تساؤلات

#تساؤلات | مشكلتي مدري فيني ضعف ولا أخلاق بزياده 💔 أنا تطلقت لظروف قاهره جدا جدا حتى الحيوان ما أرضى له العيشه اللي عشتها ومعاي أطفال صغار والحمدلله على كل حال المهم اخواني مدمنين وعاطلين عن العمل الله يرفع عنهم والوالد متوفي من زمان الحسنه الوحيده اني متوظفه والحمدلله قدرت استأجر شقه صغيره لي ولأطفالي فيه واحد زي المعقب مدري وش اسميه بصراحه المهم هو اللي توسط عند مكتب العقار ودفع عني عموله المكتب الاجار مو الاجار فقط العموله وسعى معي وانا ماعرفه أبدا بس اخذت رقمه لما كنت ابحث عن شقه ومو مقصر صراحه وقف معي وقفه دفع عموله العقار سوا لي بعض السباكة والكهرباء أشياء بسيطه بدون طلب مني أبدا المهم أنا سكنت الحمدلله واثثت بيتي من عندي وقمت بواجبي إلا أنه الان اشغلني ب الاتصالات يسئل وش ناقصنا ويحلفني اني مو محتاجة شي ومن هالامور المهم قلت له أنا ماقصرت ووقفاتك معنا عند ربي ما تضيع ومن هالكلام لكنه كل شوي يتصل يلمح يبي يتعرف مدري يتزوج ! يناس أنا في العده ومعي اطفالي ولا أفكر نهائيا ب الزواج ولاحتى ان عندي وقت للمكالمات هذه أبدا دوامي مآخذ وقتي وأطفالي مأخذين وقتي المهم ابي الحل معه ودي انه ما يتصل لكنه مخجلنا بوقفاته ولا ابي اسوي له حظر وصعبه أغير رقمي احتاج رقمي هذه ولا اعرف وش اسوي معه للامانه احس له جميل علينا بس ماتوقعت ذي اخرتها ماني عارفه وش اسوي معه طنشته بس يرسل يقول سلامتكم ماعاد لكم حس !! أنا بشوف وش ناقصكم ازعجنا ولا اعرف وش اسوي

#تساؤلات | هل طبيعي لما يكون عندي رغبه قويه وزوجي يتهرب اتركه وابحث عن زوج اخر؟ لان تعبت نفسياً من هذا الموضوع

#تساؤلات | انا ثاني سنه بكالوريس سلسلة الامدادات و الخدمات اللوجستية في كلية ينبع الصناعية التابعة للهيئة الملكية و افكر احول كهرب لان اشوف كثير يمدحون رواتبها رغم اني داخل تخصصي هذا عن رغبه هل تنصحني ولا

#تساؤلات | السلام عليكم انا متزوجه من سنتين وزوجي يشتغل بمدينه ثانية يحاول كل ويكند يجي نشوف بعض لكن دوم اهله ينكدون ويحاولون يعرفون كل شي حتى لو بنطلع وين بنروح وكذا، ما كنت اعلق واتجاهل لانه يومين وماشي. مع الوقت زادوا بقوه لما يجي يتهاوشون ماله داعي تروحلها وكذا ف تجاهلت بعد قلت خله كم اسبوع مشتاق لاهله يمكن وكذا كذا عدت، تعودوا وصار يسحبون منه كل كلمه نتكلمها وين اروح وشنو اسوي حتى وهو مو معي كل شي يخبرهم وخلال هالفتره حملت وصاروا ياخذو راتبه ويعطونه مصروف من راتبه بحجة بيشيلون له راتبه وحتى بالطفل ما خلوني افرح تعبت ورحت بيت اهلي و وقفت اتواصل معه بشكل تام لان عجزت منه وانا اشرح له ان غلط اللي يصير لكنه يشوفني معاديه لاهله وانا بالشهور الاخيره ومقرره الانفصال واهلي معي لكني خايفه بعد الولاده تزيد الطاقه السلبية تعبت وش تنصحوني

