نسنس هبوب الود من شرق
و احيا عروقٍ ظامياتي
غنّا على غصن الهوى الورق
هيّض شجونٍ خافياتي
له في حشايه م الغلا عرق
يسقيه صافي الذكرياتي
في بحر حبّه هاوي الغرق
حيثه ملاذي و كل ذاتي
حاز الوصف و الطبع و الفرق
على الغواني الفاتناتي
نوره يشابه لايح البرق
يبهر عيونٍ ناظراتي
لي في سما عينه مدى زرق
عنده السعاده و النجاتي
وحده يداوي خافقي طرق
و لا غير زوله في حياتي
اطوي لداره كايد الطُّرق
لو دونها تتعب خطاتي
جمر الموده بالحشا حرق
و اشعل ضلوعٍ ناحلاتي
ما غيره اللي معلّقٍ شرق
و بالود يجمع لي شتاتي
يا ليت قلبه باللقا يرق
يروف بي قبل الفواتي
افداه لو ياخذني بـ سرق
من واقع ايامي و سكاتي
سجّلت له في خافقي ورق
صكّ المودّه للمماتي
بين الخفوق و بينه الطَّرق
اوفيت له عهدي بثباتي
ᴬ retweeted
ساهــرٍ و الـروح مـعـتله
لو عذلت القلب ما لاقي
وكم عيـني دمـعها اتهلّه
طاح فـوق الأرض دفاقي
والسبب بو عين مشهلّه
عين تنهب كـل عشّـاقي
ᴬ retweeted
لو ما اسبِّح لخلَّاقي وانا راجي و خايف
والهج بدعوات يونس في البحر تارة وتارة
إحتمال تصير في صدري منصة للقذايف
تلتهب ضربة بعد ضربة و غارة بعد غارة
ليت كسر الذات يبرى بالجبارة و الكتايف
كان ابحاول و اضبَّه بالكتايف و الجبارة
ᴬ retweeted
قمت ادّعي لك يوم صلّيـت
من خاطـرٍ مابـه جزاعـه
يحفظـك ربّـك خالـج البيت
تبْــقى ويـبـقون الجـماعـه
ᴬ retweeted
وان تداعـالي عـلـى زنـدي
بـ الـتّرفـق خـذتـه بتـادي
احمـر الـوجـنـات كالـوردي
عـالـي الـّردفـين ميَّـادي
لـي زقـرتـه قـام مسـتـهـدي
وان تمشَّـى قـلت يـا هـادي
ᴬ retweeted
لا جتك الزلة من اللي توده
فكر بحفظ الود واعرض عن الرد
و اذا اعتذر عن زلته لا ترده
بحر العلاقة دايما الجزر والمد
حبل المواصل بين الاقراب مده
ارخه إن شدوه وإن ارتخى شد
و إنس الخطا حتى تدوم المودة
من يذكر الهفوات ما يحفظ الود
ᴬ retweeted
لا تفسرني من اسلوبي عنيف
الرعد يخلع لكن عقبه مطر
كم اوادم تبدي الطبع اللطيف
لكن الواقع يشكل لك خطر
ᴬ retweeted
صاب الحشـى واغـتـث بالي
ما يـلام قـلـبٍ بَّيـح اقـصـاه
بعـيـان دعــجــاةٍ اشـهــال
بـللّي شــرى الـلولــو ثنـايـاه
ع الخــد لـه حبَّـــات خــالِ
سبــحـانه المـعـبــود سـوِّاه
ᴬ retweeted
تحسب ان القلب في حبك اسير
ما دريـت انـك بتفكـيري بعيد
راحت ايامي قبل لا اعرفك بخير
من عرفتك ما مضت لحظه سعيد









