بہ تسلیمات نظامتِ اعلیٰ تعلقاتِ عامہ پنجاب، لاہور توصیف صبیح گوندل، ڈائریکٹر پبلک ریلیشنز، محکمہ داخلہ پنجاب ہینڈ آؤٹ وزیراعلی پنجاب کی ہدایت پر کرپشن اور بدعنوانی کے خلاف سخت کارروائی سول ڈیفنس پنجاب کے 12 اہلکار نوکری سے برخاست، 37 افسران و اہلکار معطل اور 7 کا تبادلہ محکمہ داخلہ پنجاب کرپشن، نااہلی، بدانتظامی اور قوانین کی خلاف ورزی پر زیرو ٹالرینس پالیسی پر عمل پیرا ہے: ترجمان محکمہ داخلہ پنجاب لاہور 6 ستمبر: وزیراعلیٰ پنجاب نے تمام محکمہ جات میں کرپٹ اور بدعنوان عناصر کیخلاف کارروائی کی ہدایت کی ہے جس پر عملدرآمد کرتے ہوئے محکمہ داخلہ پنجاب نے سول ڈیفنس میں سخت ایکشن لیا ہے۔ ڈائریکٹر سول ڈیفنس پنجاب نے محکمے میں خود احتسابی کی عمدہ مثال قائم کرتے ہوئے کرپشن، بدعنوانی اور نااہلی پر 12 اہلکاروں کو نوکری سے برخاست، 37 افسران و اہلکاروں کو معطل جبکہ 7 افسران کا تبادلہ کر دیا ہے۔ نوکری سے برخاست ہونے والوں میں فرمان اللہ (سرگودھا)، نوید (خوشاب)، محمد ارشاد اور ناصر اقبال (ملتان)، اصغر ( لودھراں)، گروپ وارڈن رحمان مقبول اور حمزہ بلال بٹ (گوجرانوالہ)، امان اللہ اور فیضان (حافظ آباد)، شریف (نارووال)، بشیر احمد اور شبیر احمد (بہاولپور) شامل ہیں۔ نوکری سے برخاستگی کے حکم پر عملدرآمد کیلئے ڈپٹی کمشنرز سرگودھا، خوشاب، ملتان، لودھراں، گوجرانوالہ، حافظ آباد، بہاولپور اور نارووال کو مراسلہ جاری کر دیا گیا۔ اسی طرح کرپشن، بدعنوانی اور نااہلی پر پنجاب بھر میں سول ڈیفنس کے 37 افسران و اہلکار معطل کیے گئے۔ معطل ہونے والے افسران میں سول ڈیفنس آفیسر رحیم یار خان شکیب احمد، وہاڑی، سیالکوٹ، خوشاب اور ساہیوال کے اسسٹنٹس سردار علی، ثناء اللہ، محمد کامران اور شاہ نواز، نارووال اور گوجرانوالہ کے سینئر کلرک محمد الطاف اور محمد قاسم شامل ہیں۔ سول ڈیفنس کے 9 چیف انسٹرکٹر اور 15 انسٹرکٹر بھی معطل کیے گئے۔ چیف انسٹرکٹرز سلیمان (ٹوبہ ٹیک سنگھ)، محمد شکور (فیصل آباد)، محمد الطاف (اوکاڑہ)، غلام ربانی (ساہیوال)، عقیل گُل (رحیم یار خان)، کاشف مسعود (وہاڑی)، حافظ محمد زکریا (نورووال)، محمد یوسف (منڈی بہاؤالدین) اور بلال احسان (قصور) معطل کیے گئے۔ اسی طرح انسٹرکٹر محمد بلال (میانوالی)، چراغ دین (قصور)، محمد شاہد اور مدثر لیاقت (شیخوپورہ)، سہیل پرویز (لاہور)، آصف علی (وہاڑی)، محمد زمان (گوجرانوالہ)، محمد عرفان اور محمد مستنصر (فیصل آباد)، راحیل اجمل (سرگودھا)، عاصف علی اور محمد ابوبکر (سیالکوٹ)، مبشر علی (ساہیوال)، احمد فیضان (رحیم یار خان) اور صدف ظہور (راولپنڈی) کو معطل کیا گی۔سوک ڈیفنس کے ریسکیو لیڈر محمد اسلم (ملتان)، ریسکیور ناصر محمود (راولپنڈی)، فرسٹ ایڈر قمر الطاف (ملتان)، ڈرائیور اشفاق احمد (ملتان)، نائب قاصد محمد وارث (جھنگ) اور سینٹری ورکر سہیل مسیح (گجرات) بھی معطل ہونے والوں میں شامل ہیں۔ ڈائریکٹر سول ڈیفنس نے معطلی کے احکامات جاری کرتے ہوئے پیڈا کے تحت کارروائی کا آغاز کر دیا ہے۔ معطل کیے گئے افسران اور اہلکاروں کو سول ڈیفنس پنجاب ہیڈکوارٹر رپورٹ کرنے کا حکم دیا گیا ہے۔ خود احتسابی کے عمل کو جاری رکھتے ہوئے طویل عرصہ تعیناتی اور انتظامی وجوہات کی بناء پر سول ڈیفنس کے 7 افسران کا تبادلہ بھی کیا گیا۔ سول ڈیفنس آفیسر مظفرگڑھ سیدہ سحرش ارشاد کو سول ڈیفنس آفیسر وہاڑی، سول ڈیفنس آفیسر وہاڑی محمد ریحان کو سول ڈیفنس آفیسر بہاولنگر، سول ڈیفنس آفیسر فیصل آباد محمد عباس کو سول ڈیفنس آفیسر ساہیوال، سول ڈیفنس آفیسر ساہیوال محمد عدنان قیصر کو سول ڈیفنس آفیسر اوکاڑہ، سول ڈیفنس آفیسر اوکاڑہ محمد اقبال جاوید کو سول ڈیفنس آفیسر فیصل آباد، سول ڈیفنس آفیسر (سول سیکرٹریٹ) لاہور سدرہ یاسین رانا کو ڈائریکٹوریٹ آف سول ڈیفنس پنجاب میں چیف اسٹاف آفیسر اور سول ڈیفنس آفیسر سیالکوٹ فرحانہ عزیز کو سول ڈیفنس آفیسر (سول سیکرٹریٹ) لاہور تعینات کر دیا گیا۔ ترجمان محکمہ داخلہ کے مطابق چیف سیکرٹری پنجاب نے تمام محکموں کے سربراہان کو محکمانہ احتساب کی ہدایت کی تھی۔ محکمہ داخلہ پنجاب کرپشن، نااہلی، بدانتظامی اور قوانین کی خلاف ورزی پر زیرو ٹالرینس پالیسی پر عمل پیرا ہے۔