دريمي | المؤسس والشريك التقني لرواد الأعمال (@DreamyBuilders) header
دريمي | المؤسس والشريك التقني لرواد الأعمال (@DreamyBuilders) profile picture

الشريك التقني للشركات الناشئة في السعودية نبني منتجك، نشغّله، ونقوده معك في أي مرحلة كنت.. من الفكرة إلى شركة مستدامة @aljaiban

Saudi Arabia
Joined May 2023
كل منتج تقني يمر بأربع مراحل، وفي كل وحدة منها احتياجك التقني يتغير كامل بناء التقنية في شركة ناشئة ما هو مشروع له تاريخ تسليم وخلاص، هو رحلة ولها مراحل ومحطات، واللي تحتاجه في كل مرحلة يختلف تماماً عن اللي قبلها والمشكلة إن السوق يبيع مشاريع، تدفع مبلغ كبير مقدّم، وتنتظر شهور، وتستلم منتج بنطاق مقفل كل تعديل فيه بفاتورة، وبعدها تكتشف إن السوق يبغى شي ثاني، وترجع تبدأ من الصفر خل نشوف نفس الطريق، بس كمراحل 👇 ١. عندك فكرة تحتاج أسرع طريق لمنتج حقيقي تختبر فيه فكرتك، بدون ما تدفع ثمن منتج كامل قبل ما تتأكد إن أحد يحتاجه، وبدون نطاق مقفل كل تعديل فيه بفاتورة ← باقة ابنِ وتحقق، نبني منتجك ونطلقه ونشغّله، والتعديلات جزء من اشتراكك حتى تتحقق من فكرتك ٢. عندك منتج مبني سواء استلمته من جهة ثانية، أو بنيته بنفسك بمساعدة الذكاء الاصطناعي. تحتاج تجهّزه للإطلاق وتتأكد إنه يشتغل صح، وتحتاج أحد يستلم تشغيله وصيانته عنك، والأهم، مرونة تسمع فيها السوق وتعدل بسرعة على حسب اللي يطلبه ← باقة أطلق بثقة، نجهّز منتجك، نشغّله، ونطوّره عند طلبك ٣. عندك منتج مع مستخدمين فعليين في هذي المرحلة المسؤولية ووجود أحد يحمل القرارات التقنية جداً مهم، أنت تحتاج أكثر من تنفيذ، تحتاج شريك تقني يملك الجانب التقني معك ويتحمل نتيجته، يمثلك تقنياً قدام المستثمرين ويعطي ملفك مصداقية، ويكون الطرف التقني في أي شراكة أو تكامل تدخله ← الشراكة التقنية، نصير شريكك التقني ونتولى التقنية بالكامل ٤. عندك تمويل وتقنية معقدة، أو وصلت لإيراد يكفي لفريق داخلي هنا شركتك تحتاج القدرة التقنية تكون من داخلها. نخطط الهيكل التقني معك، ونبني الفريق، ونجيب لك قائد تقني (CTO) يشتغل تحت إشرافنا وتدريبنا، ونضبط العمليات والحوكمة، ونشغّلها معك ← فريق ونظام من داخل شركتك، نبنيه ونشرف عليه، ونضل شريكك التقني ندخل معك وين ما كنت، ونمشي معك الرحلة كاملة حتى النجاح! فريقنا اليوم يمتلك خبرة فوق الـ ٢٣ سنة وعمل مع أكثر من ١٢ شركة ناشئة ومئات المشاريع التقنية، منها من بدأنا معه من الفكرة، ووصل لفريقه التقني الخاص وتمويل يدعم نموه إذا شفت نفسك في وحدة من هالمراحل، وعندك طموح تبني شي يستمر ويكبر معك، تواصل معنا وخل نبنيه بالطريقة الصحيحة، تلقى رقمنا تحت 👇
3
8
51
4,882
مجلس الوزراء يقرّ أول نظام شامل لحماية المستهلك في السعودية، بغرامات تصل إلى 8 ملايين ريال وسجن حتى سنتين 👇 يحل النظام محل 3 أنظمة: مكافحة الغش التجاري، والتجارة الإلكترونية، والبيانات التجارية، ويبدأ تطبيقه بعد 180 يومًا من نشره في الجريدة الرسمية. أبرز ما تضمّنه النظام: • منع الإعلانات المضللة والتقييمات المزيفة • منع فرض رسوم إضافية على طريقة دفع معينة • إلغاء الشروط المجحفة في العقود • ضمان على المنتجات والخدمات المستعملة • السماح بالإعلان المقارن بشرط الموضوعية وعدم التضليل • صلاحية حجب المواقع المخالفة ليه هالوقت بالذات؟ التسوق انتقل من المحلات إلى المتاجر الإلكترونية بسرعة كبيرة: مبيعات التجارة الإلكترونية عبر بطاقات مدى وصلت 325 مليار ريال في 2025، بنمو 65% عن 2024! ومع هالنمو زادت الشكاوى، وزارة التجارة عالجت أكثر من 647 ألف بلاغ في 2025، والمتاجر الإلكترونية تتصدر البلاغات!
