Karim Said- كريم سعيد

اهلا يا محمد... لا ممشيش من النادي خالص .. هو عضو مجلس ادارة ومسوول حالي لكن ساب منصب المدير الرياضي من شهرين.. لكنه مسوول رسمي في النادي ونزلنا توضيح بكدة

#حقيقة_اليوم اي محب للكابتن حسام حسن زعلان عشان الاقالة وهيحاول يدخله في اي مقارنة فنية او بطولات او انجازات تاريخية مع محمد صلاح .. فاعرف انك بتضر وبتحرج حسام حسن اكتر ما انت بتفيده ... مفيش اي اسم لاعب مصري في التاريخ كله يتنافس مع صلاح كانجازات لاعب كرة قدم .. صلاح قفل اللعبة حرفيا .. واي حد هيخونه عقله في لحظة ضيقة او زعل عشان يعمل المقارنة ديه .. فهو ببساطة دخل في الحيطة!!!

اهلا يا سامي ... قريتها طبعا وديه وجهة نظره وهو حر فيها لكن يبقي مصطفى محمد خامة ممتازة واحنا عارفين قدراته ونقدر نساعده انه يرجع تاني ان شاء الله لانه مهاجم قوي .. وياما لاعيبة مستواها نزل بسبب ظروف مروا بيها ورجعوا تاني ... افتكر ايام كابتن جوهري كان بيضم مجدي طلبة وهو مش مقيد في نادي اصلا لغاية لما رجع على الاهلي...

أول وأهم رسالة لازم تخرج من علي ماهر في أول مؤتمر صحفي له مع المنتخب.. “لا إقصاء لأي لاعب لأي أسباب شخصية أو خارج الملعب. المنتخب مفتوح لكل اللاعبين بناءً على مستواهم الفني والبدني داخل الملعب فقط.” المنتخب محتاج يفتح الباب تاني لكل اللاعبين اللي تم اقصائهم في الفترة السابقة لأسباب شخصية، وعلى رأسهم مصطفى محمد اللي المنتخب محتاج يكسبه تاني في وقت بنشحت فيه مركز ٩ حرفيا...

هو انا يعني اللي الفت الاحداث ديه .. مهو اللي عملها بنفسه 🙄🙄🙄

#وجهة_نظر_شخصية كما كان متوقع خلال الأشهر القليلة الأخيرة، وبالتحديد من بعد المونديال وكثرة أزمات حسام حسن سواء داخل الملعب أو خارجه.. انتهت حقبة التوأم على رأس الجهاز الفني لمنتخب مصر.. ووسط ما يحاول البعض للأسف إظهار حسام في موقع “المظلوم أو المجني عليه”، إضافة إلى تحميل محمد صلاح مسؤولية رحيل الجهاز الفني بالكامل.. أحب أن أوضح عدم حقيقة كل هذه الادعاءات.. والتأكيد على أن حسام حسن هو من ظلم نفسه بنفسه بدون أي مؤامرات أو ترصد من أحد تجاهه.. بل والأكثر من ذلك أن صلاح نفسه، بعيدًا عن دوره الفني داخل الملعب، ساهم في إنجازات المنتخب في حقبة حسام بتدخلات إدارية من خارج الملعب وقام بدفع بعض من ثمنها من جيبه الخاص.. وكل ده بالدلائل والبراهين 👇👇👇: ١- حسام هو اللي ظلم نفسه بنفسه.. لما رفض استمرار حالة العمل الجماعي اللي كانت موجودة في وقت المونديال.. وبدأ بتصرفات غريبة وعجيبة يرفض نسب أي شيء من الإنجاز لأي فرد في الجهاز بعيد عنه.. وقراره بمنع أي فرد في الجهاز من الظهور الإعلامي بعد البطولة، خصوصًا بعد لقطة محلل الأداء محمود سليم الشهيرة قبل ركلات ترجيح مباراة أستراليا.. واللي بسببها محمود خد “سوكسيه” نجاح المنتخب في ركلات الترجيح، وبعدها حسام أصر أن محمود يمشي من المنتخب لولا تدخل بعض الوسطاء… ٢- المشاكل والأزمات الشخصية لحسام واللي امتدت لأكثر من اربع شهور دلوقتي.. محدش كان السبب فيها ولا حد ترصدله.. ووصلنا في النهاية لحد ما المجلس الأعلى لتنظيم الإعلام منعه من الظهور الإعلامي في سابقة تاريخية إن مدرب منتخب مصر يبقى ممنوع يظهر إعلاميًا بسبب خلافات شخصية؟ وطبعًا ديه إهانة لمنصب المدير الفني ومكانش ينفع تعدي كدة… ٣- لو كان في اي مساحد ترصد شخصي لحسام من اي شخص.. كان المفروض تكون من هاني الوريدة بعد ما حسام كان غتح عليه النار قبل انتخابات اتحاد الكرة وقال جملته الشهيرة " مترجعوش الوشوش القديمة".. ورغم ان اي حد ممكن يشوف انه كان من حق ابوريدة اول ما يكسب الانتخابات وقتها يمشي حسام بسبب التصريح ده .. ابوريدة معملش كدة .. وكان عقلاني الى اقصى درجة في التعامل مع حسام وابراهيم والتزم بالعقد الممضي معاهم حرفيا... ٤- تعمد حسام صنع الأزمات مع نجوم المنتخب.. بدأ بحجازي وبعده مصطفى محمد وبعدهم الشناوي لغاية لما وصل لصلاح، واللي تعمد يهينه لما قال إن تغييره في ماتش أنجولا في الدقيقة 60 كان فني!!! ٥- ونقطة صلاح على وجه التحديد كانت إنكار جميل واضح من حسام لكل المساعدات اللي عملها صلاح للمنتخب سواء قبل كأس الأمم أو قبل المونديال.. وفي الآخر كانت الإشادات بتروح لحسام.. ونوثقها تاني… صلاح قبل كأس الأمم الإفريقية عمل خناقة كبيرة جدًا وصلت لوزارة الشباب والرياضة عشان يستقدم مدرب أحمال كويس بدل من المدرب البرازيلي “المغشوش” اللي كان موجود.. وبسبب الخطوة ديه معدلات اللياقة والأحمال للمنتخب اتحسنت جامد جدًا في البطولة وقتها… برضو قبل المونديال.. صلاح اتدخل إداريًا ومن جيبه الخاص استقدم 2 أخصائيين تغذية محترفين بعد موافقة الجهاز الطبي، وكان لهم دور كبير مع اللاعبين في البطولة… أخيرًا.. بكل إنصاف حسام حسن اجتهد وعمل اللي عليه مع الفريق.. لكنه بعد المونديال قرر إنه ينسب كل حاجة لنفسه بس وصور لنفسه إنه الآمر الناهي في كل شيء وعلى أي حد.. في مشهد شبيه جدًا لسيناريو فيلم “الشادر” لأحمد زكي.. نفس البداية.. ونهاية متوقعة بسبب كل المعطيات اللي أدت لهذه النهاية الحتمية!!!

