أحس الأنسان ما يضيع مره وحدة
يضيع على دفعات صغيرة
كل مره يسكت عن شي يوجعه،
كل مره يمشي في طريق ما يبيه،
كل مره يقول "مو مهم" لشي كان مهم
لين يلتفت لنفسه وما يعرفها
تضيق بي الدنيا وأكتم عذابي
وأضحك وأنا محدٍ درى عن مصابي
مرات أبي قرب البشر واحتوائي
ومرات ما أبي اشوف احدٍ قبالي
يتقلب مزاجي وتضيع أسبابي
وأحس حتى الفرح غاب عن أحبابي
أحاول ارتب فوضتي والم شتاتي
والقى الحزن يرجع ويهدم بنائي
الذكريات إللي يلاعبني هواها كل حين
على مرارة قسوة الدنيا ما هيب محلية
أحس بـ إحساس متقلّب لا سعيد ولا حزين
وأعيش . . وظروف الحياة معلّية ومدلّية
تمرني لحظات أردد « تالي الدنيا تزين »
و تمرني لحظات أقول « إن الأمور مولّية »
أحلام قلبي كبيره من كبر شاني
والصعب لاهل الصعب بتسهل دروبه
مدري على وين بمشي لكن إيماني
أصدق من إيمان مذنب مسته توبة
عندي يقين بعدل ربي وميزاني
من عاش يتبع ضميره فاز بحروبه
ما طيح اللّٰه هالدعوات بلساني
الا وهي ليَّ مقسومه ومكتوبه