3
366
كيف شكل يوم المدير التقني؟ 🤔 🕘 9:00 الاجتماع اليومي مع الفريق (Stand-up)، عشر دقايق وهم واقفين: وش خلص أمس؟ وش شغل اليوم؟ وفيه شي معطّلكم؟ يلاحظ إن ميزة مهمة متأخرة، والمطور اللي عليها ما قدر يتقدم فيها. 🕤 9:30 المؤسس متفق على حملة تسويقية الشهر الجاي، ومتوقع تجيب آلاف المستخدمين دفعة وحدة. يراجع الهيكلة التقنية للنظام: هل بيتحمل هالضغط؟ ويعدّل التصميم من الحين، بدل ما يطيح النظام في أهم يوم. 🕥 10:30 يرجع للميزة المتأخرة، يجلس مع المطور ويكتب معه جزء من الكود بنفسه عشان يمشي الشغل، ويوضح له الطريقة الصح للمرات الجاية. 🕛 12:00 اجتماع مع المؤسس: يعرض له اللي انبنى فعليًا، ويتأكدون هل يطابق اللي يحتاجه البزنس. وهنا المفاجأة: المؤسس تكلم مع عملاء، والمتطلبات تغيّرت، وفيه أشياء لازم تنبني بشكل مختلف. 🕐 1:00 يدرس أثر التغيير أول: وش الأجزاء اللي بتتأثر في النظام؟ وكيف بيأثر على خطة العمل وموعد التسليم؟ ثم يرجع للمؤسس ويشرح له الصورة كاملة، ويقررون مع بعض. 🕑 2:00 اجتماع مع جهة حكومية للربط مع نظامها: وش متطلباتهم؟ وش معايير الأمان؟ وكيف يجهّز المنتج للربط من الحين بدل ما يكتشفها متأخر. 🕒 3:00 يحدّث الهندسة المعمارية بناءً على التغييرات، ويقسّم الدورة الجاية (أسبوعين عمل) لمهام واضحة، ويشرح للفريق وش بيتغير وليش. 🕓 4:00 يراجع الكود اللي سلّمه الفريق، ويتأكد إن الاختبار (QA) انعمل صح. يكتشف إن بعض الحالات ما تم اختبارها، فيرجع الشغل للفريق مع توجيه واضح. 🕔 5:00 آخر اليوم، يراجع استقرار النظام: الأداء، والتنبيهات، والأشياء الصغيرة اللي لو تراكمت صارت مشكلة كبيرة بعد ستة شهور. — وعشان كذا، المشروع التقني يحتاج قائد أو شريك تقني يتابع الفريق، ويراجع الشغل، ويتحمل مسؤولية الجانب التقني بالكامل. وأنت كمؤسس، تتعامل مع شخص واحد يشيل عنك كل هالتفاصيل، وتتفرغ لبزنسك. وهذا اللي تقدمه دريمي في القيادة والشراكة التقنية.
1
1
2
374
أبرز أخبار الشركات الناشئة في السعودية هالأسبوع 👇 1. أرامكو تكمّل استحواذها على 49% من هيوماين بقيمة تقارب 9.9 مليار ريال، وصندوق الاستثمارات العامة يحتفظ بـ51% 2. شركة CNTXT للحوسبة السحابية وخدمات البيانات في الرياض، وعندها أكثر من 400 عميل، تنضم لمجموعة هيوماين 3. سجلات الامتياز التجاري ترتفع 53% في أول 9 شهور من 2026، وتوصل لـ 6,484 سجل 4. هيئة السوق المالية تعتمد قواعدها الجديدة للطرح العام: دور أكبر لمتعهد التغطية، وإفصاح عن التوقعات لسنة على الأقل 5. سلة تتشارك مع شركة "صوت" الناشئة لإضافة قناة تواصل صوتية بالذكاء الاصطناعي لتجار المنصة ونلاحظ هالأسبوع إن الشركات الكبيرة تتوسع بالاستحواذ والشراكات بدل ما تبني من الصفر، لأنها بكذا تكسب منتج جاهز وقاعدة عملاء موجودة من أول يوم.