اسبانيا والمانيا .. مش ايطاليا .. اسمع كويس وبلاش نقل بدون تركيز .. ركز شوية 👌👌

من الاخر فيما يخص شركة الكرة لنادي الزمالك .. وضروري جدا ادارة الزمالك متعملش الغلطة ديه 👇👇👇

يا راجل بتقول ايه بس 😃😃 كل اللي بيحصل ده من وقت الصيف في الساحل مش مسمع عندك اي حاجة 😂😂

للمرة الاولى تاريخيا .. يمنع المدير الفني لمنتخب مصر من الظهور في اي وسيلة اعلامية .. قرار بكل تأكيد هينتقص من هيبة المدرب امام لاعبيه .. في وقت هو نفسه عنده مشاكل مع اكتر من لاعب خصوصا " كبار المنتخب حاليا"... حسام حسن لم يصن منصبه .. ولم يحافظ على الفرصة التي اتيحت له من العدم حرفيا.. اعتقد وبنسبة كبيرة .. مسألة منع حسام حسن بقى من " كرسي المدير الفني نفسه".. يتم التحضير لها على نار هادئة...

يلا بينا 👇👇👇

اهلا بيك يا صديقي .. لا خالص ولا في اي مقارنة حتى ... مجموعة الزمالك اقوى بكتير لانها اكتر تنافسية بين ال٤ فرق

ماتشين الاتحاد والجيش في كاس الرابطة مش الدوري .. تم التصحيح

شهر ناري قادم للزمالك من ٢٨ ديسمبر وحتى ٢٧ يناير.. ٨ مباريات .. ٦ داخل مصر .. و٢ خارج مصر.. وبعض المواجهات الفاصل الزمني بينهم ٤٨ ساعة فقط 😳😳👇👇: ٢٨ ديسمبر: بيراميدز - الزمالك (الدوري) ٤ يناير: الزمالك - دجلة (الدوري) ٩ يناير: يانج افريكانز- الزمالك (دوري الابطال) ١٢ يناير: الزمالك - الاتحاد (كاس الرابطة) ١٦ يناير: الافريقي - الزمالك (دوري الابطال) ١٩ يناير: الجيش - الزمالك (كاس الرابطة) ٢٣ يناير: الزمالك - المولودية (دوري الابطال) ٢٧ يناير: زد - الزمالك (الدوري)

مجموعة الاهلي في الكونفيدرالية: (الاهلي - الرجاء - اسكوكارا التوجولي - بريمو اوجستو الانجولي) مجموعة متوازنة .. والافضلية للاهلي والرجاء .. مجموعة الزمالك في دوري الابطال: (الزمالك - يانج افريكانز التنزاني- مولودية الجزائر- الافريقي التونسي) مجموعة نارية بكل ما تعنيه الكلمة .. اقوى مجموعة تقريبا في كل مجموعات البطولتين من حيث التنافسية بين الاربع فرق .. اسوا حظ للزمالك بين كل الاحتمالات المتاحة... مجموعة بيراميدز في دوري الابطال: (بيراميدز - الهلال السوداني - حوريا كوناكري - المغرب الفاسي) مجموعة قوية ولكن ليست في قوة مجموعة الزمالك...

اللهم صل علي جميع الرسل والانبياء بداية من سيدنا آدم اول من نزل بدين الاسلام على وجه الارض .. مرورا بسيدنا ابراهيم .. وسيدنا موسي الذي أوتي رسالة التوراة .. وسيدنا داوود الذي أوتي الزبور.. وسيدنا دانييال .. وسيدنا عيسى الذي أوتي رسالة الانجيل .. وانتهاء بسيدنا محمد خاتم الانبياء والمرسلين برسالة القرآن الكريم اخر رسالة في دين الاسلام.. الدين الشامل للبشرية والذي تضمن كل الرسالات والصحف التي ارسلت للانبياء جميعا.. #دين_واحد_رسالات_سماوية_متعددة #الفرقة_الناجية #جمعة_مباركة