Ch Usman Bubak

ایران، بھارت کو خلیج اور مشرق وسطی میں بڑا کردار ادا کرنے کیلئے قائل کرنے کی کوشش کررہا ہے۔ مرشد اعلی کے نمائندہ خصوصی پیغام لیکر آئے ہیں۔ 2015 میں بھی جب ایران نے حوثیوں کے ذریعے یمن میں جنگ شروع کی تھی اور سعودیہ نے پاکستان کو ملٹری اتحاد میں شرکت کی دعوت دی تھی، تو اس وقت ایرانی وزیر خارجہ جواد ظریف فورا اسلام آباد پہنچے تھے ہمیں مشورہ دینے کہ مڈل ایسٹ سے دور رہیں، کیا فائدہ الجھنے کا، جبکہ پیچھے سے بھارت کو مشورہ دیا کہ فورا سعودیہ اور امارات پہنچیں، ہم پاکستانیوں کو روک رہے ہیں، آپ انکی جگہہ لیں۔ اور یہ ہی ہوا تھا، پاکستان میں گیم سمجھنے میں دیر لگی (اسوقت میں کھل کر بات کررہا تھا اپنے ایکسپریس نیوز پروگرام پر، لیکن ہمارے ہاں اس سٹریٹجک ایشو پر اچھے اچھے بھی مذہب ومسلک سے باہر آنے کیلئے تیار نہیں تھے)۔ نتیجہ یہ نکلا تھا کہ عرب دنیا میں پاکستان کا موقف کمزور ہوا تھا اور مودی اور بھارت مشرق وسطی میں پاکستان کی جگھہ لینے کی باتیں کررہے تھے۔ لیکن 2025 میں اعلیٰ پاکستانی فوجی کارکردگی اور سفارتکاری کی وجہ سے، اور امریکی اور عرب شراکت داروں کے تعاون سے، آج پاکستان کی خطے بھر میں سفارتکاری ناقابلِ تسخیر ہے۔ اس دفعہ بھارت اتنا کوشاں نظر نہیں آتا مقابلہ کرنے کیلئے جیسے 2015 میں تھا۔ بھارت میں ایرانی مرشد اعلیٰ کے نمائندے آیت اللہ ڈاکٹر عبدالمجید حکیم الٰہی کا NDTV کانفرنس سے خطاب: "بھارت دنیا، خصوصاً مشرقِ وسطیٰ اور خلیج فارس میں امن، سلامتی اور انصاف کے قیام میں بہت اچھا کردار ادا کر سکتا ہے، اور خاص طور پر اس وقت بہت بڑا کردار ادا کر سکتا ہے کیونکہ بھارت برکس کا سربراہ ہے اور اس نے بہت سے عالمی رہنماؤں کی میزبانی کی ہے. ہمیں امید ہے کہ بھارت کی سرگرمیوں اور شمولیت سے ہم بہت جلد ایک پرامن خطہ دیکھیں گے".