فضفضة

🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه تقدم لي رجل ذو مكانة عاليه جداً ورجل صالح كنت متردده في الموافقه عليه بسبب ظروف خاصة وبعد فترة طويلة من التفكير قرابة الأربع شهور قررت اوافق عليه وفي يوم النظرة الشرعية جاءت اختي واعطتني معلومات من مصدر مجهول لم تذكره لي بان الرجل ليس كم ظاهره وانما باطنه اسوء بكثير مما أتصوره ولا اعرف صحة هذا الكلام ربما حقيقة او ظلم لكن زعلت زعل شديد على اختي لانها لم تتكلم وتوضح لي الامور من قبل اوافق عليه ويكون عندي فرصة ابحث عن الحقيقه وهي تقول هذي جزاة اللي ينصحك نصيحتها اتقبلها بكل صدر رحب لكن توقيتها سيء جداً بحكم ان عندها خبر في الخطبه من اشهر لماذا لم تتحدث معي من قبل لماذا احرجتني انا واهلي بالخاطب واهله في هذا اليوم بالتحديد هل معي حق في الزعل عليها او اني بالغت بالموضوع.

#فضفضه موظفه وراتبي ٩ الف ريال اقدر اخذ قرض او استثمر واخذ عقار لي بالرياض خصوصاً الغلاء مخيف شقتي وحدها ب ٤ الف لانها قريبه من دوامي شوروا علي

#فضفضه اذا رحت لاهلي زوجي يهملني مايتواصل معي ولايهتم لو اقعد اسبوع مايشتاق مايتصل وحنا تونا متزوجين مالنا الا اشهر لازم انا اسال ولما اناقشه عذره دايم انا ماعرف اعبر ولا اعرف ابادر حتى المصروف مايحول لين اكلمه ولايمكن يحول اكثر من ٥٠٠ ولاتكفي ابد حتى دبلة الزواج من تزوجنا ماعمره لبسها كل ما اناقشه يتعذر كيف شكلي بالاستراحة عند العيال، موضوع الاستراحة بداية الزواج بشكل اسبوعي يجيها مرتين من ثاني شهر زواج صار شبه يومي ولايرجع الا الفجر تعبت افكر واراجع نفسي هل هذا الشخص مناسب للمسوولية والاطفال بعدين او لا ارجوكم وجهوني لاني تعبت.

#فضفضه هل طبيعي انخطب للمره الخامسه واحس بضيق وخوف مو طبيعي وأتمنى هم يرفضوني مع اني حابه الزواج واكون أسره علما بأن ٤ هم اللي رفضوني.

#فضفضه هل طبيعي اخلي زواجي مافيه موسيقى واغاني وبدون رقص رغم اني شخص الحمدلله ربي رازقني بخير ؟

#فضفضه احنا ٣ خوات انفصلوا اهلنا من ٦ سنوات بالتراضي عايشين مع امنا انا تخرجت العام والان اتدرب بمكتب، اختي الوسطى دخلتها امي جامعة خاصة، واختي الثالثة بالثانوي امي من عائلة ثرية جداً وابوي بعد مو مقصر معنا تزوج وزوجته حالها حال نفسها لما نزوره اختي الوسطى تغيرت جذرياً من دخلت الجامعة لان قوانينهم مو صارمة وكثرت خرجاتها لين راقبتها وشفتها في مقهى مع واحد وكاشفة شعرها واجهتها وقلت بعلم امي وابوي وعدتني وبكت لكن المشكلة انها تحول له فلوس من فترة لفترة حتى مرة حولت من حسابي على انه اخو صديقتها والله لو يعرفون اهلي بيذبحونها، السؤال كيف نقدر نشتكي عليه بسرية تامة مع العلم اكيد ماسك عليها صور ومحادثات والخ وهل اقدر اقدم البلاغ انا وهل لازم يشوفون جوالها ولا بس تقدم وهي تعرف اسمه ووظيفته واظن رقم هويته ساعدونا الله يستر عليكم.

#فضفضه متخاصمين أنا وزوجي وكنت محتاجه مصروف طلبته قلي أنتي شحاذه وهو معصب مر وقت طويل من لما قالها لي بس لين الحين مو قادره أنساها أوجعتني.

#فضفضه كل ماشفت وجهي مع الجنب تهتز ثقتي بنفسي مره غريب مافيه خط فك ومتراجع وما عندي القدره أبداً اني اسوي فيلر او عمليه وكل ماتذكر اني مخطوبه يضيق صدري مدري شلون راح يتقبلني اذا انا مو متقبله شكلي أحتاج رأيكم.

