حَتْحُوت retweeted
هاني حتحوت عبر برنامج مودرن سبورتس 🎙️
• بكرة إن شاء الله في اجتماع مهم بين الكابتن حسين لبيب، رئيس مجلس إدارة نادي الزمالك، ورموز الزمالك، وهو اجتماع مرتقب، المحور الوحيد فيه هو مناقشة ملف شركة الكرة
• فكرة رفض عدد من الرموز، أو طلب عدد من الرموز فهم قصة النسب، وقصة إن النسبة للمستثمرين تكون أكثر من نسبة مجلس إدارة نادي الزمالك، ما بين معترضين وما بين ناس عايزة تفهم
• فالكابتن حسين لبيب هيقعد معاهم عشان يشرح لهم، ويجاوب على الأسئلة، ويدي رسائل الطمأنة، ويوضح وجهة نظر مجلس إدارة نادي الزمالك
• وبناءً عليه، عندك سيناريوهين ممكن يخرج بيهم الاجتماع اللي هيعقد في تمام السادسة في مقر نادي الزمالك
• السيناريو الأول: مش بقول لك توقع، لكن هو سيناريو؛ لأن هما ما فيش غير سيناريوهين. الأول هو إن الزمالك يؤجل ملف شركة الكرة، ويخرج من القعدة حاسس إن الناس مش مبسوطة ولسه قلقانة، فيؤجل طرح فكرة شركة الكرة، رغم الإعلان عنها رسميًا عبر الصفحات الرسمية، ويقول إن فيه اعتراض من جانب رموز الزمالك على حصول المستثمر على النسبة الأكبر
• فهل كمان رفض جمهور الزمالك، أو قطاع من جمهور الزمالك اللي نشر عبر مواقع التواصل الاجتماعي من أيام، يمثل دورًا في حسم القرار؟
• السيناريو الثاني: زي ما قدامك، هو إن حسين لبيب ينجح في إقناع رموز الزمالك بحصول المستثمر على النسبة الأكبر، وإن ده لا يقلق الزمالك، وإنه لا قلق على هوية الزمالك، وبناءً عليه تسير الإجراءات بشكل طبيعي
• كمان في يوم الأربعاء في اجتماع مهم لمجلس إدارة نادي الزمالك، تناقش فيه بعض الملفات المهمة، أبرزها الملفات المتعلقة بفريق كرة القدم، إلى جانب الاستعدادات للجمعية العمومية اللي المفروض إنها تنعقد
• كان المفروض الاجتماع ده يكون إمبارح، لكن اتأجل بسبب احتفالية لجنة الاستثمار، اللي الزمالك رد على غضب بعض الجمهور بشأنها بأن الفلوس دي اتدفعت لما كنا بندفعها للعيبة، بأنه لم يدفع مليمًا واحدًا في إقامتها، بل قامت لجنة الاستثمار بإقامة الحفلة لما لها من أهمية في دخول مداخيل جديدة للزمالك في الفترة اللي جاية
• حلو، هل يوم الأربعاء ممكن حسام الزناتي يعلن بقى أخيرًا ويتقال: «حسام الزناتي مديرًا رياضيًا لنادي الزمالك»؟
• المفاوضات متعثرة!
• إيه المفاوضات اللي كانت فقط منتظرة في الأسبوع اللي فات إن يُعلن حسام الزناتي مديرًا رياضيًا للزمالك؟ متعثرة، مش معناها إنها باظت
• بمعنى إيه؟ بمعنى إن حسام الزناتي بعد ما اتفضل هو والزمالك، والموضوع متعطل رايح جاي، كل ما الوقت بيطول، كل ما بتتكشف له الأمور أكتر، فكل ما بيبقى ليه طلبات يضمن بيها نجاح مهمته لما يتولى المسؤولية، فبيرجع يتكلم مع المسؤولين عنها، فيما يخص التدفق المالي، والاستقرار الإداري، وشركة الكرة، والعناصر اللي هتشتغل معاه في فريق العمل
• فالاستفسارات الكثيرة اللي ظهرت في مرحلة ما بعد الاتفاقات شبه النهائية خلت الزمالك يشعر بصعوبة إنه ينفذها، ومخلية حسام الزناتي الآن قلقان من إنها متتنفذش
• وبناءً عليه، في فاصلة محطوطة انتظارًا لإكمال باقي الجملة: هل يُعلن حسام الزناتي مديرًا رياضيًا للزمالك؟ أم يجد في الأمور جديدًا يجعل ما قبل النقطة نقطة، وهو أن القرار قد أُلغي فيما يخص المدير الرياضي للزمالك؟
تميل الأغلبية داخل اتحاد الكرة لإقالة حسام حسن المدير الفني لمنتخب مصر، لكن الاختلاف حول انتظار انتهاء توقف نوفمبر ومباراتي مالاوي، أو إصدار القرار بشكل فوري، غدًا الجمعة.
