العود

النقاشات في تويتر ماعاد تجذبني معقوله هي الناس تافهه ولا انا عقلي انضج من 90٪ من اللي هنا؟

ياخي القصه الخاصه في السناب تصور فيها حاجات حصريه او حاجات ماتبي يشوفها الكل مثل السفريات وغيره لكن عندي صديق غريب كل سناباته برايفت ستوري وصوره عباره عن مطعم -كافي-ملاهي لورعانه ياخوان ارحمونا كذا تشوهون سمعه البرايفت ستوري وين السربته والهيصه

الشوارع زحمه والسيارات تلحق وراي والناس فوق بعضها كله عشان العود طالع لدوامه من الوصخ الي علم الناس موعد خروجي؟

لاجيت تقول السالفه قلها بأيجاز موب تجلس تمغمغ وتمطط الهرج ساعه وتقول اااااا ثم تكمل ولاتقول تفاصيل مالها علاقه بالسالفه وش علاقه ان الدينمو عندكم خربان في ان خدامتكم حبشيه ليش تضيع ٣ دقايق من وقتي وليش انا جالس اسولف في انتظار البنك مع ناس ماعرفهم استاهل هالنوعيه من السوالف

طاهره منسب فارقها باخلاقها عينها دعجا خشمها روماني وفمها ورده حمراء على هيئة فم ودك الحروف ماتطلع الا منه لكن عذروبه واحد انه جفول وياسرع ماجفاني

يابنت ياللي مالك اشباه ياللي مكاحلك سودا ورمشينك طوال و وجهك بشوش وحاجبك مسفهلي وخصرك نحيل وقدك أهيف وميّال و عنقك طويل ونافر ومستقلي وصدرك هنا فنجال وهناك فنجال

سابقا كنت انزل تغريده لحل المشاكل وغيره يجي خاص وكنت استهبل فيهاوحتى الي يجوني بالغالب يستهبلون لين مره جتني بنت من قو مشكلتها مارديت عليها ولا قبلت الريكوست وتبت انزل تغريده عطوني مشاكلكم من قوه مشكلتها جلست شايل همها اسبوعين وفوقها الي ذبحني اني عاجز عن المساعده .. اعوذ بالله

تويتر من تالي صاير مستفز تكتب تغريده 7 سطور عن راي مقتنع به وتبي الناس تناقشك اخرتها محد يرد و 700 لايك يعني معقوله رايي انا دايم صح وكل كلامي تتفقون معه ولا وش الله يقلع هاللايكات تضغطني

صباح الخير جميعا صباااح الاجواء الفنااااانه

بعد تجربه اغلب محاصيل القهوه من 2018 تقريبا الى وقتنا الحالي جربت كل شيء المغسول والمجففه والعسلي الخ وجميع الدول اقدر اقول افضل المحاصيل هي محاصيل اندونسيا وكوستاريكا لان اغلبها كلاسيك وماهي انفيوجن (اضافات نكهات مالها داعي) الاندونيسي رقم واحد

تدعي محبتها لوالدها وتشغلنا اذا اهدته هديه سياره او غيره ثم يجي مشهور يشتم ابوها وتقوم تدخل معه وتضحك وتذب وكل هذا عشان شوية مشاهدات المحبه ماهي هدايا وتصوير المحبه انك تذود عن اللي يشتم من تحب فمالك بالك ان كان المشتوم والدك انانيه على ضعافه على عقوق

طرّف الليل وانسام الهبايب هبايب ليت مسباحي خصلةٍ من شعرها

كـل حرف يثيرني لمن طلع من فمها حتى بسم الله على قلبك . . تعوّر قلبي

انا رجال ممتاز جدا في الاداره الماليه لحسابي لكن عندي مشكله وحيده اني مارد نفسي عن شيء اذا بغيت حاجه اشريها بألف ولا مليون ببدايه الشهر ولا اخره شاريه شاريه لكن الصدق ولا مره ندمت رغم ان هالتصرف خطأ لكن عجزت اوقف عنه

بعض العالم لاشاف تغريده ضاربه او مقطع ضارب تحكه ذنبته على الانتقاد ومخالفه العالم استفراد العضلات الكيبورديه ماراح يخلي الناس تشوفك معجزة زمانك ومثقف شبه الجزيره معاكسه التيار بكل موضوع ماراح تخيلك شخص متفرد انت مجرد شخص متسلق يتسلق بامراضه وعقده النفسيه على حساب اشخاص مادرو به

هامور سابق في تويتر اصبح محامي راح يعيب على محامي اخر يبث في التكتوك وان الظهور في البثوث مايليق بالمحاميين الخ اذا ماكان هذا حسد وش يسمى؟ سبحان الله كان هامور غثيث وصار محامي اغث القبول من الله

انا مامشي ورى المقفي ولو كان غالي بس هاذي لو تقفّي وراها وراها خلّها تعتبرها كبر ولا تعالي انا محظوظ حتى لو عطتني قفاها

قود مورننّق ومرحبا ياجمل أنسان وطا على وجه التراب وعرفتّه وهواريو وش لون ربعك والاخوان ياواحدً مايونصف لو وصفتّه