#فضفضه عمري 27 وفي اي وقت ممكن يجي الشخص المنشود واتزوج بس متفشله من ابوي مره ابوي متزوج وعايش عند زوجته ولا يعرف عننا شيء وكل ماوحده من خواتي تزوجت فضحها عند زوجها انها نجسه ووسخه ويعطيه نصايح تخرب بيت اختي ويحرض على الخيانه على اختي وكل ماصارت مشكلة ووصلت له يقول لزوج اختي هذي ارميها بالبيت هنا وطلقها وخليها مركونه وكلامه علينا جدا سيء وكلامه على امي جدا سيء وانا مستحيه اقول ان ابوي كذاب وهالكلام يقول من فراغ ولا له صحه ولاتهمه مصلحتنا ولايحبنا أصلاً افيدوني الله يخليكم ويشهد الله انها مشكلة حقيقيه وفيه مواقف كثير بس عشان ماتطول التغريده.

#فضفضه موظفة قطاع خاص براتب حدود ٤٠٠٠ شايلة كل التزاماتي بنفسي من فلوسي عمري فوق 40 غير متزوجة وكمان بسببهم عزلوني ماطلع الا لدوامي بس حتى اقاربنا نكدوا علي في الطلعات لهم لما صرت ارفض اروح عشان الناس مايشوفون نكدهم علي ابوي واخواني نرجسين يبغون اساعدهم في كل شغل يسونه في البيت مناصفة وهم رواتبهم جميعاً تجاوزت العشره وأكثر كلمت أبوي ماينفع معه صاف معهم وعاجبه حركتهم وهو أصلاً نرجسي اذاني بحياتي كثير وسبب اذيه لاخواني لكن انتهت بالنسبه لهم لان توظفوا وكبروا وصار اقوى منهم وصاروا زيه يفترون علي (بدون سبب مني) الان صاروا يطلبون يكتبون سيارات باسمي ولما رفضت حرضوا ابوي علي وصار يسبني ويقذفني ويجبرني اكتب باسمي انا صراحة استسلمت ولا اقدر اروح واطلع من البيت ماعندي قدرة مالية السيارة بس باسمي وهم مفوضين بها ايش الحل معهم غير المحاكم والعنف الاسري والحماية كيف احمي نفسي منهم لأن مضطرة اجلس مع امي كبيرة عمر.

#فضفضه زوجي انسان طيب وله مواقف في حياتي لكن وقت يكون راضي وفرحان يكون تمام وقت الفرح والاعياد والمناسبات يقلب شي ثاني ويسب ونكدي ويزعل اسبوع الى ١٠ ايام ونفس الوضع وقت المناسبات المهمه عندي يسوي كذا وانا تعبت واطفالي تعبو وجاني هلع وقلق واجلس طول الايام هذي خايفه من المشاكل والقلق وتعبت مررره احتاج احد يوجهني تكفون.

#فضفضه وظيفتي مختلطه لي3 سنوات غير متزوجه وعمري ف منتصف ال30 الحمدلله خلال هالسنوات محد يعرف حتى صوتي غير بعض الزميلات انا مع الجنس الاخر لاسلام لاكلام صم بكم صنم يتحرك اذا طلبوا مني مهام سويتها وانتهى يومي كله يخلص وانا يمكن بس قلت جملتين صح ان هالوضع متعبني شوي وأحياناً اقعد اصيح لاني وحيده وانا اصلاً انسانه هاديه وذبحني الخجل والحياء خاصه مع الجنس الاخر لو قلت كلمتين تلعثمت وكلهم يسولفون مع بعضهم والحمدلله ماشفت من شبابنا السعوديين الا كل احترام والاحترام يصير اكبر اذا البنت ساتره نفسها لبس وشكل وافعال وحركات وكلام مؤدب والاهم اذا البنت منقبه تحترم النقاب مو تسلك لنفسها بنقابها ولبسها وفعلها ضد النقاب حتى مع البنات ماحب اضحك واسولف بصوت مسموع وملفت احس عيب وقبله حرام فيه موظف جديد هو عشريني محترم مايسولف مع البنات عكس اصحابه لكن شكل الصاحب ساحب وصار يسولف مع الزميلات وشفته مره جاب لوحده قهوه هي قالت ودي بقهوه وماشفت منه اي شيء غير محترم الا انه يقعد يراقبني بعيونه وين ما اروح واحسه يدور علي ويلاحقني بالمكان انا زي ما انا ما سويت اي شيء يقلل من ادبي وحيائي وديني لانظر لاكلام اصلاً ولايكلمني ولايطلب مني اي مهام عكس غيره اذا فيه شغل يكلموني عليه انا بيني وبين نفسي احس عطاني شعور جديد حرك مشاعر ماتحركت وانا في مراهقتي صرت اتحمس للدوام هذا الشخص وش وضعه صح اني كبيره ماشاء الله لكن والله خبرتي بذي الامور صفر لكن شكلها مراهقه متأخره بما انه صاير يشغل تفكيري او انها عواقب العنوسه.

