محمود إسماعيل | Space Engineer

الصورة دي فيها مثلث بيضاوي أصفر داخله عنقود مضيء، هذا العنقود يُسمى "عنقود لانياكيا" يحتوي على 100,000مجرة، كل مجرة تحتوي على مليارات النجوم. النقطة الحمراء الصغيرة هي مكان تواجد مجرتنا "درب التبانة" التي تحتوي على 300 مليار نجم، أحد هذه النجوم هي "الشمس" هناك 10 ملايين عنقود في الكون مثل عنقود لانياكيا، هذه الـ 10 ملايين هي العناقيد الكونية التي استطاع العلماء رؤيتها فقط، مما يعني أن هناك ملايين وربما المليارات من العناقيد الاخرى التي لم يروها. كل الارقام دي تخليك تسأل هل انت لوحدك في الكون فعلا ؟! هل كل ملايين المجرات ومليارات النجوم وتريليونات الكواكب مفيهاش كوكب واحد بس قابل للحياة او عليه فعلا حياة ! هل احنا لوحدنا في الكون الهائل ده ! ده سؤال الانسان فضل يسأله ويحاول يلاقي اجابه عليه والسؤال التاني هو ازاي الكون الهائل ده ابتدي وهل نقدر بامكانيات البشر نعمل ده ؟! وازاي هنقدر نشوف حاجه حصلت وخلصت وبقت ماضي ! الاجابه علي السؤالين دول اجابته هو جيمس ويب ! فالحديث عن جيمس ويب لن ينتهي ثريد

تويتر الأكاديمي.

بما انك بتحبي القوايم المرقمة والانجليزي الكتير تعالي نعمل Reality check سريع لردك من جوه كلامك نفسه: 1- بتقولي "فين التلميحات انا بقولها صريحة" .. من فرط الصراحة التويتة الاولى مكنش فيها اسم واحد لدرجة ان الفولورز بتوعك نفسهم دخلوا يسالوكي في المنشن " مين دي؟؟" عشان تضطري تنزلي ليهم سكرين شوت تشرحي انتي بتلقحي على مين. 2- بتقولي انك مش شايفة نفسك مرجع وانك بتكلمي 5 من ال 300 فولور ماعدا 2 يعني بعد ما يتشال الاتنين دول هيتبقى 3 انفار بالعدد فهل التلاتة دول هما الجماهير الغفيرة اللي وقفتي ترحبي بيهم على بوابة الوعي وتقولي ليهم A few years late, but welcome وتفكريهم ان تحفظاتك سابقة عصرها بـ سنتين تلاتة؟ 3- بتقولي في نقطة 3 ان جملة التنوير المزيف بتضحكك ومش مهتمة تنشري ايديولوجيا وبعدها بسطر واحد في نقطة 4 لسانك خانك وقلتي بالحرف يعني بيحوق فيكم اللي بيحاولوا ينوروا اوي يعني اثبتي التهمة على نفسك في نفس السطر واعترفتي انك شايفانا كائنات ضالة ياعيني مبيحوقش فيها التنوير بتاعك 4- الاجمل هو انك مسمية تحفظاتك القديمة دي نقد On the intellectual level ولما بنبص على النقد الفكري العميق ده بنلاقيه عبارة عن تشخيص امراض نفسية ومعايرة بشغلها وشماتة انها عايزة تتجوز لو ده تعريف الـ Intellectual level عندك فطبيعي جدا تشوفي النقد المباشر لكلامك بانه راجل قش 5- اخيرا وقبل ما اودعك للأبد لما تويتة واحدة هادية من غير لفظ خارج تخليكي تكتبي ثريد من 3 تويتات و 5 نقط مرقمة وتشتمي الكل باقذع الالفاظ وبعد كل الصياح ده تختميها بكلمة يا استاذ محموق فده لوحده كفيل يشرح للـ 3 فولورز معنى الاسقاط النفسي في ابهى صوره