السبب هو قرارات حياته الشخصية المؤثرة سلبا على صورة المنتخب، وعلاقته غير الإيجابية ببعض اللاعبين، وآخرهم وأبرزهم محمد صلاح، المتردد حتى الآن في الانضمام لمعسكر نوفمبر، رغم محاولات هاني أبوريدة رئيس الاتحاد للتهدئة.
في كل الأحوال، القرار سيُعرض على الجهات المعنية للحصول على الموافقة الأخيرة قبل صدوره.
هناك قائمة مطولة من المدربين الوطنيين، بين من هم في الداخل أو الخارج، جاهزة بالفعل لخلافة العميد بعد صدور القرار..
حَتْحُوت retweeted
وليد درويش .. عراب الجيل القادم
عضو مجلس إدارة إتحاد كرة القدم المصري والمكلف بالفئات السنية
قليل الكلام
كثير العلم و الفهم
راهن عليه هاني أبوريدة ونجح ..
شاهدوا منتخبات الشباب و تطورها وهو الشيء الذي يحسب له بفضل نظرته وعمله وجهده
مبروك يا وليد ♥️ مصر و كرة القدم كسبوك
ربما يعلن الزمالك غدًا تعيين حسام الزناتي مديرًا رياضيًا للفريق لمدة موسمين، الموسم الحالي والموسم المقبل.
وسيعلن النادي مدة التعاقد بشكل واضح، فلن يكتفي بالإشارة إلى استمرار الزناتي حتى نهاية الموسم الحالي، بل سيؤكد أن الاتفاق يمتد لموسمين كاملين.
وهذا يعني أن الاتفاق يشمل بناء الفريق وتحقيق النتائج خلال عامين، وليس العمل لفترة قصيرة ثم إجراء تقييم بعدها، وإنما منح المدير الرياضي موسمين كاملين لتنفيذ خطته وتحقيق الأهداف المطلوبة.
هذا ما يتعلق بالتعيين الذي يُنتظر أن يعلنه الزمالك رسميًا
#الكويرة
بعد قرار الزمالك بتحويل ناصر منسي للتحقيق وإيقافه عن التدريبات الجماعية لحين انتهاء التحقيق، بعد واقعة الاحتفال بهدف الفوز قدام الجيش الرواندي راح سأل الكابتن عبد الناصر محمد: أنا موقوف لحد إمتى؟
قاله: أنت موقوف لأجل غير مسمى، ومتسألناش سؤال زي ده لحد ما التحقيق ينتهي ويصدر القرار اللي يستحقه علي اللي أنت عملته، والزمالك مش هيقبل أبدًا بأي تصرف زي ده، مهما كان من أي لاعب، مهما كان اسمه ومهما كانت نجوميته.
في حالة غضب كبيرة جدًا من امبارح، منعت حتى حالة الاحتفال بالفوز امبارح بسبب الواقعة اللي ارتكبها ناصر منسي امبارح
لحد فين تبقى العقوبة؟ ده اللي مستنيه الزمالك بعد الوصول إلى القاهرة
#الكويرة
هاني حتحوت:
كابتن عصام، انتهت القمة، أول مباراة في الموسم بتحكيم أجنبي. كيف رأيت أداء التحكيم امبارح؟
عصام عبد الفتاح رئيس لجنة الحكام:
هو أنا مليش أقيم التحكيم الأجنبي، ولكن ليه أنا أقيم التحكيم المصري، والناس تشوف الفارق ولكن اللي أنا أقدر أقوله إني شرحت مرارًا وتكرارًا إيه اللي حصل في استخدام الحكام الأجانب، وقلت وهعيد مرة تانية، هو أنا إحنا إيه يعني نتحمل إيه؟
لجنة الحكام بتعمل أقصى شيء، واللي عاوز يتأكد من اللي إحنا عملناه يتفضل ييجي لجنة الحكام، واتحاد الكرة وتشوف إيه اللي حصل في استقدام الحكام الأجانب
إحنا طلبنا من الدول الخمس الكبرى واعتذرت ثلاث دول، دولتين وافقوا بس حكام غير مصنفين، مش نخبة
حاولنا ندور على حكم نخبة، ومكناش لاقيين ولا حكم من حكام كأس العالم.