383
مقال يستاهل القراءة من احد مهندسي فريق Claude Code، طبعا Addy مهندس معروف اشتغل لسنوات في قيادة الهندسة في Google Chrome. فكرته باختصار: استخدم الذكاء الاصطناعي في التنفيذ قد ما تقدر، لكن انتبه من إنك تتحول بدون ما تحس من شخص يفوّض الشغل، لشخص يقبل اللي يطلع له بدون ما يراجعه! تقدر تفوّض الشغل، وحتى جزء كبير من المراجعة، لكن المسؤولية ما تنفوّض. وأي قرار نتيجته تمس غيرك، مثل وش تبني، وأثره على المستخدم، وهل هو جاهز للإطلاق، لازم يبقى تفكيرك فيه. وهذا اللي نكرره دايم: التنفيذ صار أسرع وأسهل من أي وقت، والقيمة الحقيقية انتقلت للحكم والقرار. ولهذا دور القيادة والشراكة التقنية اليوم أهم من قبل، لأن لازم فيه أحد مسؤول يتأكد من المخرجات اللي انبنت ويتحمل مسؤوليتها، وهذي بالمناسبة من أهم القيم اللي نضيفها في دريمي 👌 nitter.cf/addyosmani/status/2117…
1
2
292
التمويل في الربع الثالث هذي السنة يسجل نسبة أقل بـ ٦٣٪ من نفس الربع السنة الماضية، مسجلًا تباطؤًا واضحًا في تمويل الشركات الناشئة. وش يعني لك هذا كرائد أعمال؟ ممكن تشوف أخبار عن جولات بمئات الملايين وتقول: بالعكس، الاستثمار شغّال. لكن لو دققت فيها، بتلاحظ إن أغلبها رايح لشركات كبيرة ومثبتة، عندها إيرادات وأداء قوي، أو مدعومة من جهات كبرى، وأغلبها في التقنية المالية والذكاء الاصطناعي والبنية التحتية. يعني الأرقام الكبيرة ما تعكس الصورة كاملة. المستثمر اليوم، مع الضبابية الحالية، صار يختار الأقل مخاطرة، والمشاريع في بداياتها هي أول من يحس بهالتباطؤ. طيب، هل معناها إنك تفقد الأمل وتوقف؟ لا، بالعكس، هذي فرصة للبناء والتركيز بعيد عن الضجيج. هذا الوقت اللي تدوّر فيه على حلول ذكية وأقل تكلفة، بدون ما تعتمد بالكامل على التمويل. إذا ما بدأت للحين، ابدأ. وإذا كنت في نص مشوارك، فكّر بحلول إبداعية تخفف فيها تكاليفك وتطوّر فيها منتجك. وبكرة، أول ما ترجع السيولة للسوق، بيكون عندك منتج قوي شغال وأرقام حقيقية، وبتكون في أول قائمة المستثمرين. لذلك استمر في البناء ولا توقف، وفالك التوفيق 🌷
1
259
ما بدأت مشروعك التقني للحين؟ هذي أكثر القطاعات اللي عليها الطلب في السعودية اليوم 👇 بس قبل ما نشاركك القائمة، أول شي لازم تسأل نفسك: وش المجال اللي تعرفه من الداخل؟ ووش المشكلة اللي عشتها بنفسك؟ وهذي نصيحة Y Combinator الدائمة للمؤسسين: أفضل الأفكار تجي من مشاكل عشتها وتفهمها. إذا كان المجال اللي أنت خبير فيه من القطاعات المطلوبة حاليًا، فأنت في موقع ممتاز، ابدأ من هنا. ولو كان قطاعك ما عليه طلب كبير حاليًا، فعندك خيارين: إما تبني في قطاعك بغض النظر، وهذا الأفضل، أو تدوّر على شريك خبير في القطاع اللي تبي تبني فيه، وأنت تمسك جانب البزنس، وتدوّر على شريك تقني يمسك جانب التقنية. الحين نجي لأكثر القطاعات اللي يتدفق لها التمويل في الأشهر الأخيرة: - التقنية المالية: في سبتمبر وحده، حوالي 85% من تمويل الشركات الناشئة في المنطقة راح لها - الذكاء الاصطناعي: الطلب العالمي الأكبر، والدولة تستثمر فيه بقوة عبر هيوماين - القطاعات التقليدية اللي تنتظر التحول الرقمي: البناء (BRKZ جمعت 31 مليون دولار)، قطع غيار السيارات (أوتوبيا 12 مليون دولار)، والعقار (غانم 8.6 مليون دولار) ليش هالقطاعات بالذات؟ لأن وراها طلب حقيقي مدعوم من الحكومة وضمن رؤية 2030: مشاريع بناء ضخمة، سياحة وترفيه، وبنية تحتية رقمية. والذكاء الاصطناعي فوقها كطلب عالمي. بعض النصائح اللي بتفيدك قبل لا تبدأ: - كل ستارت أب يحتاج 3 أدوار: اللي يبني (التقني)، واللي يفهم المجال والمشكلة، واللي يبيع ويفاوض. اعرف وين مكانك، ودوّر على اللي يكمّلك. - لا تبني المنتج كامل من البداية: ابدأ بنموذج أولي يختبر فكرتك مع عملاء حقيقيين، بعدها ابنِ منتج أولي يغطي أهم الأساسيات، وطوّره حسب طلب السوق. - وإذا ما كنت تقني، دوّر على شريك تقني من اليوم الأول، مو بس مطور ينفذ. وهذا اللي نقدّمه في دريمي: شريك تقني يكبر معك ويفهم احتياجك، مو مجرد منفذ يسلّم ويمشي.