معظم الملحدين او الغير مؤمنين بدين محدد بيبقى عندهم وهم او ظن انهم أكثر قراءة ومعرفة من غيرهم وعندهم هوس بان احنا منصفين لكن الباقي مش عارف يكون منصف مع نفسه وعقيدته .. وده بعيد عن نقطة ان كل شخص حر يؤمن باللي هو عايزة .. انا هنا بتكلم عن التفكير نفسه مش الشخص وعشان النقطة دي تحديدا هرد على شويه السذاجة دي ومش هجيب رد واحد من مثقين وعلماء المنطقة دي .. نروح لناس تانية ليها رحلة وتجربة أعمق من شخص قرأ كتابين ولا عشرة البوست ده بيردد اربع شبهات استشراقية قديمة تعود لكتابات المبشرين في القرن ١٨ و ١٩ متخيل أنها حقائق علمية في الوقت اللي فيه الأكاديميا الغربية الحديثة نفسها في جامعات أكسفورد وهارفارد والسوربون وجورج تاون وييل فككت الادعاءات دي تماما وأثبتت تهافتها بالمنهج التاريخي النقدي Historical-Critical Method .. وعشان نخرج من دايرة العاطفة الدينية تماما، تعال نحتكم للمراجع والابحاث الاكاديمية الغربية غير العربية فقط، ونشوف ازاي علماء ومؤرخين الغرب نفسهم ردوا بالادلة التاريخية على النقط اللي ذكرتها بالترتيب - سؤال: ايه اللي في رحلة محمد يحتاج التقدير والفهم والانبهار؟ اللي جاوب على السؤال واحد كبار فلاسفة ومؤرخي الغرب بمعايير علمية مجردة عالم الفيزياء الفلكية والمؤرخ الامريكي Michael H. Hart لما عمل دراسته الشهيرة لترتيب اكتر 100 شخصية مؤثرة في تاريخ البشرية ص 3–10 حط محمد في المركز الاول منفردا على راس تاريخ البشرية وبرر ده اكاديميا بانه الانسان الوحيد في التاريخ كله اللي نجح باعلى درجة على المستويين الديني والدنيوي السياسي مع بعض وقدر يبني من الصفر ومن وسط قبائل متناحرة دولة وحضارة عالمية في اقل من عشرين سنة المؤرخ والفيلسوف الفرنسي الفونس Alphonse de Lamartine في موسوعته التاريخية عن تاريخ تركيا بالمجلد الاول حط 3 معايير صارمة لقياس عظمة اي عبقرية بشرية في التاريخ سمو الغاية وضآلة الوسائل المتاحة وضخامة النتائج المحققة ووصل ان مفيش شخصية واحدة في التاريخ الانساني كله تقدر تنافس محمد في اجتماع المعايير التلاتة دول - شبهة سن السيدة عائشة جوازه من طفلة عندها 9 سنين وهو 54 سنة الاكاديميا الغربية حسمت النقطة دي من زاويتين منهجيتين بيهدموا الطرح ده من جذوره اول زاوية هي فلسفة التاريخ مغالطة الاسقاط الزمني - Fallacy of Presentism .. المؤرخ الامريكي ديفيد هاكيت فيشر استاذ التاريخ بجامعة برانديز اسس في كتابه المرجعي مغالطات المؤرخين ان محاكمة اعراف العصور القديمة بمقاييس القرن 21 هي مغالطة تاريخية ساذجة ولما طبق مؤرخ جامعة اكسفورد الشهير مونتغمري واط في كتابه محمد نبيا ورجل دولة والمؤرخة البريطانية كارين ارمسترونغ القاعدة دي .. وضحوا ان الزواج في العالم القديم كله كان بيتم بمجرد البلوغ الجسدي وبهدف عقد المصاهرات السياسية بين العائلات الكبرى "زي توثيق التحالف مع ابي بكر" للدرجة اللي وثقت بيها البروفيسورة انجيليكي لايو في مرجع جامعة هارفارد ان سن الزواج القانوني والكنسي للبنات في الامبراطورية البيزنطية كان 12 سنة اصلا ده كمان البروفيسورة كارولين كوكا وثقت في كتابها الاكاديمي الصادر عن جامعة نيويورك ان سن الموافقة القانوني في اغلب ولايات امريكا في القرن الـ 19 كان 10 سنين وفي ولاية ديلاوير الامريكية نفسها فضل 7 سنين لحد اواخر القرن الـ 19 .. والدليل التاريخي القاطع اللي بيذكره مونتغمري واط ان الد اعداء محمد في مكة والمدينة واللي كانوا بيتصيدوا ليه اي نقيصة معترضوش بكلمة واحدة على الزيجة دي لانها كانت العرف الطبيعي السائد في العالم القديم