حسـن.

تقول السر حق شخص تثق فيه، بعدين يقوله حق شخص يثق فيه، و هذاك يقوله حق شخص يثق فيه، آخر واحد يقولك لأنه يثق فيك دائرة الحياة

كل ما انخذلت أكثر كل ما زادت مناعتك

شاف درجاته تبن قالي أستاذ نسفتك قوية عطيتك درجة بس ما راح تشفع لك

أكثر شي يحسسني بالعار ان و انا صغير كنت أدش منتديات ناس يختلفون عني بالمعتقدات و أسبهم يعني جذي ساهمت بنشر الإيمان

اذا بتصير شخصية مهمة مستقبلًا لازم تمسح حسابك بتويتر، مو معقولة شخص مهم بنشوفه بالماضي كان يدافع عن قهوة الممية

الطلاب شفيهم؟ احنا مو تعودنا ان كل ما يتغير الجو او يطق مطر لازم اليوم اللي بعده يغيبون حتى لو ماكو شي؟ ليش يداومون بكامل أعدادهم؟ عيالكم قاعدين يتمرّدون عالعادات والتقاليد

توني مصحح الامتحان القصير والتفاوت بالدرجات بيخليني أصلّع و أسوي زراعة

في مدرس بالغلط يناديني بإسم مو إسمي، ذكرني باللي كان يناديني بالجامعة "عبدالله" فترة طويلة و ما صححت له عشان لا أحرجه لما قررت أتشجع أقول له إسمي حسن فاجأني قام يناديني عبود، المصيبة صارت مصيبتين

في طالب كتب بالتعبير no water im ded قلتله انا فاهم الفكرة بس تركيبة الجملة غلط قعد مصمم ان الجملة صح ومنطقية مافيها شي قلتله تخيل انك بتعبير عربي و كتبت "مافي ماي أنا في موت" الحمدلله فهم قصدي بالضبط و عرف غلطته

كليوباترا بعد ما خسرت سيزر اللي كان متساوي معاها بالفطنة كانت تبحث عن اللي يوفّر لها الحماية سياسيًا حتى لو كان حمار ذهنيًا، عشان جذي اختارت آنتوني اللي كان يحبها حب غير مشروط و يعطيها كل اللي تبيه رغم ان ما عنده مخ ^ نظرية أتوقع انها خطأ بس شسوي اليوم سبت

We only said goodbye with words... I died a hundred times.

أحس أمه اللي كملت الحل بس ما عندي دليل

اللي يبي رفسة يبلّغني

قرّب الويكند يعني ترقبوا قرار وزارة التربية اذا بتظل مدرس لازم اشتراك شهري + تبرّع مالي حق الصندوق المسكّر

طالب تنرفز من طالب ثاني لأن هذاك قاعد يستهبل، التفت عليه جان يقوله "يالمتوفي" حسيت أبيه يعيد السنة

"أستاذ عادي تعطيني درجة حلوة؟ لأني ناوي أتزوج بنت خالي ومابي أتهزّأ جدامها" دوّر لك بنت ثانية حبيبي

يعود الشتاء و نحن المعتذرون