1
1
5
638
دريمي | المؤسس والشريك التقني لرواد الأعمال retweeted
القيادة التقنية من أكثر الأشياء اللي يهمّشها رواد الأعمال غير التقنيين، خصوصًا اللي ما عندهم خبرة سابقة في الستارت أبز التقنية. والمفارقة إنها أكثر شي يحتاجونه، وأكبر قيمة ممكن تضيفها لمشروعهم. واليوم مع الذكاء الاصطناعي، صار التنفيذ أسرع بكثير، وهذا خلّى دور القيادة التقنية أهم وأكثر محورية من أي وقت. المشكلة إن أكثر ناس يعرفون هذا الألم هم التقنيين، أو اللي عندهم تجربة سابقة في بناء ستارت أب تقنية. وكثير ممن يجونا عندهم خبرات سابقة في بناء منتج تقني أو ستارت أب، ويقولون لنا: "يا ليت عرفت عنكم من قبل". أما الشخص الجديد في المجال، فغالبًا ما يقدّر قيمة هذا الدور إلا بعد ما يجرّب ويشوف بنفسه. عشان كذا، إذا كنت توك بادي في ريادة الأعمال، نصيحتي: لا تهمّش هذا الدور، وخذه بالحسبان من البداية، سواء معنا في دريمي أو عن طريق أي حل ثاني. وإذا كنت فاهم أهميته وتبي تبني ستارت أب تقنية صح، فحيّاك، أنت بالضبط الشخص اللي نحب نشتغل معه 👏🔥
متى يحتاج مشروعك قيادة تقنية؟ لو عندك مطورين أو فريلانسرز يبنون مشروعك، هذي 6 علامات إنك تحتاج أحد يقود الجانب التقني معك: 1. كل قرار تقني يرجع لك، وأنت مو متأكد إنه الصح 2. ما تقدر تحكم إذا فريقك يبني الشي الصح ولا لا 3. المواعيد تتأخر وما تعرف السبب الحقيقي 4. كل ميزة جديدة تخرّب شي كان شغال 5. مستثمر سألك سؤال تقني وما كان عندك جواب واضح 6. مشروعك في قطاع منظّم أو فيه تكاملات كثيرة، وما عندك أحد يتولى هذا الجانب إذا انطبقت عليك 3 أو أكثر، فغالبًا مشروعك ما يحتاج مبرمج زيادة، يحتاج أحد يفكر معك ويتابع التنفيذ مع فريقك، عشان تتفرغ للي يهمّك. وهذي بالضبط الفجوة اللي نسدّها في دريمي: نتولى قيادة الجانب التقني، فتتعامل مع جهة وحدة مسؤولة عن التقنية بدل ما تتابع كل مطور لحالك، وأنت تركّز على النمو.
3
1
3
456
متى يحتاج مشروعك قيادة تقنية؟ لو عندك مطورين أو فريلانسرز يبنون مشروعك، هذي 6 علامات إنك تحتاج أحد يقود الجانب التقني معك: 1. كل قرار تقني يرجع لك، وأنت مو متأكد إنه الصح 2. ما تقدر تحكم إذا فريقك يبني الشي الصح ولا لا 3. المواعيد تتأخر وما تعرف السبب الحقيقي 4. كل ميزة جديدة تخرّب شي كان شغال 5. مستثمر سألك سؤال تقني وما كان عندك جواب واضح 6. مشروعك في قطاع منظّم أو فيه تكاملات كثيرة، وما عندك أحد يتولى هذا الجانب إذا انطبقت عليك 3 أو أكثر، فغالبًا مشروعك ما يحتاج مبرمج زيادة، يحتاج أحد يفكر معك ويتابع التنفيذ مع فريقك، عشان تتفرغ للي يهمّك. وهذي بالضبط الفجوة اللي نسدّها في دريمي: نتولى قيادة الجانب التقني، فتتعامل مع جهة وحدة مسؤولة عن التقنية بدل ما تتابع كل مطور لحالك، وأنت تركّز على النمو.
1
1
3
752
وش الأنظمة الأربعة الجديدة اللي أقرّها مجلس الوزراء للملكية الفكرية؟ 👇 أربعة أنظمة تغطي قطاعات مختلفة، بعد ما كانت مجموعة في نظام واحد: ١. براءات الاختراع ونماذج المنفعة لحماية الاختراعات والحلول التقنية الجديدة، ويهم أي شركة ناشئة تبني حل تقني مبتكر. ٢. التصاميم لحماية شكل المنتج ومظهره، ومتوافق مع معاهدة الرياض لقانون التصاميم، بهدف تبسيط إجراءات الحماية وتوحيدها مع الممارسات الدولية. ٣. حماية الأصناف النباتية الجديدة للقطاع الزراعي. ٤. التصميمات التخطيطية للدارات المتكاملة لصناعة الإلكترونيات وتصميم الشرائح. وحسب الهيئة السعودية للملكية الفكرية، الهدف رفع مستوى الحماية وتحفيز البحث والتطوير.
