعتمد عليها باقي العمر!