Tehreek-e-Insaf

چھبیسویں اور ستائیسویں ترمیم کے موقع پر عمران خان صاحب کی یہی ہدایات تھیں کہ کوئی ایسی ترمیم جو ٹھیک بھی ہو، اس کو بھی ہم نے سپورٹ نہیں کرنا۔ وجہ کیا ہے کہ یہ نظام فارم 47 کے اوپر قائم کیا گیا ہے۔ ان کی کسی ایسی ترمیم کو جو کہ یہ کہیں کہ جی یہ بڑی اچھی ہے، اس کو اس بنیاد پر سپورٹ کر دینا کہ یہ اچھی ہے تو اس نظام کو لیجٹیمیٹ قرار دینے والی بات ہے۔ نمبر ٹو عمران خان صاحب سے کئی دوستوں نے آ کے بات کی کہ خان صاحب ڈھیلا راستہ لیجیے، تھوڑا بیک فٹ پہ آئیے۔ ایک دفعہ رہا ہو جائیے۔ جیسے بھی ہے رہا ہو جائیے۔ عمران خان صاحب کا دو ٹوک موقف تھا کہ بات ہو گی اصول پہ ہو گی۔ نظریے سے ہم پیچھے نہیں ہٹ سکتے۔ اور میں رہائی لوں گا تو عدالتوں کے ذریعے لوں گا۔ ابھی بھی جو بات کی جا رہی ہے کہ فلاں ترمیم کو سپورٹ کر دیا جائے اور خان باہر آ جائیں۔ سوال یہ ہے کیا خان صاحب اس بات پہ آمادہ ہوں گے کہ وہ ترمیم کے بدلے میں باہر آئیں گے؟ یا وہ جو ان کا موقف تھا، ہے، اس موقف پر آج بھی وہ ڈٹ کے کھڑے ہیں؟ اس موقف پر ہی قائم رہیں گے۔کیا اس موقف سے پیچھے ہٹیں گے؟ میرے جیسے کارکن کی پاکستان کے کروڑوں لوگوں کی یہ خواہش ہے کہ جیسے بھی ممکن ہو خان صاحب باہر آئیں۔ ہم خان صاحب کے رہائی کے اندر رکاوٹ یا ان کے باہر آنے کے اوپر راستے میں رکاوٹ نہیں بنیں گے، نہ بننا چاہتے ہیں۔ بلکہ ہم سمجھتے ہیں کہ وہ نظریہ جو خان صاحب نے دیا ،عوام میں تحریک انصاف کی جو کچھ کریڈیبلٹی رہ گئی ہے، مزید اس کو بھی تباہ کرنے کی یہ کوشش نہ ہو کہ عوام بھی متنفر ہو جائے کہ ایک طرف یہ رہائی کے لیے ترمیموں پر کمپرومائز کرتے ہیں اور دوسری طرف یہ ترمیموں کے اصولوں کے اوپر بات کرتے ہیں۔ تو یہ کیسی بات ہے؟ تو لہٰذا میری رائے یہ ہے کہ کوئی بھی چیز ہو، کوئی بھی کام کرنا ہو تو پہلے خان صاحب تک ان کی بہنیں اور بے شک ساتھ ایک غیر جانبدار آزاد لوگوں پر مشتمل ایک پینل جائے، وہ گفتگو کرے،خان صاحب جو پھر بات کریں اس کے مطابق معاملات کو آگے لے کے چلا جائے۔ عمران خان صاحب کی رہائی سے پہلے کوئی بھی ایسی چیزیں، شرطیں نہ مانی جائیں جس کو سن کے کل عمران خان صاحب کو دکھ لگے کہ آپ نے میرے حوالے سے یہ موقف کیوں لیا تھا!