6
734
شركة @vrtxapp السعودية تغلق جولة Pre-Seed بـ٣.٦ مليون دولار، لتبني البنية التحتية للخدمات المالية داخل التطبيقات. ماذا تقدم Vrtx؟ - تتيح لأي شركة إضافة محفظة رقمية وبطاقات ومدفوعات داخل تطبيقها، بدون ما تبني نظام مدفوعات من الصفر. - تخدم شركات التقنية المالية والتوصيل والعمل الحر والرواتب وبرامج الولاء. - حصلت على موافقة مبدئية من البنك المركزي السعودي لرخصة مؤسسة نقود إلكترونية. أبرز المعلومات: - تأسست في ٢٠٢٥ على يد مشعل بن سليمة وعمر شعبان. - المؤسسان عملا سابقاً معاً في Tweeq، اللي استحوذت عليها تابي لاحقاً. تفاصيل الجولة: - بمشاركة @scventuresDNA الذراع الاستثماري لبنك Standard Chartered، و@SaduCapital وBYLD و@Suhail_ventures و@F6_Ventures وTAZ Investment و@Palmventuresco بعض الفوائد اللي ممكن نتعلمها: - بدل ما تنافس على التطبيق، ممكن تبني الأدوات اللي يحتاجها كل تطبيق، وتكسب مهما كان الفائز. - الخبرة داخل شركة في نفس المجال هي اللي تكشف لك الفجوة اللي ما يشوفها غيرك. - دخول ذراع استثماري لبنك عالمي من جولة Pre-Seed إشارة واضحة على اتجاه التمويل المدمج في السعودية. وش رأيك في هذا الخبر؟ وإذا عندك إضافة أو رأي، يسعدنا نسمعه في التعليقات.
1
6
778
١٣ شركة سعودية في قائمة Forbes الشرق الأوسط لأقوى ٥٠ شركة تقنية مالية لعام ٢٠٢٦. أبرزها: - تابي @paywithtabby، المركز الأول للسنة الثانية على التوالي - رسن @rasantechnology، المركز الخامس - فودكس @foodics، المركز السابع - ليندو @lendo_sa، المركز ١٢ واللافت إن فودكس بدأت كنظام لإدارة المطاعم، واليوم مكانها في قائمة شركات التقنية المالية. وش الشركة اللي تتوقع تدخل القائمة السنة الجاية؟
1
1
3
600
مهم جدا قبل ما تتعامل مع أي جهة لبناء منتجك، إنك تتأكد من الآتي 👇 - حسابات السيرفر والمتجر والدومين باسم شركتك - مستودع الكود باسم شركتك من اليوم الأول، وحقوق الملكية واضحة في العقد - التوثيق جزء من التسليم، مو خدمة إضافية - خطة تسليم واضحة لو انتهت العلاقة شفنا قصص كثيرة ونهايات مأساوية، مؤسسين يخلص شغلهم مع المطور ويكتشفون إن الكود ما هو باسمهم، أو إن التسليم ما تم بالطريقة الصحيحة! لذلك في دريمي نبني المنتج بالطريقة الصحيحة من أول يوم، الدومين والحسابات باسم شركتك، وملكية الكود واضحة من البداية.
1
1
394
وتكلمنا عن قرارات تقنية ثانية ممكن تأثر على جولتك هنا 👇 nitter.cf/DreamyBuilders/status/…
قرار تقني واحد أخذته من مدة وأنت ما تدري، قد يكلفك جولة تمويل كاملة! تخيل: قدمت عرض رائع، والمستثمر متحمس. ولما وصلتوا لمرحلة الفحص النافي للجهالة، يكتشف إن الكود مش مملوك للشركة رسمياً — والصفقة تتعطل! هذا السيناريو يصير أكثر مما تتوقع. كثير من المؤسسين يركزون على القصة والعرض، ويغفلون عن الفحص — وأحد أهم ما يتفحص: أصولك التقنية. أربعة قرارات تقنية ممكن تفركش صفقتك: → مين يملك الكود؟ لو ما فيه نقل ملكية رسمي من اللي بناه، أنت ما تملكه → منتجك مجرد واجهة مربوطة بـ AI بدون أساس (wrapper)؟ أي منافس ينسخك بسرعة → البنية تتحمل النمو؟ أساس ضعيف = شك في قدرتك على التوسع → الأمان والامتثال؟ غياب الأساسيات = خطر مباشر على الاستثمار هذي القرارات تنوخذ من البداية، ولما يجي الفحص يكون فات الأوان... بالنهاية، الصفقة ما يحسمها العرض — بل الأساس اللي بنيت عليه!
