يالله وأنا عبدك اللي قد تمادى وتاب
من وطية الذنب والمنكر وطرد الهوى
أنا شدييد الندم وأنته شديد العقاب
والقوّة اللي معي قوة شديد القوى
عنِّي لـ حزت الاشدّه في ظهور الركاب
واللي ضوى ماسرح واللي سرح ماضوى
وجنّبني الفرحة اللي مقتفيها عذااب
واحلل من لساني العقدة قبل لا اغوى🤲🏻
اللّٰه أكبر على اللي زينها فارق
لو إسمها فالقصيده مقدر أجيبه : )
عيني عليها و أنا في حبها غارق
يا كثر زينٍ عطاها اللّٰه تماري به
والله ماتشبه إلا لايح البارق
فالغيمه اللي رعدها كنه ترحيبه
الرجاجيل مثل أصابع اليديـن
ما تساوى لو انها تجيك ملتـمّه
شوفهم من بطن واحد مهو بطنين
واحدٍ تمدحه .. والآخر تذمّه
ودّي اموت محسوبً على الغالين
قبل ما اعيش محسوبً على الخمّه
قولوا لأهلها بنتكم في محزمي
لو انها ماهي معي متواجده
حبيتها حب العفيف المحتمي
عهود حبٍ بالوفا متسايده
غابت وكن الوصل حبله مرتمي
في عالم أحلامٍ عتيمه شارده
يا ليتها من صلب جدي ولحمي
أو ليتها عن صدها متراكده
قولوا لها ان ضاقت اي بالله ازهمي
رجلٍ ثنى رجله لمهره كايده
فيني مكابر غناوي و انعزالة فقير
و فيني عواجة مصلفق و استقامة سوي
انقد على اللي من الفرحه يخب و يطير
و اضحك لا شفت النجوم الساميات تهوي
* ما اطرّي الا الانافه و القصيد المثير
و الا انكساري و ضعفي مالها مطروي *
ضرايب الحزن و العزله و صوت الضمير
اما دموعٍ قويّه .. او قصيدٍ قوي