خالد الحَجري

في السعوديه لو دخلت مول بتلقى أغلب الموجودين سعوديات ولو رحت جامعة بتلقى القاعات مليانة بنات ولو طلعت لكافيه أو مطعم أو أي مكان عام بتلقى سعوديات يطلعون وينبسطون ويعيشون حياتهم بشكل طبيعي وكلهم تقريبًا معهم جوالات ويتواصلون ويستخدمون مواقع التواصل بكل حريه.. فليش تحسسوني أن البنت السعودية مسلوبة من جميع حقوقها وممنوعة من الدراسة والعمل والطلعات؟؟ جامعاتنا مليانة طالبات وقطاعات العمل مليانة موظفات واهمهم المعلمات والأماكن العامة تشهد على واقع المرأة السعوديه! نعم فيه فئة تعاني من الظلم لكن ليش تأخذون حالات محدودة وتخلونها أساس للحكم على مجتمع كامل؟ وليش تتجاهلون واقع آلاف السعوديات؟ ناهيكم ان البكاء والصياح عند الأجانب مثل الارجنتينين ماراح يرجع لككم حقوقكم وبيشوه صورة بلدك ويجعلك مادة للسخريه.. حقوق المظلوم تُسترد من الله سبحانه وتعالى هو رب الحقوق وإليه يلجأ كل مظلوم وليس الاجانب! و ثم اللجوء للجهات المختصة بالعنف الأسري وليس بتشويه صوره بلد كامل.