120
شركة @autobia_sa السعودية تغلق جولة بـ١٢ مليون دولار، في سوق ضخم ما زال يعتمد على الجوال والواتساب: قطع غيار السيارات. ماذا تقدم أوتوبيا؟ - تطبيق يطلب منه محل قطع الغيار أو الورشة بضاعتهم بسعر الجملة، من موردين موثوقين وبسعر فوري. - توصّل الطلب للمحل من مراكز تخزين خاصة فيها. - تتيح للتاجر شراء مخزونه الآن والدفع على أقساط. - تتيح للتاجر استقبال دفعات عملائه عبر مزودي دفع مرخصين وخدمات "اشترِ الآن وادفع لاحقاً". أبرز أرقامها: - تأسست في ٢٠٢١ على يد عماد دغريري @daghreri وأحمد العوفي. - باعت أكثر من ٥ ملايين قطعة، بعد أن كانت مليون قطعة في ٢٠٢٣. - تخدم أكثر من ١٠٠ مدينة وتوفر أكثر من ١٦٠ علامة تجارية. تفاصيل الجولة: - جولة Series A بقيمة ٤٥ مليون ريال، بقيادة @Artalcapital وبمشاركة @aljaziracapital و@Waed_Ventures - يُوجَّه التمويل للتوسع داخل المملكة، وتطوير الخدمات اللوجستية والتخزين، وتقنية التسعير، وحلول تمويل المخزون. قبل شهر كتبنا عن BRKZ في مواد البناء، واليوم نفس النمط يتكرر في قطع الغيار: - السوق ما يحتاج يكون لامع، يحتاج يكون كبير وما زال يشتغل بالطريقة القديمة. - المنتج مو التطبيق بس، المنتج هو التشغيل اللي وراه: التوصيل والمخزون والتسعير. - لما تمسك عملية الشراء كاملة، تقدر تموّل التاجر، وهنا يصير الربح الحقيقي. - @Waed_Ventures دخلت معهم من جولة البذرة في ٢٠٢٣ ورجعت في الـ Series A، وهذي أقوى إشارة ثقة ممكن يعطيها مستثمر. وش رأيك في هذا الخبر؟ وإذا عندك إضافة أو رأي، يسعدنا نسمعه في التعليقات.
2
5
14
1,632
نظام دفع بنته نون لنفسها في 2016… اليوم صار صفقة استحواذ. @neopayme وقّعت اتفاقية نهائية للاستحواذ على 65% من noon Payments، ذراع المدفوعات في @noon القصة باختصار: - بدأت noon Payments في 2016 كنظام مدفوعات داخلي لنون - اليوم تخدم تجار في السعودية والإمارات ومصر - أعمال نون في التجارة الإلكترونية ما تتأثر بالصفقة - قيمة الصفقة ما أُعلنت، وهي بانتظار موافقة الجهات التنظيمية بعض الفوائد اللي ممكن نتعلمها: - التقنية اللي تبنيها داخل شركتك أصل دايماً، مو مجرد تكلفة تستنزف فلوسك. - الاستخدام اليومي المكثف هو اللي ينضّج النظام، ونون استخدمته داخل واحد من أكبر المتاجر الإلكترونية في المنطقة. - لما يصير النظام قوي بما يكفي، تصير له قيمة مستقلة عن الشركة الأم. - الـ exit مو دايماً بيع الشركة كاملة، أحياناً تبيع جزء بنيته وتكمل في عملك الأساسي. وش النظام اللي تبنيه اليوم داخل شركتك، وممكن يصير منتج بذاته؟
1
385
حاضنة، مسرعة، ولا Venture Studio؟ أيش الفرق بينهم، وأيهم يناسب مرحلتك؟ 👇 🌱 الحاضنة المرحلة المناسبة: عندك فكرة أو نموذج أولي ماذا تقدم: توجيه وتدريب ومساحة عمل، لين توصل لمنتج أولي بنموذج عمل واضح المدة: غالباً برنامج من ستة أشهر إلى سنة المقابل: غالباً بدون حصة مثال: حاضنة الكراج @TheGarageKSA 🚀 المسرعة المرحلة المناسبة: منتجك شغّال وعندك مستخدمين أو مبيعات ماذا تقدم: برنامج مكثف مع دفعة من الشركات، وتوجيه ووصول للمستثمرين، وينتهي غالباً بيوم عرض (Demo Day) المدة: غالباً برنامج ثلاثة أشهر المقابل: بعضها يستثمر مقابل حصة، وبعضها بدون مثال: مسرعة سنابل بواسطة @500GlobalVC ومسرعة مسك @MiskEntrep 🏗️ الـ Venture Studio المرحلة المناسبة: ما تحتاج تجي بفكرة، الفكرة تطلع من الاستوديو نفسه وهو اللي يتحقق منها ماذا يقدم: يبني الشركة بفريقه، ويجيب مؤسس من برا يقودها المدة: علاقة طويلة الأمد، من قبل ما تتأسس الشركة المقابل: الاستوديو ياخذ غالباً الحصة الأكبر 🤝 الشريك التقني المؤسس المرحلة المناسبة: الفكرة فكرتك وأنت مؤمن فيها وتقودها، سواء كانت فكرة أو منتج شغّال ماذا يقدم: يدخل معك شريك ويشيل الجانب التقني كامل، ويبدأ معك من المرحلة اللي أنت واصل لها المدة: شراكة، مو برنامج له تاريخ نهاية المقابل: حصة في الشركة وهذا النموذج اللي نشتغل فيه في دريمي باختصار، الحاضنة تجهزك، والمسرعة تسرّعك، والـ Venture Studio يبني شركته ويدور مين يقودها، والشريك التقني يبني معك شركتك وقبل ما تقدّم على أي وحدة منها، حدد مرحلتك أول، وبعدها اختر اللي يناسبها أنت في أي مرحلة اليوم؟ 