#تساؤلات | السلام عليكم انا والدتي متوفيه وكان اخي بار جدا فيها ومتعلق فيها والدي قاسي مع هاذا اخي اخي عانا من وراثة ضعف النظر نظرع ضعيف جدا بسبب الشبكية والاعصاب مايفيد نظاره معه وهو الان كبير لا وظيفة ولا زواج ووالدي ماوقف معاه وهو مو بيده وبس جالس بالبيت ووصل مرحلة اكتئاب وانا بنت مادري ايش اساعده فيه اقترحوا لي ؟

#تساؤلات | صباح الخير حابه اسال وش الادعية الي جربتوها ونفعت معكم زي ادعيه الرزق و الشفاء وادعيه للزواج أنا منفصله وابي اتزوج وأعف نفسي من صغري عندي خوف من المستقبل ومن فقدت ابوي الله يرحمه واهلي ماش سكنت مع اطفالي قمت اخاف مقدر اصرف واساعد أطفالي وضعي الحمدلله حلو ومرتاحه بس مشكلتي اخاف من المجهول وتعب وش علاج ذا المشكله

#تساؤلات | السلام عليكم، أنا خريج فيزياء عامة ولي 5 سنوات أبحث عن وظيفة، وتعبت من طول الانتظار، وأبغى أشتغل في أي مجال حلال أقدر أبدأ فيه وأعتمد على نفسي، بدل ما تمشي السنوات بدون إنجاز. وضعي المادي محدود جدًا، وأبغى نصيحتكم: وش مشروع بسيط أقدر أبدأ فيه برأس مال قليل أو حتى بدون رأس مال كبير؟ ويكون له طلب وممكن أتوسع فيه مع الوقت. أحتاج أفكار واقعية من أصحاب التجربة، والله يجزاكم خير

#تساؤلات | السلام عليكم ،، أول ماتخرجت من الجامعة خطبني شخص محترم جدا وفيه كل الصفات اللي تمنيتها وللأسف وقتها كنت صغيرة عمري ٢٣ وتوي متخرجة وتفكيري كله بالوظيفة رفضته بعذر مابغى البس نقاب وصراحة ماكان يفرق معي كلها قطعة قماش بس هذا كان شرطه وانا كنت ماخذتها تحدي والحين أنا لا تزوجت ولا توظفت والندم والتفكير ذبحني كل اللي حولي تزوجوا وخلفوا وانا قاعدة بنفس مكاني من ٢٠٢٢ دعيت كثير وصليت وتصدقت واعتمرت بس سبحان الله مو مكتوب لي لا وظيفة ولا زواج صارت تجيني تساؤلات ليش أنا عايشة ليش ما انهي حياتي وارتاح إذا تعرفون طبيب نفسي كويس اونلاين اكون شاكرة

#تساؤلات | السلام عليكم قدمت على مدرسة خاصة والراتب المعلن عنه ٤ الاف بس مشكلة المدارس الخاصة ان المديرة تطلبك خارج العقد انك تسلمينها نص الراتب كاش في حال المديرة سوت معي هالحركة اقدر أبلغ ؟ او كيف احصل على الوظيفة بدون ما تاخذ مني نص الراتب ؟ لانه اساسا قليل

#تساؤلات | توظف شخص في وزارة النقل بالدبلوم على رتبة مهندس، ثم أكمل البكالوريوس والماجستير، هل يصبح راتبه مثل راتب المهندس الذي توظف بالبكالوريوس من البدايه ؟

#تساؤلات | السلام عليكم ، انا دحين صحبتي عازمتني لفرح أختها و اخدت هديه ، سوالي الهديه المفروض لصحبتي الي عزمتي ولا لأختها العروسة ؟

#تساؤلات | السلام عليكم يجماعه أنا تعبت من الغضب على أشياء بسيطه دمي يفور ومشكلتي ما اطلع غضبي لا اكتمه داخلياً ، ترا شخصيتي مو كذا ابداً يعني ب الثانوي تقريباً قمه البرود فكل شي الحمدلله والله كانت نعمه بس مع الجامعه والضغوطات الحقيقيه خلاص الواحد على زنه يعصب ف ابغا حل هل التدوين يساعد؟ او افكار ثانيه وشكراً مقدماً🤍

