علي 🇾🇪

حد جاب سيره هذا الخبر؟ في مجزرة عملها دلوقتي التحالف السعودي في اليمن أكثر من 30 شهيدا على الأقل في قصف على سوق شعبي بمحافظه تعز. التقرير صدر عن وزارة الصحة في صنعاء ولازم يحصل تحقيق إقليمي ودولي .. السؤال المهم: هل إحنا قدام إبادة جماعية بتحصل في اليمن باسم الشرعيه؟ هل إحنا هنكرر تاني جرائم قطاع غزة في اليمن؟ وهل مجازر عاصفة الحزم التي أودت بحياه 250 ألف يمني حسب تقديرات الأمم المتحدة هترجع تاني؟ الحرب دي لازم تقف بأي شكل..! حياة المدنيين من الطرفين مقدسة

حاجة ثانية، قناه الميادين لها مراسلين في اليمن وفي مناطق الاشتباكات فطبيعي يكون عندها معلومات محققة ومؤكدة حول طبيعة الحرب. بينما قنوات الخليج بعضهم لا يمتلك مراسلين فبيعتمدوا على أخبار غيرهم، وبعضهم يمتلك جواسيس بيرسلوا سردية مؤدلجة مش أخبار صحفية، وبعضهم عنده مراسلين لكن في المناطق الآمنة مش في مناطق الإشتباكات نفسها وأخبار الحرب تأتي لهم من مصادر حربية على طريقة (قالوا وقلنا).. المصادر الحربية نفسها بتبقى أحيانا لعنة على الصحافة، لأن شغلها وبياناتها بتبقى حرب معنوية، ولذلك بيصدروا بيانات غير واقعية وكاذبة بدعوى ضرورة عدم استفادة العدو من الواقع الميداني.. القناه بتاخذ هذه المصادر على أنها حقيقة، ولا تناقش أو تدرك الباعث الأصلي من إصدارها، اللي هي حرب معنوية لا أكثر ولا أقل

نصيحة لو عاوز تشوف أخبار اليمن الحقيقية بدون تهويل ومبالغة شوف قناة (الميادين).. صحيح تبع المقاومة، يعني منحازة لأحد الأطراف لكنها مع ذلك لا تكذب بخصوص تقدم وانسحاب أحد الأطراف، ولا تدعي مكسب وخسارة كلية، ولا تبالغ في عرض عناوينها.. بقية إعلام الخليج للأسف يبالغ ويكذب في الإعلام الخليجي هتلاقي قوات صنعاء ماتت من ٧ سنين، واتقتل منهم ٣ مليون، والشرعية بتحكم صنعاء من ١١ سنة.. وكل حاجة تمام، والشرعية تحكم ومسيطرة والدنيا زي الفل..!! طبعا الغياب دا وحالة الإنكار والتضليل لأن القائمين على تلك القنوات واخدين أوامر بينفذوها بدون تحقق أو استبيان أو استقصاء، والصحفيين والإعلاميين هناك مع احترامي لا يمتلكون حاسة نقدية.. ولذلك طبيعي تشوف هناك كوارث، بعد ما يدعوا على القناة سيطره قوات الشرعية على مكان أو مدينة، فورا تلاقي ثاني يوم نكتشف العكس أو أن الخبر مزور..!!!..أو لسه فيه اشتباكات، او أن التقدم محدود تم تصويره بشكل مبالغ، وبدل ما يكلفوا نفسهم ببيان اعتذار لأ يكملوا عادي ولا كان حاجه حصلت.. !! باختصار مفيش صحافة خليجية لأن هذه القنوات تقوم بدور عسكري وسياسي، وضمير المهنة غائب بشكل كبير، ولذلك أخبار #اليمن عليها مضللة، ولا يمكن تشوف الحقيقة خلالها.. والمدمن لها ممكن يصاب بأمراض عقلية وأعراض ذهان وبارانويا وخلافه