हानुमान सुरेशराव कदम पाटील

‘तोरणडोंगरी एक्सप्रेस’ दिलीप गावित! आपल्या मातीचा आणि संपूर्ण आदिवासी समाजाचा अभिमान! 🏅🇮🇳 तोरणाई गाव विकास समिती, तोरणडोंगरी तसेच विविध सामाजिक संघटनांच्या संयुक्त विद्यमाने आयोजित नागरिक सत्कार सोहळा, विद्यार्थी गुणगौरव समारंभ आणि आद्य क्रांतिकारकांच्या संयुक्त जयंती सोहळ्याला उपस्थित राहण्याचा आनंद लाभला. आंतरराष्ट्रीय स्तरावर दोन वेळा कॉमनवेल्थ गेम्स तसेच आशियाई पॅरा क्रीडा स्पर्धेत सुवर्णपदक मिळवून देशाचा गौरव वाढवणारे धावपटू श्री. दिलीप महादू गावित आणि त्यांचे प्रशिक्षक मा. वैजनाथ काळे सर यांची संपूर्ण गावातून पारंपरिक आदिवासी वाद्यांच्या गजरात भव्य मिरवणूक काढून जंगी स्वागत करण्यात आले. यावेळी दिलीप गावित यांच्या उल्लेखनीय कामगिरीचे कौतुक करताना, ज्याप्रमाणे कविता राऊत यांना ‘सावरपाडा एक्सप्रेस’ म्हणून ओळखले जाते, त्याचप्रमाणे दिलीप गावित यांना ‘तोरणडोंगरी एक्सप्रेस’ म्हणून ओळखले जावे, अशी भावना व्यक्त केली. दिलीपच्या यशामागे त्यांचे आई-वडील, शिक्षक आणि विशेषतः प्रशिक्षक वैजनाथ काळे सर यांचे अतुलनीय योगदान आहे. त्यांच्या समर्पणाची कहाणी प्रत्येकासाठी प्रेरणादायी आहे. आदिवासी समाजातील विद्यार्थ्यांमध्ये प्रचंड गुणवत्ता आणि क्षमता आहे. त्यांना योग्य संधी आणि मार्गदर्शन मिळाल्यास ते जागतिक स्तरावर निश्चितच यश संपादन करू शकतात. यावेळी विविध सामाजिक संघटनेचे तसेच राजकीय क्षेत्रातील मान्यवर उपस्थित हॊते. माजी आमदार जे पी गावीत, खासदार भास्कर भगरे,आमदार नितीन पवार, आमदार मंजुळाताई गावित,एन डी गावीत, इंद्रजित गावीत, ऍड दत्तू पाडवी, गिरीष गावीत, मोहन गांगुर्डे, विनायक गावीत, के के (तात्या ) गांगुर्डे, सुभाष चौधरी, रतन चौधरी, काशिनाथ बागुल, विजय पवार, रमेश साबळे, नामदेव ठाकरे, मंगलदास गवळी, उलगुलान शिक्षक संघटना पदाधिकारी, कार्यक्रमाचे प्रास्ताविक जयराम गावीत यांनी तर सूत्रसंचालन परशराम पाडवी यांनी केलं. दिलीप गावित यांना पुढील ऑलिम्पिक वाटचालीसाठी मनःपूर्वक शुभेच्छा! त्यांच्या यशाची भरारी अशीच उंचावत राहो! #तोरणडोंगरीएक्सप्रेस #दिलीपगावित #सुवर्णपदक #महाराष्ट्र

सर्वज्ञे सर्ववरदे सर्वदुष्ट भयंकरी । सर्व दुःख हरे देवी महालक्ष्मी नमोस्तूते ॥ दिपावलीचे हे मंगल पर्व आपल्या सर्वांच्या जीवनात सुख, शांती आणि समृध्दीचा प्रकाश घेऊन येवो... सर्वांना लक्ष्मीपूजन निमित्त मंगलमय शुभेच्छा ! #लक्ष्मीपुजन