👇 #ريادة_أعمال #شركات_ناشئة #مسرعات_أعمال #تقنية
1
7
51
3,160
صندوق بمليار ريال لسكن ٥٠ ألف عامل في السعودية، والمشغّل الحصري له شركة ناشئة عمرها سنتين 👇 نبذة عن الشركة: منزل @UseMnzil شركة سعودية تأسست في ٢٠٢٤ على يد عبدالمجيد البابطين @MajeedSucks وعبدالرحمن الشايع، وتحل مشكلة السكن والمعيشة للشركات اللي عندها عمالة ميدانية بحيث توفر للشركات سكن جاهز لعمالتها مع التشغيل والنقل والتموين، وتدير كل هذا عن طريق منصتها التقنية أرقامها: 🏠 أكثر من ٣٠ ألف عامل ساكن عندها 🏢 أكثر من ٢٥٠ شركة عميلة، منها أمازون ونون ونستله وماكدونالدز وأمريكانا 📍 أكثر من ٣٠ مدينة في السعودية 💰 جولة Series A بقرابة ٤٤ مليون ريال في نوفمبر ٢٠٢٥ بقيادة @foundersfund الأمريكي وبمشاركة @COTUVentures، في أول استثمار يقوده Founders Fund في السعودية الخبر: أعلنت منزل هذا الأسبوع عن صندوق عقاري بحجم مستهدف مليار ريال، يبني مجمعات سكنية للعاملين في الرياض وجدة والدمام والخبر ومكة المكرمة والمدينة المنورة، بطاقة تصل إلى ٥٠ ألف سرير، ويبدأ التطوير في الربع الرابع من ٢٠٢٦ والأدوار موزعة على ثلاث جهات: 🏦 كابيتال بارتنرز تدير الصندوق 🏗️ مجموعة @TDGKSA تختار المواقع وتصمم وتطور ⚙️ منزل تشغّل كل اللي يبنيه الصندوق، بالتقنية والتشغيل وقبلها بأسبوعين شفنا نفس النمط مع ريلا @try_rela، دخلت معها شركة يزيد الراجحي وإخوانه القابضة شريك استراتيجي، وبعدها بيوم أعلنت شراكة مع ساتكو يعني الشركة الناشئة تجيب التقنية والتشغيل، ورأس المال الثقيل يجي من شريك عنده القدرة المالية، وبهالطريقة شركة عمرها سنتين تدخل سوق ضخم بحجم العقار واللي يلفت النظر إن الشركات الناشئة المحلية صار لها دور أكبر في مشاريع البنية التحتية والمشاريع الكبيرة، دور كان غالباً محصور على الشركات الكبيرة، ولكن اليوم وبجهود حكومتنا الرشيدة صار المجال مفتوح للشركات الناشئة للمساهمة بشكل أكبر في مثل هذي القطاعات سكن العاملين قطاع ما كان أحد يلتفت له، واليوم صار فيه صناديق بالمليارات! كل التوفيق لفريق منزل 🇸🇦 #ريادة_أعمال #شركات_ناشئة #السعودية #عقار
3
1,048
لو منتجك شغّال وعندك مستخدمين وتبي تسرّع نموك، هذي ثماني مسرعات أعمال نشطة فعلياً في السعودية هذي الفترة 👇 🏢 الكراج @TheGarageKSA مبادرة من وزارة الاتصالات وتقنية المعلومات ومدينة الملك عبدالعزيز للعلوم والتقنية، انطلق ٢٠٢٢ في الرياض مسرعته اليوم في نسختها العاشرة، وخرّجت أكثر من ٢٠٠ شركة بتقييمات تتجاوز ٣.٧ مليار ريال وميزته إن الكراج نفسه يحتضن برامج ومسرعات ثانية، يعني تلقى جزء كبير من المنظومة تحت سقف واحد 🏛️ مسرعة سنابل بواسطة @500GlobalVC شراكة بين سنابل للاستثمار (التابعة لصندوق الاستثمارات العامة) و500 جلوبال، مقرها الرياض ومفتوحة لكل منطقة الشرق الأوسط دفعتها الحادية عشرة اختارت ثماني شركات فقط من أكثر من ٦٩٠ طلب تستثمر فيك مقابل حصة، والميزة إنك تدخل شبكة 500 جلوبال اللي دعمت أكثر من ٣ آلاف شركة، منها أكثر من ٣٥ يونيكورن 🎓 مسرعة تقدّم من @KAUSTStartups من جامعة الملك عبدالله للعلوم والتقنية (كاوست) بالشراكة مع البنك السعودي الأول، انطلقت ٢٠١٦ دعمت ٢٩٠ شركة، وجمعت الشركات اللي مرّت فيها ٤٥٩ مليون دولار تعطيك ٤٠ ألف دولار بدون حصة، وأفضل عشر شركات في الدفعة تاخذ ١٠٠ ألف إضافية 📡 @inspireU_stc مسرعة stc، انطلقت ٢٠١٥ وهي أقدم وحدة في القائمة الشركات اللي مرّت فيها جمعت أكثر من ١٨٦ مليون دولار بدون حصة، ووراها مجموعة stc بكل ثقلها 💡 مسرعة مسك @MiskEntrep من مؤسسة مسك، انطلقت ٢٠١٩ دعمت أكثر من ١٣٠ شركة ناشئة، تجاوزت قيمتها مجتمعة ١.