❣️ AB Zehri ❣️

جون 2022 کے اس افسوسناک واقعہ میں نشانہ بننے والی خاتون کی شناخت ڈینٹل سرجن ڈاکٹر مریم حسین کے نام سے کی گئی تھی۔ جو شوہر کے مبینہ تشدد کی شکایت لے کر ہارون آباد کے تھانے پہنچی تھیں۔ ویڈیو میں دکھائی دینے والے عدیل افضل نامی فرد کو ڈاکٹر مریم کے شوہر کا کزن بتایا گیا تھا۔ لیڈی ڈاکٹر پر تشدد کرنے والے شخص کو ایس ایچ او تھپڑ مار کر آفس سے باہر بھیج دیتا ہے۔ واقعہ کے بعد تشدد کا شکار ہونے والی لیڈی ڈاکٹر مریم حسین کا ویڈیو پیغام بھی سامنے آیا تھا، جس میں متاثرہ خاتون کا کہنا ہے کہ میرے شوہر کے ساتھ نجی معاملات کی وجہ سے ان کے کہنے پر مجھے 24 جون کو ہارون آباد پولیس اسٹیشن میں تشدد کا نشانہ بنایا گیا۔ انہوں نے کہا تھا کہ میں گھریلو تشدد کا شکار تھی، میرے شوہر آئس کا نشہ کرتے تھے، میرے شوہر نے مجھے تھانے آنے کا کہا اور غنڈے بھیج کر مجھے مار پڑوائی، تشدد کے دوران میری ہڈیاں بھی ٹوٹ گئی ہیں۔ خاتون کا مزید کہنا تھا کہ تشدد کے بعد مجھے اب تک انصاف نہیں ملا، میں چار بچوں کے ساتھ اکیلی رہتی ہوں اور میری جان کوخطرہ ہے۔ موجودہ وفاقی وزیراطلاعات اور اس وقت کے صوبائی وزیر عطا اللہ تاررڈ نے حکومتی موقف دیتے ہوئے کہا تھا افسوسناک واقعے پر نوٹس لیتے ہوئے ایس ایچ او کو معطل کر دیا ہے۔ ملزم کی گرفتاری کے لیے کارروائی شروع کر دی ہے۔