ليه؟ لأنهم عندهم ماتشات بكرة، وبعده، بكرة اللي هو 13 وبعده 14، كلهم في دوري الأبطال
في حكم اللي هو حكم كأس العالم اللي قبل اللي فات، اللي هو سيمون، أعتقد الناس بتقرأ الصحافة والسوشيال ميديا إن هو كان عنده، ماتش في نفس التوقيت في السعودية، ومراحش كمان الماتش عشان ظروف الطيران
إحنا، إحنا نعمل إيه؟ وخلي بالك، التحكيم في كل العالم بيصيب وبيخطئ في كل العالم بيصيب وبيخطئ، ولا الحكام المصريين ملائكة، ولا الأجانب ملائكة
والمستويات كلها على مستوى العالم متقاربة لأسباب كثيرة، أهمهم وجود تقنية الفار، دي قللت من المواهب بشكل كبير على مستوى العالم في التحكيم
هاني حتحوت:
هل تقنية الفار في ماتش الأهلي والزمالك كانت ممكن تتدخل وما تتدخلش؟
عصام عبد الفتاح رئيس لجنة الحكام:
هقولك شيء اللي متابع التحكيم على مستوى العالم، هناك مدارس مختلفة في التحكيم. اللي في أمريكا الجنوبية غير اللي في أوروبا، حتى اللي في أوروبا غير فيفا
مثلًا الاتحاد الأوروبي عنده معايير مختلفة عن دول كتير بقرارات معينة اللي بقوله ده بقوله كلام حقيقي موجود، لهم أسلوبهم في التحكيم ، واحد يقولك: طب هل دي تتحسب فاول هنا، ما تتحسبش فاول؟
آه في ناس بتسمح بالالتحامات الكبيرة، في دول تانية لا، بيحسب كل حاجة.
في تقنية الفار بتتدخل في حاجات هنا لا
أنا عارف إن في ناس أساتذة عارفة أنا بقوله بشكل كبير ففي مدارس مختلفة، إنت مثلًا أمريكا الجنوبية هتلاقي احتكاكات بدنية غير عادية، في أمريكا الجنوبية بتشوف ماتشات زي الحرب في مصر إحنا في اختلاف، أفريقيا في اختلاف عن آسيا.
هاني حتحوت:
بمعنى إن امبارح كان في قرارات حكمها حكم أوروبي، لو كان الحكم مصري كانت ممكن تكون القرارات مختلفة، ده اللي تقصده؟
عصام عبد الفتاح رئيس لجنة الحكام:
مش لازم مصري، أو حتى في آسيا، أو في أفريقيا ممكن تكون في قرارات مختلفة، دي حقيقة وأعتقد إن في ناس قالوا هذا الكلام من الإخوة المحللين،
إحنا مش خايفين من حاجة، إحنا بنحاول نعمل أفضل شيء، وبنحاول نطور هذه المنظومة بشكل غير عادي، لأن إحنا فعلًا بعاد شوية فبنحاول نشتغل
.
#الكلام_المظبوط
كل سنة ومصر العظيمة طيبة وآمنة ومستقرة، كل سنة وجيشنا وشعبنا وقيادتنا بخير وسلام.
#نصر_أكتوبر_المجيد 🇪🇬
التعليق الكامل .. دراما المنتخب وتصريحات حسام حسن وبيان الأهلي واستياء اتحاد الكرة وكل الإحتمالات واردة
#مودرن_سبورتس
What came before was just the beginning…
But this post, coming after last night’s defeat, feels like "the real beginning".
Nothing in my career ever came easy. Bad nights and disappointments are part of football, and I have learned to turn them into motivation and into trophies.
Trabzonspor is my club, and I am part of this project, body and soul. Last night will not change that.
I know expectations are high, and I truly believe we can and will deliver. “I came here to win” is not just a slogan to me.
حَتْحُوت retweeted
جلسة جديدة بين الأهلي وإمام عاشور للتجديد.. هاني حتحوت يكشف كواليس مثيرة
#Modern_Sports
#modern_mti_tv
النهاردة بالليل، الساعة 10:30، نعود مع الحلقة الأولى من الموسم الجديد لبرنامج (مودرن سبورتس) على قناة Modern MTI
بعد غياب أسبوعين، افتقدتكم وافتقدت وجودي معاكم على الشاشة، وإن شاء الله تكون الفترة الجاية بداية جديدة نقدم فيها مع بعض برنامج يحترم دائمًا عقل المشاهد، ويقدم المعلومة والتحليل والرأي المتوازن، بعيدًا عن الألوان والابتذال وكل ما لا يليق بكرة القدم والرياضة المصرية.
هدفنا إننا نستمتع سوا بالكورة، ونختلف ونتناقش، ونحاول نطوّر ونعالج السلبيات بكل وضوح، من غير أغراض أو حسابات، وإنما من أجل الصالح العام.
وإن شاء الله يكون ده بالتعاون مع كل الأندية والمسؤولين والاتحادات، لأن تطوير الرياضة المصرية مسؤولية مشتركة، وكلنا في النهاية هدفنا واحد.
مستنيكم النهاردة الساعة 10:30 مساءً في أولى حلقات الموسم الجديد من مودرن سبورتس.
أتمنى تستمتعوا بالبرنامج… وتستمتعوا بالكورة والرياضة المصرية معانا.