٢ مليار ريال ثلاثة أشهر بدون أي حصة، وموجهة للشركات التقنية في مرحلة الـ Seed 📈 مسرعة فلك الرئيسية @Falak_Hub خرّجت أربع دفعات وأكثر من ٣٠ شركة، وأطلقت قبل أيام نسختها الجديدة 3X Flagship بدعم @ntdpsa واختارت ثماني شركات، وتستثمر لين ٣٧٥ ألف ريال بس شرطها إن الذكاء الاصطناعي يكون جوهر منتجك مو ميزة إضافية فيه، فجهّز نفسك للدفعة الجاية 🌸 مسرعة بلوسم @BlossomAccel أسستها إيمان شكور في ٢٠١٧، وهي أول مسرعة في السعودية تركز على رائدات الأعمال والشمول التقني برنامجها الأخير مع TikTok يقدم منح لين ٦٠ ألف دولار، وشركات دفعته الأولى جمعت أكثر من ١٤ مليون دولار ما تاخذ حصة، ودورها إنها تجهزك وتوصلك بالمستثمرين 🌍 @AntlerGlobal وهذي مختلفة عن الباقي، برنامج إقامة عشرة أسابيع في الرياض ودبي، ويستثمرون لين ٥٠٠ ألف دولار والأهم إنهم يقبلونك حتى لو ما عندك شريك ولا فكرة، ويساعدونك تلقى شريكك المؤسس من داخل البرنامج وقبل ما تقدّم على أي وحدة منها، اسأل نفسك سؤال واحد أيش الشي اللي بيتغيّر في شركتك بعد ثلاثة أشهر من البرنامج؟ لو ما عندك جواب واضح، حدد هدف محدد وواضح عشان تطلع بأكبر قيمة وإذا تعرف مسرعة نشطة ما ذكرناها، شاركنا إياها في التعليقات 👇 #ريادة_أعمال #شركات_ناشئة #مسرعات_أعمال #تقنية
24
208
15,452
إذا عندك مشروع في التعليم أو تفكر تدخله، هذا الأسبوع لك 👇 📅 أسبوع التعليم من منشآت | 27 سبتمبر – 1 أكتوبر 📍 في 8 مدن: الرياض، جدة، الخبر، المدينة، عسير، ينبع، القصيم، الأحساء لمين؟ رواد الأعمال وأصحاب المنشآت في قطاع التعليم يشمل: ▪️ 15 جلسة عن فرص الاستثمار واتجاهات القطاع ▪️ أكثر من 50 لقاء مع جهات حكومية وجامعات وشركات ▪️ تواصل مباشر مع وزارة التعليم، وزارة الاستثمار، هيئة تقويم التعليم، والمركز الوطني للتعليم الإلكتروني
2
1,473
الاستثمار الجريء بالسعودية بأقل من ٧ سنوات من ٦٥ مليون دولار إلى ١.٧٢ مليار دولار (٢٦x) وغيرها من الأرقام اللي نفخر فيها 👇 في اليوم الوطني، حبينا نشارك نظرة سريعة على التغييرات في قطاع التقنية من انطلاق الرؤية في عام ٢٠١٦ إلى اليوم 🇸🇦 💰 الاستثمار الجريء من ٦٥ مليون دولار إلى ١.٧٢ مليار، والسعودية الأولى في المنطقة للسنة الثالثة على التوالي 👩‍💻 المرأة في التقنية من ٧٪ في ٢٠١٧ إلى ٣٥٪ اليوم، خمسة أضعاف 📈 سوق تقنية المعلومات من ١١.٥ مليار دولار إلى ٣٠.٨ مليار 🦄 الشركات المليارية (اليونيكورن) من صفر إلى ثمان شركات 👨‍💻 الكفاءات التقنية أكثر من ٤١١ ألف متخصص تقني اليوم بالإضافة إلى العديد من الجهات اللي يعتمد عليها المؤسس اليوم ما كانت موجودة قبل أقل من عشر سنوات مثل منشآت @MonshaatSA، الشركة السعودية للاستثمار الجريء @SVC_SA، سدايا @SDAIA_SA، أكاديمية طويق @TuwaiqAcademy، البرنامج الوطني لتنمية تقنية المعلومات @ntdpsa وغيرها الكثير زمان المؤسس اللي عنده فكرة تقنية كان يبدأ من الصفر، بدون تمويل ولا برامج ولا أحد يفهم وش يسوي! اليوم رائد الأعمال ما يضيع كل الدعم صار موجود واصبح عندنا منظومة كل يوم جالس تنضج اكثر واكثر وهذا بفضل الله وبدعم حكومتنا الرشيدة 🙏 كل عام والوطن بخير 🇸🇦 #اليوم_الوطني_السعودي_96 #عزنا_بطبعنا #اليوم_الوطني #ريادة_أعمال
2
3
566