ℳℴ𝓈𝓉𝒶𝒻𝒶 ℱ𝒶𝓇𝒾𝒹

النهاردة من أسعد أيام حياتي بجد ♥️✨ أنا من الناس اللي ما بتحبش تتكلم عن حياتها الشخصية أو شغلها على الميديا... بس حابب أوثّق اللحظة دي. من يوم 15/12/2022 وده كان أصعب يوم في حياتي. فارقت ضهري وسندي وقدوتي في الحياة... والدي العزيز رحمة الله عليه 🖤 الدنيا حرفياً ادّتني ضهرها. ومبقاش فيه أي حاجة عدلة. ومن بعدها إخفاقات وصدمات وعدم توفيق في حياتي عموماً. كأن الدنيا بتعاقبني. وسط كل ده كنت مطالب تكون قد المسئولية اللي ربنا حاطك فيها. وسط كل الظلام ده كان فيه بريق أمل من بعيد... وهو شغلي. الشئ الوحيد اللي وقف جنبي ومتخلاش عني. فكنت بديله حقه دايماً وبيكون من أهم أولوياتي. يشاء القدر، وزي ما يكون في ترتيبات كونية من عند ربنا، إن يتسند لي بوزيشن + شغلي الأساسي. وده كان تكليف. فكان الموضوع ريسك كبير جداً... يا تعلى بيه يا تنزل. الموضوع كان صعب في البداية. ولازم البداية تكون من عندك... تخلق دوافع وتحديات لنفسك. وقد كان 💪 بتوفيق من ربنا تفوقت على نفسي لدرجة إن محدش حس إن فيه حاجة متغيرة. بل بشهادة أغلب الملاك... اتقدرت جداً. خصوصاً إني لقيت كذا ميل متقدم إنّي مقصر في شغلي وإني وإني... اطلعت عليها بحكم البوزيشن الجديد، ولقيتها من أقرب الناس ليا في الشركة. قدامك ملاك ومن وراك حاجة تانية. استغربت... وكملت عادي. خلص التكليف اللي كان مسنود لي، وفاكر كام كلمة معلقين معايا لحد دلوقتي: "إنت أبهرتنا كلنا بأدائك وشغلك وتفانيك. إحنا محقوقين ليك إننا فكرنا في يوم إنك مقصر أو مش قد المسئولية. خصوصاً المهمة مكنتش سهلة ومكناش متوقعين منك كل ده" 👑 لما تكون مش على علم إن واصل حاجات عنك وانت أصلاً مظلوم... ويكون الرد كده، فده إن دلّ يدل إن ربنا عادل جداً. وترتيباته لينا هي الخير دايماً 🤍 القصة مخلصتش هنا... دي بدأت. من 3 شهور تقريباً اتسند لي مهمة أصعب من اللي فاتت. المرة دي كان المتحكم الرئيسي هو "إنت". رأس الهرم حرفياً. فده كان امتحان أكبر ومسئولية أعلى بكتير. بس المرة دي الدوافع والتحديات كانت أكبر، والثقة اللي محطوطة فيك أكبر. وبعد توفيق ربنا ودعوات أهلي وكل الناس اللي بتحبني وبتحبلي الخير 🙏 كانت النتيجة فاقت كل التوقعات. والشغل طلع على أكمل وجه. حسيت إن ربنا بيكافئني حرفياً عن كل إخفاق أو صدمة عشتها في الأربع سنين اللي فاتوا. لما يكون في مشروع بيتسلم وإنت أهم واحد في الحفل... وكل الناس بتبصلك إنك إنت كنت قد المسئولية. لحظة جميلة إنك تتعب وتستغل الفرصة وتطلع بأحسن شكل ممكن. لو قعدت أرسم خطط وسيناريوهات كتير عمرها ما هتكون أعظم ولا أحلى من كده. حقيقي كرم ربنا فاق كل توقعاتي 🥹✨ كان نفسي والدي يكون جنبي في يوم زي ده... بس أنا على يقين إنه حاسس بيا وفخور جداً بتربيته ليا. ربنا يرحمك يا أبي ويجعل كل تعبي في ميزان حسناتك ♥️ #الحمدلله_دائماًوأبداً

هي زعلت بسبب تصرفاتك وإنت زعلت بسبب رد فعلها على تصرفاتك ودي مش نفس الحاجة بطل تقلب الترابيزة وتحوّل نفسك من الشخص اللي غلط للشخص اللي اتظلم لمجرد إنها واجهتك بتصرف ضايقها مش كل مرة حد يعاتبك فيها يبقى بيدور على خناقة ومش كل مرة يقولك إن تصرفك زعله تبقى بتعمله مشكلة من لا شيء يمكن هو بس بيحاول يفهمك إن اللي عملته ضايقه ماينفعش تزعل حد بتصرفاتك وتقلل من زعله وتتهمه إنه بيكبر الموضوع لمجرد إنه قرر يتكلم معاك تحمل مسؤولية غلطك مش ضعف ولا تقليل منك بالعكس دي أبسط علامة على إنك شخص ناضج وعارف يحافظ على علاقة فارقاه