كله ومن زاوية المنهج التاريخي النقدي في جامعة اكسفورد .. حتى لو احتكمنا للمنهج النقدي الغربي المتشكك نفسه ففي سنة 2022 الباحث الاكاديمي الدكتور Joshua Little نشر اطروحة دكتوراه مرجعية في جامعة اكسفورد تحت اشراف البروفيسور كريستوفر ميلشرت طبق فيها ادق ادوات تحليل الاسناد والمتن الغربي اللي طوره المستشرق الالماني هارالد موتسكي واثبت بالدليل العلمي ان رواية الـ 9 سنين نفسها نشات متاخر في بيئة العراق في منتصف القرن التاني الهجري لاسباب مذهبية وسياسية ومكنتش موجودة اصلا في اقدم المصادر التاريخية والفقهية في المدينة المنورة زي سيرة ابن اسحاق وموطا مالك ومتهيالي دول نقطتين كفاية للرد على الشبهة دي - شبهة "المرأة تاتي في صورة شيطان او كلب" الجملة دي بتكشف عن فضيحة منهجية اسمها التلفيق النصي لانك دمجت كلمتين من نصين منفصلين تماما في سياقين مختلفين عشان تصنع جملة مثيرة بخصوص روايةقطع الصلاة البروفيسور الامريكي جوناثان براون رئيس كرسي الحضارة الاسلامية في جامعة جورج تاون في كتابه "الحديث" وكتابه "اساءة اقتباس محمد" ومعاه البروفيسورة ليلى احمد في كتابها الصادر عن مطبعة جامعة ييل وضحوا ان النص بيتكلم عن "تشتيت التركيز الذهني للمصلي" في الفضاء المفتوح ومش مساواة في القيمة الانسانية اصلا والاهم انهم وثقوا ان السيدة عائشة نفسها اعترضت بشدة على الراوي وقالت ان كلام النبي اتفهم غلط واتنقل مبتور في غير سياقه اما جملة "تقبل في صورة شيطان" فوضح جوناثان براون ان ده مجاز بلاغي بيوصف شدة "الجاذبية والفتنة البصرية" في عين الراجل لما يشوف امراة اجنبية وان تكملة النص فليات اهله هي في الحقيقة تشريع ايجابي بيقدس العلاقة الزوجية كاستجابة فطرية طبيعية وده كان ثورة صحية مقارنة بالفكر الكنسي البيزنطي المعاصر ليه زي ما وثقت ليلى احمد واللي لخصه ابو الكنيسة اللاتينية الشهير Tertullian في كتابه عن لباس النساء لما خاطب المراة باعتبارها في ذاتها حرفيا You are the devil's gateway ودعا للرهبنة والتبتل - شبهة السيدة صفية "قتل ابوها واخوها وجوزها ونام معاها في نفس اليوم انت بس مقرتش حدث خيبر في اي مصدر تاريخي،وده اللي وثقه مؤرخ جامعة اكسفورد مونتغمري واط في كتابه المرجعي "محمد في المدينة" والمؤرخة البريطانية كارين ارمسترونغ .. ابو صفية حيي بن اخطب مقتلهوش في خيبر اصلا حيي بن اخطب مات قبل معركة خيبر بحوالي سنتين كاملين في احداث سنة 627م، بينما معركة خيبر كانت في اواخر سنة 628م فازاي بقى قتله ونام معاها في نفس اليوم ؟ .. وثانيا كذبة الدخول في نفس اليوم .. المصادر التاريخية اللي اعتمد عليها مونتغمري واط وارمسترونغ بتثبت انه مدخلش بيها في خيبر ولا في نفس اليوم بل انتظر لحد ما انتهت المعركة وخرج الجيش ووصلوا لمنطقة "سد الصهباء" على بعد اميال من خيبر بعد ما انتهت فترة استبراء رحمها كاملة وبعد ما اعتقها تماما وخيرها بين انها ترجع لاهلها او تتجوزه كزوجة حرة .. وأخيرا ثالثا السياق السياسي والعسكري زوجها كنانة بن الربيع محارب اتعدم بتهمة الخيانة العسكرية ونقض المعاهدة واخفاء الكنز المخصص لتمويل الحرب ومماتش عشان ياخد مراته وزواج محمد من صفية بنت زعيم بني النضير زي ما بيحلل