Mohammed Saad 👨🏻‍🦯

في حرب البسوس كان فيه رجل اسمه الحارث بن عُباد 🐎 قصة معروفه لكن طول بالك وخلك معي للاخر لما جاؤوا يطلبونه يدخل الحرب قال جملته اللي صارت مثل لا ناقة لي فيها ولا جمل وحاول يطفيها فأرسل ابنه بُجَير للمهلهل وقال خذه بدل كليب وخلّ الحرب تنتهي تدري وش سوى المهلهل؟ قتل الولد وقال له بُؤ بشسع نعل كُلَيب يعني ابنك ما يسوى سير نعل هنا تغيّر الحارث حلق رأسه وقال قرّبا مربط النعامة مني ودخل الحرب اللي اعتزلها وكسر تغلب في يوم واحد فالحارث ما دخل عشان تطول دخل عشان تنتهي طيب ليش أقول لك هالقصة اليوم؟ لأن المملكة سوت اللي سواه الحارث بالضبط بس بطريقتها سنين تقول الحرب يمنية ونحن نسند وتحاول تطفيها هدنة 2022 والسفير في صنعاء وخارطة طريق 2023 ووفد حوثي في الرياض وكل مرة يوقّع ويرجع ينكثها ورد الحوثي على كل هذا؟ مسيّرة على مكة ومحطة كهرباء المسجد النبوي وصالة ركاب في مطار الرياض فيها 12 شهيد رحمهم الله هذي «بُؤ بشسع نعل» بلغة 2026 والجواب جاء مزلزل لا هدنة قبل ما ترجع الأرض والتحالف فتح على شبكة الصواريخ كلها الشاهد المهلهل كان يبي حرب ما تنتهي والحارث أنهاها والحوثي يبي حرب ما تنتهي والرياض بتنهيها إن شاءالله