#فضفضه وش الحل مع الشخص اللي يبادلك النظرات بشكل مستمر وفترة طويلة والنظرات مستمرة بدون كلام فقط نظرات وودي يكون فيه تواصل اكثر ولكن ماعرف كيف اسوي ابغى تصرف سليم بدون ماسبب مشاكل كيف الطريقة تكفون ؟

#فضفضه كنت مملكه لمدة شهر ونص وماستلمت مهري والزوج قرر الانفصال مو انا، جلسنا لحالنا لمدة دقايق بس بعد عقد القران ماطولنا أبداً وماجلسنا لحالنا بعدها، سؤالي هل حقيقي لي نصف المهر وكيف اقدر اطالب فيه هل بالجلسه الجايه بناجز ولا يكون كلام بين الاهل سألت ناس كثير والأغلب قال انه لي نص المهر وابي اتاكد بس ؟

#فضفضه شرايكم باللي يقول بالخطبه فقط زواج رجال عندنا وانا من امنياتي احتفل بين اهلي وصديقاتي تحسون ممكن يكون بخيل او مستخسر خاصه من بدايتها يتشرط ؟

#فضفضه موقف صار لي لين الحين مو مستوعبه متزوجة من سنة ونص وزوجي عنده عادة غريبة كل ماطلبنا من مطعم يطلب وجبة زيادة ويقول هذي لواحد محتاج وكنت أشوفه شي حلو وأحياناً أزيد معه من عندي قبل أسبوع كنا طالعين وطلبنا من مطعم وقال لي انتظريني بالسيارة بروح أوصل الوجبة وتأخر شوي يوم رجع سألته وين وديتها قال للعامل اللي عند المحطة بعدها بيومين كنت عند أهله وأسولف مع أخته وجبت طاري إنه دايم يتصدق بالأكل ضحكت وقالت للحين يسويها قلت وش قصدك قالت هذا من زمان كل ماطلب أكل يطلب زيادة عشان ياكلها بالليل بدون ما أحد يدري لأنه مستحي من كثر ماياكل أنا انصدمت مو من الأكل من إني طول هالمدة أحسبه يتصدق وأحياناً أدفع قيمة الوجبة من جيبي واجهته وقال لي إيه صحيح بس ماكنت أبيك تعرفين إني آكل مرتين ويقول إني مكبرة الموضوع وإنه ما طلب مني أدفع الحين كل ما أشوفه ياكل أتذكر الموضوع وأضحك وهو زعلان مني ويقول جرحتيني هل أنا غلطانة إني ضحكت ولا هو اللي مصعد الموضوع بشكل غير مبرر ؟

#فضفضه سويت تحاليل شامله والحمدلله كل شيء تمام بس الدكتور قالي انت متزوج قلت لا قالي لازم تتزوج قالته ليش مارد علي بس ابتسم وقال ماشاءالله تبارك الله الحمدلله أنا محافظ على نفسي رياضة ونوم في الليل بس استغرب من سؤال الدكتور وش يقصد بهذا السؤال اللي اعتبره غريب ؟

#فضفضه أخوي تخصصه سياحة وفندقة وراتبه الحالي 7,200 ريال ويفكر يطور وضعه الوظيفي ويحصل على فرصة براتب أفضل بحكم رغبته في الزواج وتكوين نفسه وش الجهات أو الشركات اللي تنصحون يقدم عليها وهل فيه وظائف في قطاع الفنادق والسياحة أو الشركات الكبرى برواتب أعلى من كذا واللي عنده تجربة أو يعرف جهة توظيف تستقطب تخصص السياحة والفندقة يفيدنا وشكراً.

#فضفضه زميلة بالعمل اعترفت لي بشيء صادم، تقول إنها أنشأت حسابات وهمية باسم زميلة ثانية وتتحدث مع رجال الإدارة لتشويه سمعتها كيداً بها! الضحية بنت محترمة ومظلومة، وضميري يوجعني. كيف أنبه البنت وأحميها من هذه المصيبة بدون ما أورط نفسي أو أكون طرف في المشكلة ؟

#فضفضه تقدم لي معدد عمره ٥٨ وعنده عيال وبنات وعمري ٢٥ وطولي ١٣٣ وحنا عندنا القبيلة ماياخذون القصيره وخواتي يوصلن عمر ال ٣٠ مايجينا خطيب أبداً استخرت ومافيه شعور موافقه او رفض وهو صاحب اخوي وجاره وراعي اخلاق ومتوظف وبيت مستقل لي بس احس بظلم نفسي بقرأ التعليقات والله العظيم كل كلامي صدق وابيكم تعطوني رأيكم للأهمية.