مونتغمري واط كان قرار سياسي شهم انقذها من مذلة "اسيرة حرب" وده كان القانون الروماني والفارسي السائد في العالم القديم ورفعها لمرتبة "ام المؤمنين" السيدة الاولى في الدولة وده انهى العداء الدموي وضمن الحماية لباقي يهود خيبر شبهة السيدة زينب بنت جحش "بص لمرات ابنه" الحبكة الدرامية بتاعة انه "لمح مرات ابنه فجاة واعجب بيها" فندها .. بروفيسور جامعة اكسفورد ويليام مونتغمري واط بشكل حاسم في كتابيه "محمد في المدينة" و "محمد نبيا ورجل دولة" ومعاهم كمان المؤرخة البريطانية كارين ارمسترونغ اثبتوا استحالتها تاريخيا ومنطقيا : ١- زينب هي بنت عمته المباشرة وكانت في اواخر التلاتينات امها هي اميمة بنت عبد المطلب عمة النبي يعني زينب اتربت قدام عينه من طفولتها في مكة وعارف ملامحها وشكلها طول عمره ويوم جوازها منه كان عمرها حوالي 35 او 38 سنة ده حتى تشريع الحجاب نفسه نزل اصلا في ليلة زواجه من زينب مش قبلها يعني مكنش فيه حجاب قبل الحدث ده عشان يتفاجئ بجمالها من ورا ستارة مثلا !! ٢- محمد هو اللي جوزها لزيد من البداية بالرغم من رفضها زيد بن حارثة مكنش ابنه البيولوجي بل كان مولى محرر ومحمد هو اللي ضغط ادبيا على زينب واخوها عشان توافق تتجوز زيد لكسر الطبقية الاجتماعية في قريش وزينب اللي كانت بتفتخر بنسبها القرشي العالي كانت رافضة الجوازة ومش متقبلة زيد، فاستحالت الحياة بينهم وزيد هو اللي كان بيروح يشتكي ويطلب الطلاق ومحمد يرفض ويقوله "امسك عليك زوجك" ٣- الهدف التشريعي والسياسي بعد ما زيد طلقها فعليا وانتهت عدتها محمد اتجوزها لسببين وضحهم مونتغمري واط الاول هو تحمل المسؤولية الاجتماعية وجبر خاطر بنت عمته وتوثيق التحالف مع اسرتها والتاني هو كسر تقليد "التبني الجاهلي" عمليا واللي كان بيدي الابن المتبنى احكام الابن البيولوجي وبيزيف الانساب والمواريث تكرار شبهات سطحية اكل عليها الدهر وشرب من غير فحص تاريخي مبيكشفش عن جرأة فكرية قد ما بيكشف عن فجوة معرفية كبيرة بين الكلام المرسل على السوشيال ميديا وبين اللي وصلت ليه الابحاث الاكاديمية المحكمة في جامعات الغرب مش العربية كمان ومن عشرات السنين المصادر : Michael H. Hart (1978), The 100: A Ranking of the Most Influential Persons in History, Hart Publishing Company, pp. 3–10 – التحليل التاريخي لاختيار النبي محمد في المركز الاول كاكثر الشخصيات تاثيرا في تاريخ البشرية. Alphonse de Lamartine (1854), Histoire de la Turquie, Paris, Vol. 1, pp. 276–277 – المعايير الثلاثة لقياس العبقرية التاريخية وتطبيقها على سيرة نبي الاسلام. David Hackett Fischer (1970), Historians' Fallacies: Toward a Logic of Historical Thought, Harper & Row, pp. 135–140 – تاطير مغالطة الاسقاط الزمني (Fallacy of Presentism) في محاكمة العصور القديمة بمعايير معاصرة. Angeliki E. Laiou (1993), Consent and Coercion to Sex and Marriage in Ancient and Medieval Societies, Dumbarton Oaks / Harvard University Press, p. 113 – توثيق سن الزواج القانوني والكنسي للفتيات في الامبراطورية البيزنطية بـ 12 سنة. Carolyn Cocca (2004), Jailbait: The Politics of Statutory Rape