#تساؤلات | السلام عليكم انا عندي صور و فيديوهات محذوفة من الاستوديو و حذفتها ايضا من المحذوف مؤخرًا و الصور هذي مو محفوظة فالايكلاود هل في اي طريقة عشان ارجعها ؟

#تساؤلات | انخطبت ومرتاحه نوعاً ما بشكل مبدئي بس شايله هم جسمي واسمرار الاندر ارم عندي والمنطقة الحساسه هو اكثر سبب يخليني افقد ثقتي بنفسي ممكن نصايح

#تساؤلات | السلام عليكم باختصار أنا اشتغل في مكان ومسويه عمليه برجلي ومقررين عمليه ثانيه ومديرنا جدا متعاون بحيث اي ثنتين سوا إذا خلص شغل أو كان خفيف تقدر الثانيه نص وقت الدوام تطلع والكل كذا ومستفيد وأنا عندي علاج طبيعي وعندي نادي ولو أبقى نهاية الدوام اكنسل النادي من التعب حاولت اكلم زميلتي الي معي رفضت بحجة تخاف جدا جدا من اي احد يجي ويحاسبها وتخسر مكانها عقلها مسكر ونظاميه جدا و المدير مايقدر يضغط عليها لان هذا النظام ومافي مكان اقدر أغيره الكل مرتاح بمكانه ولما سمعوا بغير مكاني الكل يقول لا تخربين وصفوا مع زميلتي لان اختلفت معها وصارت مشكله واحس صرت منبوذه بالقسم أنا كل مشكلتي وضعي الصحي ومحد يحس ومقدر مو مثلهم والحمدلله على كل حال وأنا لولا حاجتي ماهمني قلت اسأل لعل فيه حل لان مع الشغل زاد تعبي والف شكر لكم جزاكم الله خير

#تساؤلات | اكتشفت زوجي يراسل طليقته بالواتس بحجة الابناء بينما الرسايل اغلبها تودد لها وقلوب وورده حمراء ويحط فيسات وميانه واذا سولف من رقم عيالها يرد عليها ويمسح الرسايل عشان مااشوف وقفطته كم مره علما اني مطلقه وعندي اطفال ولا أتواصل مع طليقي احتراما له ابي فكره وكيد من النساء أعطيه عشان ينخرش ويوقف ميانه معها لان هو فاك الميانه معها ويكذب يقول أنا راسم حدود

#تساؤلات | السلام عليكم تكفى اسالهم بخصوص حسابي بتويتر عطلته ولعلي هالمره نسيت انه مر اكثر من شهر كيف ارجعه💔

#تساؤلات | السلام عليكم أبغى نصيحه عقلانيه وقانونيه، قريب زوجي مرسل له فيديو وهو مع بنت غريبه في بيته ف غياب زوجته، لا تقولون مسيار! المسيار ما بينشر صورها ! كتمت السالفه لي شهور رغم إنها مقطعه قلبي زوجته وفي نفس الوقت خايفه عليها يجيب لها بلاوي، حاولت اتناسى قلت أكيد هي عارفه لكن كل ما أشوفها أحس بتأنيب ضمير إني عارفه وساكته، فكرت أنصحه هو برساله لكن صعب علي وبرضو وش يضمن انه بيتوب وما يبتلي بنت الناس، يعني لازم أبلغها هي تنتبه لنفسها أو تتصرف بطريقتها لأنه من زمان ع ذا الحال، كيف أتصرف وهل لو أرسلت لها الفيديو أوبلغتها وجهاً لوجه يعتبر تخبيب ؟

#تساؤلات | السلام عليكم ورحمة الله اخواني احتاج محامي شاطر ومتمكن ،متخصص في قضايا التركات لديه مكتب محاماة،لعدة قضايا مضمونه بإذن الله لغاية انصاف مظلوم…

#تساؤلات | السلام عليكم انا وحده احب واحد وبينا علاقه طويله وجاء الوقت الي اعمارنا توتفقت في الزواج بس اهلي واهله بعيدين هو قبيله وانا من قبيله مااعرف كيف اقنع ابوي اهله موافقين بس اهلي ما اعرف ردة فعلهم💔💔💔💔