OG CULT 💣💨🧨🔥

మాడుగుల నియోజకవర్గంలో జనసేన పార్టీకి కేటాయించిన సీట్లు వివరాలు: Zptc 4 కి 0 Mpp:4 కి 0 Mptc:68 కి 8 Zptc:0,mpp:0: 68 కి పైగా MPTC సెగ్మెంట్లు ఉన్న మాడుగుల నియోజకవర్గంలో జనసేనకు కేటాయించినవి కేవలం 8 స్థానాలేనా..? ఇదేనా 12 సంవత్సరాలుగా మనం కలలు కంటున్న జనసేన పార్టీ అభివృద్ధి? ఇదేనా పార్టీ బలోపేతం? ఇదేనా యువ నాయకత్వానికి మనం ఇస్తున్న ప్రోత్సాహం..? పార్టీ కోసం ఎన్నో సంవత్సరాలుగా కష్టపడుతూ, ఎన్నో ఆశలతో, ఎన్నో త్యాగాలతో పనిచేస్తున్న జనసైనికులకు ఈ పరిణామాలు తీవ్ర నిరాశను కలిగిస్తున్నాయి. క్షేత్రస్థాయిలో పార్టీని బలోపేతం చేయాలని, గ్రామస్థాయిలో జనసేన జెండాను రెపరెపలాడించాలని ఆశిస్తున్న యువ నాయకులకు ఈ పరిణామాలు ఎలాంటి సంకేతాన్ని ఇస్తున్నాయి? 68కి పైగా MPTC సెగ్మెంట్లు ఉన్న నియోజకవర్గంలో కేవలం 8 స్థానాలకే పరిమితం చేస్తే *రాబోయే సర్పంచ్ ఎన్నికల్లో జనసేనకు ఎన్ని స్థానాలు దక్కుతాయి...*??? సున్నా స్థానాలు కేటాయించినా అడిగేవారు కానీ మాట్లాడేవారు కానీ లేరు అని కార్యకర్తలు ఆందోళన చెందుతున్నారు. ఇంతటి కీలకమైన పరిణామాలు జరుగుతున్నా జిల్లా నాయకత్వం సమన్వయం చేయకపోవడం, కార్యకర్తల ఆవేదనను పార్టీ అధిష్ఠానం దృష్టికి తీసుకెళ్లడంలో చొరవ కనిపించకపోవడం అనేక ప్రశ్నలకు తావిస్తోంది. పార్టీ కోసం కష్టపడేది కార్యకర్తలు.. త్యాగాలు చేసేది కార్యకర్తలు.. కానీ రాజకీయ అవకాశాలు వచ్చినప్పుడు కార్యకర్తలకు తగిన ప్రాధాన్యత దక్కకపోతే, పార్టీ కోసం భవిష్యత్తులో ఎవరు కష్టపడతారు? పొత్తులు ఉండవచ్చు. రాజకీయ సమీకరణాలు మారవచ్చు. కానీ ఆ క్రమంలో జనసేన పార్టీ స్వతంత్ర బలం, స్థానిక నాయకత్వం, యువతకు అవకాశాలు, ఎన్నో ఏళ్లుగా పార్టీని నమ్ముకుని పనిచేస్తున్న కార్యకర్తల ఆత్మగౌరవం దెబ్బతినకూడదు. జనసేన పార్టీ అధిష్టానానికి విజ్ఞప్తి @PawanKalyan @JanaSenaParty @JSPShatagniTeam మాడుగుల నియోజకవర్గంలో స్థానాల కేటాయింపుపై పునఃసమీక్ష చేయాలి. పార్టీ బలాబలాలను, క్షేత్రస్థాయి వాస్తవాలను, కార్యకర్తల కష్టాన్ని పరిగణనలోకి తీసుకుని న్యాయం చేయాలి. జిల్లా నాయకత్వం తక్షణమే స్పందించి, అన్ని వర్గాలతో సమన్వయం చేసి, పార్టీ ప్రయోజనాలను కాపాడాలి. మా పోరాటం పదవుల కోసం మాత్రమే కాదు.. జనసేన పార్టీ భవిష్యత్తు కోసం! మా ప్రశ్న వ్యక్తులపై కాదు.. పార్టీ ఎదుగుదలకు సంబంధించినది! మా ఆకాంక్ష ఒక్కటే — జనసేన బలోపేతం కావాలి, జనసైనికులకు న్యాయం జరగాలి!