Laws in the United States, State University of New York Press (SUNY), pp. 23–24 – توثيق ان سن الموافقة القانوني في الولايات المتحدة في القرن الـ 19 كان 10 سنوات وفي ولاية ديلاوير 7 سنوات. Joshua Little (2022), The Hadith of ʻĀʾišah’s Marital Age: A Study in the Evolution of Early Islamic Historical Tradition, DPhil Thesis, University of Oxford – اطروحة دكتوراه بجامعة اكسفورد تثبت بالمنهج التاريخي النقدي تاخر نشاة رواية سن التسع سنوات في العراق وغيابها عن مصادر المدينة المبكرة. W. Montgomery Watt (1956), Muhammad at Medina, Oxford University Press, pp. 214–218 & p. 328 (التسلسل الزمني لمقتل حيي بن اخطب في قريظة 627م قبل خيبر 628م، والسياق السياسي لزواج صفية)، & pp. 329–331 (تفنيد الاسطورة الاستشراقية حول زواج زينب بنت جحش واثبات ان الحجاب نزل ليلة زواجها وانها ابنة عمته). W. Montgomery Watt (1961), Muhammad: Prophet and Statesman, Oxford University Press, p. 102 (السياق التاريخي والسياسي لزواج عائشة وعدم اعتراض خصومه)، & pp. 156–159 (تحليل قضية زيد وزينب والغاء التبني). Karen Armstrong (2006), Muhammad: A Prophet for Our Time, HarperCollins, p. 105 (عائشة والمصاهرات السياسية)، pp. 166–168 (تفنيد قصة زينب بنت جحش)، & pp. 179–181 (حدث خيبر وصفية). Jonathan A.C. Brown (2009), Hadith: Muhammad's Legacy in the Medieval and Modern World, Oneworld Publications, p. 166, & (2014) Misquoting Muhammad, pp. 130–135 – تفكيك الاقتباسات المبتورة للاحاديث المتعلقة بالمراة وبيان اعتراض السيدة عائشة وسياق المجاز البلاغي. Leila Ahmed (1992), Women and Gender in Islam: Historical Roots of a Modern Debate, Yale University Press, pp. 35–36, 60, 73 – دراسة مقارنة لوضع المراة في صدر الاسلام مقابل الفكر البيزنطي وتوثيق نقد السيدة عائشة للروايات. Tertullian (c. 202 CE), De Cultu Feminarum (On the Apparel of Women), Book 1, Chapter 1 – النص الكنسي المبكر الذي يصف المراة حرفيا بانها "بوابة الشيطان" (You are the devil's gateway).

تفكيرك منطقي جدا بالنسبة للشتا ومنع شمس العصر بس فيه زي فخ فلكي بيحصل في الصيف مع الواجهة القبلي الشرقي الجنوبية الشرقية - زاوية 135 درجة في صيف مصر الشمس بتشرق من الشمال الشرقي وبتتحرك في السما عشان توصل للجنوب وقت الضهر في الفترة من الساعة ٧ الصبح لحد ١١ الصبح .. بتكون الشمس في مواجهة الواجهة القبلي الشرقي والمشكلة ان زاوية ارتفاعها في الساعات دي بتكون لسه متوسطة ومنخفضة بين 30 لـ 60 درجة فـ سقف البلكونة مبيقدرش يحجبها والنتيجة ان شمس الصيف بتخترق الشبابيك وتضرب جوه الغرف لمدة 3 او 4 ساعات كاملة الصبح وتسخن الشقة بدري عشان كده القبلي الصريح 180 درجة بيتفوق هندسيا لان الشمس في الصيف مبتجيش قدامه غير وهي في اعلى نقطة في السما وقت الضهر زاوية 83.5 درجة فسقف البلكونة بيحجبها 100% ومبيدخلش شعاع واحد منها

