محمد | خبير تصميم متاجر

ما راح اقول انا افضل مصمم 😎 بخلي هذا الفيديو يتكلم متجر سولا - اخر اعمالي تصميم وبرمجة خاصة على ثيم رائد اذا متجرك يجيب زيارات وما يبيع فالمشكلة مو بالاعلان المشكلة قد تكون بالواجهة بالترتيب بالطلب شوفو الفيديو واعطوني راياكم 🤝🔥.

فيه غلطة اشوفها كل يوم 🫠 تفتح متجر تحط 20 منتج مرة وحدة ليه؟ تبغى تبان كبير؟ والله العميل يضيع ابدأ بمنتج واحد او اثنين او بكج افهمه حبه بيعه زين وبعدها توسع

ترا مو لازم تكون مشهور عشان تبيع لازم تكون صادق أنا شفت تاجرة عندها 800 متابع تبيع أكثر من وحدة عندها 80 ألف لأن الـ 800 يثقون فيها والـ 80 ألف يتفرجون عليها بس 👏

محد بيقول لك هالكلام أغلب التجار يخسرون مو لأن منتجهم سيء يخسرون لأنهم يبيعون لكل الناس اللي يبيع لكل الناس ما يبيع لأحد لما تحدد وجع واحد وتكلم شخص واحد وتحل مشكلة واحدة مبيعاتك تنفجر بدون ما تزيد ريال بالإعلانات❤‍🔥 التخصيص مو تقليل من جمهورك التخصيص هو اللي يضاعف أرباحك

مو لازم تسوي إعلان يفوز بجائزة ✨ لازم تسوي إعلان يفوز بقلب العملاء بنت تبيع بخور إعلاناتها احترافية ومونتاج قوي ما تبيع قلت لها صوري ب جوالك وانتي تبخرين بيتك وتقولين ريحته كيف تثبت سوتها.. والتعليقات انفجرت باعت 58 علبة التسويق الحقيقي عفوي مو استوديو وتكلف ❌

والله اني مقهور 🥺💸 تدفع إعلانات والعميل يدخل 3 ثواني ويطلع ليش؟ صفحة المنتج او الواجهة فااااضية الحل اللي يبييييع: - أول 5 ثواني فيديو للمنتج وهو يستخدم - تحته 3 تقييمات حقيقية - زر الشراء لاصق طول الوقت طبقها وادعيلي 👏؟!

ترتيب متجرك يهرب الزبون الواجهة الصح تترتب كذا: - هيدر نظيف + بحث واضح 🔥 - بنر واحد يبيع قصة - 3 اقسام بس + منتجات رابحة 😭 مو 10 بنرات الحل في سلة: اعد بناء الواجهة بهالترتيب من محرر سلة بالسحب 💾 التسلسل هو اللي يبييييع الكورة بملعبك

حسبي الله 💔 عميل جاني تعباااان متجره يجنن بس صفر مبيعات انضحك عليه فريلانسر عطاه وصف مورد و 10 منتجات بكانفا بدلنا الوصف يبييييع - 🔥 وش يحل - 🔥 ليش يشتري منك باع 19 ألف في 11 يوم 💸🔥 والله انقهرت عليه قبل تتفقون ان الوصف موظف مبيعات؟

الناس ما تشتري من متجر تشتري من براند 🫶 المتجر يقول: نوفر لكم أفضل المنتجات البراند يقول: هذه قصتي وهذا ليش بدأت ✨ المنتجات تننسى القصة تنحفظ 🥹 لا تكن متجر رقم 50,001 كن براند رقم 1 في ذاكرة عميلك

فعلا اخوي عبدالله 🤍👌

مو كل عميل يدخل متجرك بيشتري لكن السؤال المهم ليش يطلع بدون ما يطلب؟ صور غير واضحة منتجات مبعثرة معلومات ناقصة خطوات طلب معقدة كل تفصيلة ممكن تكون سبب في خسارة طلب جديد

غلطة قاتلة يسويها كل مصمم جديد يحط بالبورتفوليو كل شي سواه حتى الشغل الضعيف "عشان يبين إنتاجيته" بس اللي يشوف بورتفوليوك يحكم عليك بأضعف شغلة فيه، مو بأقواها بورتفوليوك مو سيرة ذاتية هو فلتر يحدد نوع العملاء اللي بيجونك 👀

المصمم الحقيقي مو اللي يعرف يضيف عناصر أكثر المصمم الشاطر يعرف وش يحذف عشان يوصل الفكرة بشكل أقوى تتفقون؟ 🤚

نبحث على مصممين 🔴 عندهم ذوق وفهم للتصميم التجاري مو شرط تكون محترف من سنوات الأهم نشوف طريقة تفكيرك وشغلك شاركنا أفضل اعمالك وتصاميم الي اشتغلت عليها 👇🏽

فيه متاجر منتجاتها ممتازة وأسعارها ممتازة... لكن أول ما تدخلها تحس إنك ما تبي تشتري. ليش؟ لأنك ما حسيت بثقة وهذي مشكلة خطيرة العميل ما يعرف جودة منتجك مثل ما تعرفها أنت. هو يحكم من اللي قدامه وأول حكم غالبًا يصير قبل ما يقرأ 👀

مين الصباح للحين شغال على تصميم وبرمجة css متجر في منصة سلة البطلة والنتيجة مذهلة باذن الله ✨🔥

اسم المنتج الطويل ينقطع في بطاقة الجوال وتضيع الكلمة المهمة اللي في آخره حط نوع المنتج أول الاسم مثل عباية سوداء كريب ثم باقي التفاصيل واللي يبحث عن عباية يلقى كلمته بالبداية والتفاصيل الطويلة مكانها الوصف ✂️

صديقي مصور يقول الصورة البيضاء احترافية اكثر قلت له صح احترافية بس ما تطمن العميلة تبي تشوف الفستان وهو يتحرك كيف يطيح القماش صورة الاستوديو توضح المنتج صورة الواقع توضح الحياة فيه ولما شاف الفرق قال معك حق الاحتراف مو دايم يبيع ✨

قبل وبعد يبيع اكثر من وصف متجر بخور حاط وصف طويل ما اقنعني بعدين حط صورة قبل وبعد البخور في المجلس فهمت الفائدة فورا الصورة تشرح بدون كلام الدليل البصري يبيع جرب قبل وبعد اذا منتجك يسمح ✨

تدفع إعلانات وتجيب زيارات وما تبيع؟ المشكلة مو في الإعلان المشكلة في المتجر اللي ترسل عليه العميل إعلان قوي + متجر ضعيف = حرق فلوس إعلان عادي + متجر يبيع = مبيعات

متجر كان يجيب 15 طلب بالشهر نفس المنتج نفس السعر ما غيرنا شي الا الترتيب والتصميم خلينا اول صفحة تجاوب على خوفه اليوم 200+ طلب بدون اعلان اضافي الفرق مو منتج الفرق ترتيب المخ يشتري لما يرتاح ✅👏