Urwego rushinzwe Intwari z'Igihugu(CHENO)

None tariki ya 23 Nzeri 2026, Abapolisi n’izindi nzego z’umutekano bo ku rwego rwa ofisiye 167 bari mu mahugurwa azwi nka ‘Tactical Command Course’ mu ishuri rya Polisi rya Gishari, basuye Igicumbi cy’Intwari z’Igihugu giherereye i Remera, @CityofKigali . Bahawe ikiganiro ku mateka y’ubutwari mu Rwanda, Intwari z’Igihugu ndetse n’indangagaciro z’ubutwari arizo: · Kugira umutima ukomeye kandi ukeye, · Kwitanga · Gukunda igihugu · kugira ubushishozi · Kugira ubwamamare mu butwari · kuba intangarugero · kuba umunyakuri · kugira ubupfura · kugira ubumuntu. Ikiganiro cyatanzwe kandi cyagarutse ku bukangurambaga bwo gukumira no kurwanya ikoreshwa ry’inzoga n’ibiyobyabwenge mu rubyiruko nk'uko byagaragaye ko bigira ingaruka mbi ku rubyiruko, ku miryango no ku iterambere ry’Igihugu. Umunyamabanga nshingwabikorwa w’Urwego rushinzwe Intwari z’Igihugu, Imidari n’Impeta by’Ishimwe, Déo NKUSI, yashimiye ubuyobozi bwa @Rwandapolice kuba bafata umwanya wo kuza gusura Ibicumbi by’Intwari, abasaba ko ubumenyi bahavana bajya babusangiza n’abandi, bikabafasha kwimakaza indangagaciro z’umuco n'ubutwari mu mirimo yabo ya buri munsi.

Kuva tariki ya 14 Nzeri 2026, Urwego rushinzwe Intwari z’Igihugu, Imidari n’Impeta by’Ishimwe (CHENO) rwatangiye ubukangurambaga bugamije kwimakaza indangagaciro z’Umuco n’Ubutwari no kurwanya ikoreshwa ry’inzoga n’ibiyobyabwenge mu rubyiruko. Ubu bukangurambaga bukorerwa mu bigo by’amashuri abanza n’ayisumbuye mu Gihugu hose. Biteganyijwe ko mu kwezi kwa Nzeri, Ukwakira n’Ugushyingo 2026 ubu bukangurambaga buzakorerwa mu mashuri 220 yo mu Turere dutatu tugize Umujyi wa Kigali ari two Nyarugenge, Kicukiro na Gasabo. Kuva tariki ya 14 Nzeri 2026 kugeza tariki ya 30 Nzeri 2026 ubukangurambuga burakorerwa mu Karere ka Nyarugenge. Ikiganiro gitangwa gisobanura indangagaciro remezo z’umuco w’u Rwanda ari zo gukunda Igihugu, kunga ubumwe, gukunda umurimo kandi unoze n’ubupfura, ndetse n’izindi ndangagaciro zizishamikiyeho. Ikiganiro kibanda kandi ku butwari mu mateka y’u Rwanda, Intwari z’u Rwanda, umuco wo gushima no gushimira abakoze ibikorwa by’ingirakamaro, imikorere ya Club Umuco n’Ubutwari no kurwanya ikoreshwa ry’inzoga n’ibiyobyabwenge mu rubyiruko. Uyu munsi tariki ya 15/9/2026, ubukangurambaga bwakorewe mu Mirenge ya Gitega na Nyamirambo mu bigo bikurikira: Collège Saint André, EL Shaddai school, EPADR Glory, Good Heritage Nursey school, ITUZE, Kigali Adventist school, EP Gitega na GS Cyahafi TSS.