اختلاف النتيجة بين المحاكاة والواقع على الطبيعة غالبا بيرجع لـ 3 اسباب الخلط بين الشمال المغناطيسي والشمال الجغرافي الحقيقي لو بتحدد اتجاه المبنى ببوصلة الموبايل فالبوصلة بتقيس الشمال المغناطيسي وفي مصر عندنا زاوية انحراف مغناطيسي حوالي +4.5 الى +5 درجات شرقا والـ 5 درجات دول كفيلين يرحلوا زاوية الظل على الواجهة بشكل ملحوظ المحاكاة الدقيقة لازم تحسب الوقت الشمسي المحلي مش وقت الساعة العادي لان مدار الارض اهليجي فالشمس بتتقدم او تتاخر لحد 16 دقيقة على مدار السنة تشوه عدسة الكاميرا صور الموبايل العريضة Wide Angle بتغير نسب ابعاد الظل عن الحقيقة لو عايز محاكاة سريعة ومجانية على الخريطة فيه موقع ShadeMap.app ممتاز بيسحب ارتفاعات المباني ثلاثية الابعاد والتضاريس وبيرسم الظل بالمللي تقريبا ومعاه موقع AndrewMarsh 3D Sun-Path لرفع موديل الشباك والبلكونة

اللوكيشن مش حي معين .. لكن ممكن نحدد اللوكيشن في اي مدينة في مصر بتحدديه بتريكاية بسيطة على جوجل مابس .. افتحي الخريطة لاي منطقة بتحبيها وبما ان خريطة جوجل دايما الشمال هو البحري فيها لفوق والجنوب القبلي فيها لتحت دوري على شارع واسع ماشي بالعرض على شاشة الموبايل من الشرق للغرب .. وبعدين اختاري العمارة اللي في الجنب الشمالي من ناصيتين الشارع ده بحيث بلكونة الشقة تكون باصة لتحت في الخريطة جنوب صريح 180 درجة وضهرها لفوق بحري صريح اما لو عايزة لوكيشن رباني الواجهة الجنوبية فيه بتضل لوحدها في عز الصيف من غير حتى سقف بلكونة يبقى المكان الوحيد هو انك تنقلي جنوب مدار السرطان عند ابو سمبل لان الشمس هناك في شهر يونيو بتكون في الشمال وقت الضهر مش في الجنوب

الجميل في النقاش ده انه كل ما بيتقدم خطوة بيفتح نقط جديدة ..مباشرة وبدون تمهيد فيه لو تسمحيلي يعني 3 اخطاء علمية وتاريخية صريحة محتاجة تصحيح اولا: جملة بان المنطقة دي كلها مكانتش بتتكلم لغة سامية شبيهة بالعربي فمش هتلاقي اسم محمد اصلا دي خطا فادح في بديهيات علم اللغويات التاريخي وتاريخ الشرق الادنى لان بلاد الشام وقتها كانت بتتكلم الارامية/السريانية ودي حرفيا عصب اللغات السامية الشمالية الغربية واقرب شقيق لغوي ومعجمي للعربية والأهم من كده ان النقوش اللي استشهدنا بيها الصفائية والنبطية في بادية الشام وجنوب سوريا والاردن هي اصلا نقوش مكتوبة بـ العربية القديمة - Old Arabic لقبائل عربية شامية وازود كمان ان اقدم النقوش العربية في التاريخ اصلا اكتشفت في الشام زي نقش النمارة وزبد وجبل اسيس وحران والبوست الاصلي كان بيتكلم تحديدا عن وفادة على ملوك الغساسنة وعرب الشام المسيحيين اللي اسماءهم عربية صريحة زي الحارث وجبلة والنعمان .. فازاي منطقة لغتها السائدة هي السريانية والعربية القديمة يتقال عنها انها مكانتش بتتكلم لغة سامية شبيهة بالعربي ؟ دي نقطة النقطة التانية بخصوص اشارتك لـ الادلة الاركيولوجية في اليمن فده نقل غير مكتمل لابحاث نقوش المسند السبئية والحميرية لان لفظ "م ح م د" اللي ظهر في نقوش فترة التوحيد الحميري في اليمن زي نقش CIH 543 وحطيت صورته مع البوست فهو زي ما وضح كبار علماء النقوش زي Christian Robin و Iwona Gajda انه جه كـ لقب وصفي للرب - Epithet بمعنى المحمود او المبارك في سياق ديني توحيدي "ربهمو محمد" طيب ما هو كده معناه انه اتذكر صح ؟ لا طبعا لانه مكنش اسم علم شخصي ده كان مقابل للمصطلح التوراتي العبري "باروخ/مبوراك " وأخيرا على المستوى المنهجي فكرة استبدال رواية برواية ونقول ان الادلة النقلية غير معتد بيها وان استخدام الدليل الاثري لنفي فرضية ادعائية هو استخدام موجه .. فده يعتبر قلب لقواعد فلسفة العلوم .. طيب هل دي مبالغة مني ؟ لا وده لسبب بسيط ان لما يكون الطرح ادعاء تاريخي موجب بيقول اكيد كان فيه كتير في الشام بالاسم ده فالمنهج العلمي القياسي عشان نختبر الفرضية دي هو الرجوع للسجل الاثري للاسماء Onomastics في نفس النطاق الجغرافي ولما نلاقي السجل الاثري اللي وثق عشرات الالاف من الاسماء خالي تماما من الاسم ده فده اسمه في المنهج العلمي تفنيد تجريبي للفرضية Falsification مش تطويع للادلة المنهج الحيادي هو اللي بيحتكم للنقش والمصدر بدقة لغوية وتاريخية مش اللي بينفي عروبة وسامية لغات الشام عشان نبرر غياب الدليل المصادر : Christian Julien Robin 2004, Himyar et Israël, CRAI, & The Oxford Handbook of Late Antiquity 2012, Oxford University Press – تحليل نقش المسند الحميري CIH 543 في اليمن واثبات ان صيغة (ربهمو محمد) لقب وصفي للرب بمعنى المحمود او المبارك. Ahmad Al-Jallad 2015, An Outline of the Grammar of the Safaitic Inscriptions, Brill – توثيق النقوش الصفائية في بادية الشام باعتبارها اللغة العربية القديمة John Huehnergard & Na'ama Pat-El 2019, The Semitic Languages, Routledge التصنيف اللغوي للارامية والسريانية والعربية كفرع سامي مشترك في الجذور والاشتقاق M.C.A. Macdonald 2009, Literacy and Identity in Pre-Islamic Arabia, Variorum, & OCIANA (Online Corpus of the Inscriptions of Ancient North Arabia, University of Oxford – مسح اسماء ونقوش بادية الشام وشمال الجزيرة DASI Digital Archive for the Study of pre-Islamic Arabian Inscriptions, University of Pisa – الارشيف الرقمي لنقوش المسند في جنوب الجزيرة العربية نقش CIH 543 Karl Popper 1959, The Logic of Scientific Discovery, Routledge – تاطير قاعدة القابلية للتكذيب والتفنيد التجريبي Empirical Falsification في منهج البحث العلمي.

الامنية التانية دي تبان للمعظم انها صعبة بس الحقيقة ان ليها حل علمي بيجمع بين Celestial Mechanics و ال Bioclimatic Architecture ومحسوب بالدرجة والدقيقة بفضل ميل محور دوران الارض 23.5 درجة في صيف مصر الشمس مش بتشرق من الشرق الجغرافي الصريح لكن بسبب ميل الارض بتشرق من الشمال الشرقي وتغرب في الشمال الغربي بزاوية سمت Solar Azimuth بتوصل لـ 62 درجة شمالا فبتضرب الشقق البحرية الشرقية والغربية بزاوية مائلة في الصيف ولما ييجي الشتا مسار الشمس الظاهري بينزاح للجنوب فتغرق الشقة في الظل والرطوبة عشان نحقق المعادلة الفلكية في اختيار مكان سكنك دي القواعد العلمية وفقا لـ التصميم الشمسي السلبي الواجهة يجب ان تكون للجنوب الجغرافي الصريح True South - Azimuth 180° مع كاسر شمس افقي اللي هو سقف البلكونة .. في الانقلاب الصيفي يونيو بتوصل زاوية ارتفاع الشمس في سماء القاهرة وقت الذروة لحوالي 83.5 درجة شبه عمودية فوق الراس والزاوية الراسية دي بتخلي