من الحاجات اللي بتفهمها بعد تجارب كتير إنك مش محتاج ناس مبهرة قد ما إنت محتاج ناس حقيقية. ناس ليها عيوبها بس مش بتكدب عليك عشان تخبيها. بتغلط بس بتعترف. بتختلف معاك، بس مابتقللش منك. وبتحبك من غير ما تحس إنك لازم تفضل طول الوقت في أحسن نسخة منك عشان تستحق الحب. الكمال مش ضمان للأمان... والعيوب مش دليل على سوء الشخص.. اللي يفرق فعلًا هو الصدق، والأصل، ونضافة القلب...

الإنسان اللي نضج من تجارب صعبة .. صعب حد يملي عقله بسهولة

وهيفضلوا يلعبوا بمشاعرك طول ما إنت سامحلهم بكده

جماعة، في حاجة غريبة حصلت معايا من شوية. جه على بالي حد من صحابي، وتليفوني كان بيشحن. فزي أغلب الناس دلوقتي، الواحد بقى بينسى بطريقة غريبة، فقولت هعمل له ڤويس، لو معملتش دلوقتي هنسى أصلًا. لما بشحن الفون بفصل الداتا عنه، بيقولوا يعني إن ده بيطوّل عمر البطارية بتاعة أجهزة آبل، مش موضوعنا. مفيش 3 دقايق، ولقيت موبايلي بيرن، هو نفس الشخص اللي كنت هبعت له رسالة عشان أطمن عليه. فقولت له أول حاجة: انت شفت الرسالة بتاعتي فعشان كده رنيت؟ فقالي: مفيش رسايل وصلت والله، أنا متصل أطمن عليك. فعلًا شيكت على الفون وأنا معاه في المكالمة، لقيت مفيش رسايل، لأن مش موصل داتا. فقالي: فينك؟ قولت له أنا فين، طلع قريب مني، قالي: أنا جايلك. جه وقعدنا مع بعض شوية ومشي. الموضوع مستغربه أوي، لأن أول مرة يحصل معايا. بالله عليكم بدون هبد، اللي عنده معلومة أو تفسير للموقف يقولها لي، وشكرًا.

عمال تحلى في عيني واقول انا مش قد عيونك دول ❤️

مهما عملت مش هتعرف تغير من طبع إنسان سام، حتى لو قدمت من الود والحب أطنان، هتضيع وقت وطاقة بدون نتيجة، أو هيعاملك كويس مؤقتًا، وفجأة هيلدغك بدون مقدمات، وهتسأل نفسك: أنا عملت إيه عشان يعمل معايا كدا؟ والاجابة انت ما عملتش حاجة، هو اللي طبعه مش بيتأثر بالعطاء ولا بالحب ولا بالمواقف الحلوة، ولا بيعرف يصون الود، كائن سام بلا مشاعر أساسًا! .. في جمله بتقول: "إطعام الأفعى العسل؛ لن يغير من طبيعتها المسمومة."

هي الناس اللي بتثبّت باللايكات فترة وبعدها بتختفي دي لهفة البدايات بس يا إخواتي ولا إيه؟ احنا بنفهم بس!

فى الكيمياء الكربون لازم يرتبط ب ٤ هيدروجينات عشان يستقر 🙂

بقعد اعترض علي اي حاجة بتتقال من حد بحبه عشان النقاش يزيد واحتماليه ان فيه ايفيه يتقال تزيد مع اني ممكن ابقي متفق مع رأيه عادي بس هو النكش اكبر لغة حب عموما

الدنيا صعبة قوي ، بس مش للدرجادي يعني 😅

من أكتر الحاجات اللي بتطوّل عمر أي علاقة فاشلة إنك تفضل تدور للطرف التاني على أعذار.. تقول أصله مضغوط، أصله مشغول، أصله مش بيعرف يعبر، أصله عنده ظروف، أصله اتربى بطريقة مختلفة وتفضل كل مرة تعدّي وتستحمل وتفهم وتلتمسله العذر.. لحد ما تكتشف إنك كنت بتفهمه أكتر ما هو بيحاول يفهمك، وبتراعي ظروفه أكتر ما هو بيراعي مشاعرك، وإنك طول الوقت كنت بتدور على مبررات لتصرفاته بدل ما تسأل نفسك إنت مستحمل كل ده ليه.

✨🔥

🍲 🥩 🤤