بدر بن سلطان الدويش

اللهم إني أحاول فأعني وإني أتعثر فأقمني وأني أُشتت فدلني اللهُم قوّني ولا تضعفني وعوضني ولا تخيب آمالي أنت وحدك من يعلم ما أخفي وما أعلن💙

حشمت نفسي عن هوى كل عادي وعن مايحط القلب في موقف الهون لا شك انا عندي سلوم ومبادي احب الاغلى واترك الدون للدون

ياغاليٍ لو شحب وجه الزمان وعبس مازال وجهك بشوش وبسمتك فاخره ما ودّي اعيش معك العمر مرّه وبس أهواك وابيك في الدنيا وفي الآخره

اللهم كما أمطرت السماء وأسقيت أرضك، أمطِر على قبورِ موتانا من فيض رحمتك ومغفرتك

يكتمل نضج البنادم في شعوره لا شرا الخلوه وملَّ من التواجد ولا أنا يا وجه.. غيبتْه وحضوره ماخذٍ حتى خشوعي فالمساجد كل فجرٍ.. يطرق الشباك نوره كيف أسجّ وفيه من ضحكتك واجد ّ؟

عسى كل العلاقات القديمه والليال السود " فدا بنتٍ " مشاعرها جليد و صوتها دافي غريبه كنها من بطن ريح ومن ظهر عبرود اصيله كنها المجد التليد وسيرة اسلافي عظيمه كنها الدين الحنيف وحلمي المنشود كريمه كنها يمنى الكريم وخيرها ضافي

أنتي سليلة دواهي نجد وشيوخه كل العرب ما عليها زود عن زودك الظاهر رماح جدّك راعي الجوخه قد صفّها كل أبوها صف في سودك

تثنى لا طرق ليّن جنابك بارد الذعذاع خذ بخاطر نسيم ميّلك .. واقبل معاذريره

تباهي في ذراي ولك يلين الخاطر الجلمود جعل قلبٍ يوريك القسى ما يقبل إحسانه

ولا لي بالبشر غاية ولا لي بالثرى أوتاد خفوقي حر وأتبع ما يعز النفس وارضيها تركت أحلام واجد لأنها في ناظري أقیاد وأنا ما أرضى القيود اللي تشلّ الروح بيديها

من كثر مانتي عظيمه صارت جروحك عظيمه كيف صار الجرح منك سمّح ياسمّح المحيا

من غاب عني وانا ماخطيت في حقه ترضيه الايـام لــو طالت ليــاليها

مايطلع الصبح لين يقوم من نومه ومن نور وجهه تنوّر سبع الأراضي الصبح لو مايجيني غير بعلومه لقيتني رايق ومستانس وراضي

جل شان اللي ملاها بالحسن والقبله لين صارت فوق روس الغيد ذنب جاير

يا حفيدة سادة المجد واكبار البخوت بيّني لي لين اخلدك وزن وقافيه واضحكيلي لين اكسّر مجاديف الشموت القصايد بعض الاحيان ماهي كافيه كنتي اوسع عين واطول هدب وارق صوت وانعم الترفات واحلا الوجيه اللافيه كل ما ملّتي تغنّاج .. فيك احيا واموت كيف لو سلهمتي ام الرموش الضافيه

لو رفعتي خصلة الليل عن بدر الجبين كان يمكن يجبر شعاعك شِقوق القمر

سقت عمري دون وجهك والحزن ولت سنينه بين ضحكات الدروب وبين نشوات الهقاوي من عرفتك وأنت محراب الشعور وقبلتينه يتجّه لك كل حس ويهتدي بك كل غاوي🤍

لا إله إلا أنت سبحانك إني كنت من الظالمين

حايد لحالك .. وانا مانيب حول الحياد يامدعّي بالعقل .. ماعاد لـ العقل دور اصحى من النوم .. يانايم سرقك الرقاد العام عذرك معك واليوم م انت معذور ماحن بـ في حاجتك والوضع سلم وبراد ان كان ماثرت .. ورصاص البنادق يثور جاهد من اجل الوطن مهما يكون الجهاد بالشعر ، بالصوت ، بالبندق ، بصدق الشعور قد ضحو " اجدادنا " بـ ارواحهم للبلاد واليوم من ماكر" الاجداد " حنا الصقور 🇸🇦

رجعيني للشغف يا اعز واغلى ماحصلي واستغلي بسمتك لرضاي في وقت الملامه الليالي مالها وجهٍ ضحوك و مسفهلي غير لامنه بدا لي خدك الي فيه شامه اقربي لين يتلاشى حزني ويرتاح ظلي من طريقٍ فيه عيّفت القدم راس العدامه واستريحي فوق ديباجك وفلي شعرك اللي ودي اقضي عمري الباقي تحت دامس ظلامه