BBC Aimsir

Cò ris a bhios i coltach thairis air an deireadh sheachdain? Tha barrachd fiosrachaidh aig Caitriana.

A bheil cleasan-teine gu bhith ann a thaobh na sìde a-nochd? Seo Caitriana.

‘S e pìobaire an aon-phuirt a th’ ann an Joy, agus aimsir chiùin, thioram, sgòthach ron a’ chuid as motha againn airson deagh ghreis fhathast.

'S e feasgar beagan nas grianaiche a tha againn an-diugh, mar a chithear sna dealbhan seo bho na #BBCWeatherWatchers againn. Joy

‘S e glè bheag de dh’atharrachadh a thig air an aimsir tron t-seachdain, agus i a’ maireachdainn tioram ach sgòthach sa chumantas. Seo Joy le tuilleadh fiosrachaidh.

Sùil air an aimsir tarsainn na dùthcha, tro shùilean ar #BBCWeatherWatchers dìcheallach. Joy

Dè tha romhainn an t-seachdain sa a thaobh na sìde? Tha am fiosrachadh aig Ceitidh.

Abair sìde bhrèagha, thioram a th' aig Ceitidh dhuinn airson toiseach na seachdaine ri thighinn.

Coltas an ìre mhath tioram, ciùin air na làithean ri thighinn. Seo Ceitidh le tuilleadh.

Chan eil dad eagallach anns an aimsir a th'aig Sarah airson Oidhche Shamhna! 🎃

Chan eil sgeul air na stoirmean le sìde shocair romhainn airson grunnan làthaichean.

Seo Derek leis an t-sìde.

Às dèidh là gu math gaothach eile dhan a' chuid as motha againn agus frasan bitheanta, trom air a bhith againn air is dheth - saoil dè bhios fa-near dhuinn tron a' chòrr dhen t-seachdain?

Ged a bha i gu math nas ciùine tro mhòran sgìrean an-diugh, co-dhiù an taca ri cho fiadhaich sa bha i tron deireadh-sheachdain - tha barrachd ghèiltean san amharc a-nochd agus a-màireach. Tha am fiosrachadh air fad aig Derek.

Ged a gheibh sinn cuidhteas de stoirm BOELO a-nochd agus a' ghlainne gu bhith ag èirigh tron oidhche, tha barrachd ghèiltean agus sìde fhliuch san amharc. Seo Derek le tuilleadh.

Abair crathadh a tha mòran againn air fhaighinn bho Stoirm BOELO agus i air a bhith air leth fiadhaich fad is farsaing. Seo cuid de na h-uspagan gaoithe as làidire a chaidh a chlàradh bho ghluais an stoirm a-steach an-dè. Stoirmeil dha-rìribh!

Cuimhnichibh gu bheil an gloc a' dol air ais a-nochd, mar sin gheibh sibh uair a thìde a bharrachd anns an leabaidh madainn a-màireach (cho fad 's nach cùm Stoirm BOELO nur cois sibh).

A bheil sibh air buaidh Stoirm BOELO fhaireachdainn mar-tha? Uill, 's ann nas fhiadhaiche buileach a dh'fhàsas i tro mhòran sgìrean a-nochd, agus mairidh i gu math fiadhaich a-màireach cuideachd. Tha am fiosrachadh as ùire aig Derek.

A bharrachd air rabhaidhean gaoithe a bhith an sàs a-nochd, tha Oifis na Sìde air rabhadh buidhe airson uisge trom fhoillseachadh cuideachd. Bidh tòrr uisge air na rathaidean agus dh'fhaodadh tuiltean a bhith ann gu h-ionadail cuideachd.

Chì sibh Stoirm BOELO a' teannadh air iar-thuath na h-Alba air an dealbh-saideil a chaidh a thogail na bu tràithe an-diugh. Breàgha ach mosach aig an aon àm.