Commissioner Rawalpindi Division

محفوظ سفر، محفوظ زندگی پروگرام کے تحت پنجاب یونیورسٹی جہلم کیمپس میں روڈ سیفٹی سیمینار، ابتدائی طبی امداد کی عملی مشق، مفت ہیلمٹس کی تقسیم اور شجرکاری ضلعی انتظامیہ جہلم اور حمزہ بیگ ویلفیئر سوسائٹی کے اشتراک سے پنجاب یونیورسٹی جہلم کیمپس میں الیکٹرک اسکوٹیز استعمال کرنے والے بچوں اور بچیوں کے لیے خصوصی روڈ سیفٹی سیمینار منعقد کیا گیا، جس میں ڈپٹی کمشنر جہلم میر رضا اوزگن نے بطور مہمانِ خصوصی شرکت کی۔ سیمینار میں کم عمر ڈرائیونگ کی روک تھام، ٹریفک قوانین کی پابندی اور محفوظ سفر کی اہمیت اجاگر کی گئی۔ ریسکیو 1122 کی ٹیم نے ابتدائی طبی امداد اور حادثات کی صورت میں فوری اقدامات کے حوالے سے عملی مشق کا مظاہرہ کیا، جبکہ الیکٹرک اسکوٹیز استعمال کرنے والی بچیوں میں مفت ہیلمٹس بھی تقسیم کیے گئے۔ تقریب میں ڈائریکٹر جنرل پنجاب یونیورسٹی جہلم کیمپس ڈاکٹر مدثر غفور، صدر حمزہ بیگ ویلفیئر سوسائٹی توصیف بیگ، ڈسٹرکٹ ایمرجنسی آفیسر ریسکیو 1122 سعید احمد، ایڈیشنل اسسٹنٹ کمشنر جہلم محمد عبداللہ راجہ اور زیرِ تربیت اسسٹنٹ کمشنرز سمیت دیگر شرکاء نے شرکت کی۔ بعد ازاں، ڈپٹی کمشنر جہلم نے گرین جہلم، گرین پراجیکٹ کے تحت پودا لگا کر شجرکاری اور ماحولیاتی تحفظ کی اہمیت پر بھی زور دیا۔ اس موقع پر راشد میر فرینڈز آٹوز کے تعاون کو بھی سراہا گیا۔ یہ مشترکہ سرگرمی نوجوانوں میں روڈ سیفٹی کا شعور اجاگر کرنے، حادثات کی روک تھام اور سرسبز ماحول کے فروغ کی جانب ایک اہم قدم ہے۔ #RoadSafety #Rescue1122 #GreenJhelum #DistrictAdministrationJhelum

وزیرِ اعلیٰ پنجاب محترمہ مریم نواز شریف کی اوپن ڈور پالیسی کے تحت شہریوں کے مسائل، شکایات اور درخواستوں کی براہِ راست سنوائی کے لیے ڈپٹی کمشنر جہلم میر رضا اوزگن نے عوامی سماعت کی۔ شہریوں نے اپنے مسائل براہِ راست ڈپٹی کمشنر کے سامنے پیش کیے، جن پر متعلقہ محکموں کو قانون اور میرٹ کے مطابق بروقت کارروائی کی ہدایات جاری کی گئیں۔ ڈپٹی کمشنر نے شہریوں کو غیر ضروری انتظار اور بار بار دفاتر کے چکر لگوانے سے گریز کرتے ہوئے جائز معاملات مقررہ مدت میں حل کرنے پر زور دیا۔ انہوں نے واضح کیا کہ ضلعی انتظامیہ کے دروازے عوام کے لیے کھلے ہیں اور شہریوں کو بروقت ریلیف کی فراہمی یقینی بنائی جائے۔ #OpenDoorPolicy #PublicHearing #PublicRelief #GoodGovernance #DistrictAdministrationJhelum

ستھرا پنجاب ایجنسی جہلم کے پانچویں اجلاس کی صدارت ڈپٹی کمشنر جہلم میر رضا اوزگن نے کی، جس میں ضلع بھر میں صفائی آپریشنز، فیلڈ سرگرمیوں اور سروس ڈیلیوری کی کارکردگی کا جائزہ لیا گیا۔ ایڈیشنل ڈپٹی کمشنر میونسپل سروسز و منیجنگ ڈائریکٹر ستھرا پنجاب ایجنسی جہلم علیزہ ریحان نے جاری صفائی آپریشنز اور مجموعی کارکردگی پر تفصیلی بریفنگ دی۔ ڈپٹی کمشنر نے فیلڈ نگرانی مزید مؤثر بنانے، کوڑا کرکٹ کی بروقت تلفی، عوامی شکایات کے فوری ازالے اور ضلع بھر میں صفائی کا معیار برقرار رکھنے کی ہدایت کی۔ #SuthraPunjab #CleanJhelum #CleanPunjab #PublicService #DistrictAdministrationJhelum

کرپشن اور رشوت خوری کے خلاف ضلعی انتظامیہ جہلم کا زیرو ٹالرنس عزم!

Key highlights of the Day!

سموگ محض موسمی تبدیلی نہیں بلکہ ہماری غفلت اور ناخوشگوار عادتوں کا نتیجہ ہے۔ فضا کو آلودگی سے پاک بنانے کے لیے ستھرا پنجاب ایجنسی مسلسل کوشاں ہے۔ عوام سے اپیل ہے کہ کچرا، سوکھے پتے اور پلاسٹک جلانے سے مکمل پرہیز کریں اور گاڑیوں کی بروقت سروس یقینی بنائیں۔ سموگ کے دوران ماسک کا استعمال، پبلک ٹرانسپورٹ کی ترجیح اور شجرکاری ہی صاف ہوا کی ضامن ہیں۔ ستھرا پنجاب ایجنسی کے ساتھ مل کر اپنے ماحول کو صاف ستھرا بنائیں تاکہ آنے والی نسلیں صحت مند اور خوشگوار فضا میں سانس لے سکیں۔ کسی بھی شکایت یا مدد کے لیے ہیلپ لائن 1139 پر رابطہ کریں۔ #SuthraPunjab #StopSmog #CleanAir #GreenEnvironment #PublicHealth