سقف بلكونة الدور اللي فوقك يعمل ك كاسر شمس افقي بيحجب الاشعاع الشمسي المباشر بالكامل ويرمي ظل تام على شبابيكك طول الصيف في الانقلاب الشتوي بديسمبر بتنخفض زاوية ارتفاع الشمس القصوى في السماء الجنوبية لـ 36.5 درجة بس الزاوية المائلة المنخفضة دي بتسمح لاشعة الشمس باختراق الشباك من تحت سقف البلكونة لعمق الصالة والغرف، فترفع حرارة الشقة طبيعيا طول النهار الشقة المثالية في فيزياء المباني بمصر بتكون مفتوحة بين واجهتين متقابلتين جنوبية صريحة) للكسب الحراري الشمسي في الشتا، وشمالية صريحة لاستقبال الرياح السائدة الباردة في الصيف وخلق فرق ضغط يطرد الهواء الساخن كلمة تدخلها الشمس من كل اتجاه دي تعتبر اسوا توجيه في الفيزياء الحرارية للمباني شمس العصر في الصيف بتكون زاوية ارتفاعها منخفضة جدا في الغرب فبتخترق الشبابيك افقيا في وقت ذروة سخونة الجو، وبتشحن الجدران بـ كتلة حرارية تفضل تشع سخونة جوه الغرف طول الليل الحسبة الفلكية الهندسية دي هي نفس المبدأ اللي اعتمد عليه قدماء المصريين والاغريق في علم الفلك الاثري لتوجيه المعابد والبيوت بحيث تستقبل شمس الشتاء وتتجنب حر الصيف

♥️

بعيدا عن التلميحات وعن مين شايف ايه.. انتي مش مرجع لحاجه ولا كلامك مرجع لحاجه .. واحنا مش فايتنا الحكمة البالغة منك ولا حاجه او ياعيني مش عارفين نشوف التنوير "المزيف" اللي انتي عايزه تنشريه .. وبعدين انكم دي مقصود بيها مين .. هو احنا ليه بنعامل نفسنا نجوم على مسرح ولينا جمهور وبنشهد الناس على أدوارنا شويه تواضع وشويه انتقاد لافكارك اللي انتي فاكراها ملهاش رد ياعيني

الحمد لله على نعمة الإسلام ونعمة الإيمان بالله ونعمة السلام والسكينة

هي تقصدني انا بس غير انه نفسي الناس تبطل تشوف نفسها مرجعية لحاجه وغير اني اتعودت على حوار التلميحات البعيدة .. بس دايما كان فارق عندي الناس اللي بسمع منها اراء مختلفة وبتابعها عن قصد عشان اتعلم اشوف الصورة اوضح واوسع ومفضلش في دايرة محاوط بيها أفكاري عشان افضل شايفها صح .. ولما بحاول اناقش فكرة بيكون ردي مش شخصي - مش موجه - ميقللش من حد ابدا فانا يا أ.محروسة مكنتش بهاجمك ولا بهاجم حد هنا والبوست بتاعك فعلا طلع قدامي وبرد عليه زي ما تويتر بيحط قدامنا اراء كتيرة ولو اوقات استخدمت شويه sarcasm في الرد كنت بواجه بيه ناس بتشتم او بتوجه الفاظ وانا لو سألتك ليه الحذف وقتها عشان ده من احترامي لنفسي وللناس وحرصي اني ردي على تويته وقتها ميكونش ازعجك بدليل اني اخر رد مني قولتلك ده حقك تماما وانك نورتيني الشويه دول .. وانا اظن رديت على وجهة نظرك في البوست بحرص شديد وبشكل علمي ومنهجي لا فيه مثلا شخصنة او انتهاز فكرة للهجوم زي ما سمحتي لعقلك يظن ده ولا احنا ناس بنرفض الافكار اللي حضرتك شايفاها مختلفة لمجرد انها مختلفة انا بعمل اللي شغلي علمني اعمله .. احط وجهات النظر قدام المصادر الموثوقة هي اللي ترد مش انا زي ما هو من حقك الحذف ومن حقك البلوك .. لكن مش من حقك ابدا الظنون ولا الحكم على اللي بيوضح طرح ليكي انه مفتقر للأدلة والموثوقية المنهجية تحياتي لاحترام اختلاف وجهات النظر @M7rusa

My Official Page on the @NRIAG Website : nriag.sci.eg/mahmoud-mustafa…