Misbahuddin

پشاور: گورنر خیبرپختونخوا فیصل کریم کنڈی کی ہدایت پر پاکستان ہلال احمر خیبرپختونخوا کے زیر اہتمام پختہ غلام کے علاقے میں صوبائی ڈپٹی جنرل سیکرٹری ملک سعید کی رہائش گاہ پر فری میڈیکل کیمپ کا انعقاد کیا گیا، جہاں بڑی تعداد میں مستحق مریضوں کو مفت طبی سہولیات اور ادویات فراہم کی گئیں۔ اس موقع پر گورنر خیبرپختونخوا فیصل کریم کنڈی اور پاکستان پیپلز پارٹی خیبرپختونخوا کے صوبائی صدر سید محمد علی شاہ باچا نے کیمپ کا دورہ کیا، مریضوں کی عیادت کی اور طبی سہولیات کا جائزہ لیا۔ ان کے ہمراہ ہلال احمر خیبرپختونخوا کے چیئرمین فرزند علی وزیر, صدر پشاور ڈویزن حاجی مصباح الدین اور دیگر رہنما بھی موجود تھے۔ علاقہ مکینوں نے اس اقدام کو سراہتے ہوئے شکریہ ادا کیا۔ گورنر فیصل کریم کنڈی نے کہا کہ ہلال احمر عوامی خدمت میں کردار ادا کرتا رہے گا اور ایسے فلاحی اقدامات کا سلسلہ آئندہ بھی جاری رہے گا تاکہ دور دراز علاقوں کے مستحق افراد کو بہتر علاج میسر آ سکے۔

پشاور: پاکستان پیپلز پارٹی پشاور ڈویژن کے زیر اہتمام شاندار ورکرز کنونشن کا انعقاد گورنر خیبرپختونخوا فیصل کریم کنڈی اور صوبائی صدر سید محمد علی شاہ باچا کی خصوصی شرکت میں منعقدہ ورکرز کنونشن میں پشاور ڈویژن اور مختلف اضلاع سے کارکنان نے بھرپور شرکت کرتے ہوئے پارٹی قیادت سے اپنی بھرپور وابستگی اور یکجہتی کا اظہار کیا۔ گورنر خیبرپختونخوا فیصل کریم کنڈی نے پشاور ڈویژن، ضلعی تنظیموں اور کارکنان کی محنت، لگن اور شاندار انتظامات کو سراہتے ہوئے کامیاب کنونشن کے انعقاد پر مبارکباد دی۔ انہوں نے کہا کہ پاکستان پیپلز پارٹی ہمیشہ عوام، نوجوانوں اور کارکنوں کی حقیقی آواز رہی ہے اور بلاول بھٹو زرداری کی قیادت میں پارٹی عوامی حقوق کے تحفظ اور ملک کی ترقی کے لیے مؤثر کردار ادا کر رہی ہے۔ صوبائی صدر سید محمد علی شاہ باچا نے بھی پشاور ڈویژن اور تمام ضلعی تنظیموں کی کاوشوں کو خراجِ تحسین پیش کرتے ہوئے کہا کہ پارٹی کی اصل طاقت اس کے نظریاتی اور وفادار کارکن ہیں، اور انہی کی محنت سے پاکستان پیپلز پارٹی خیبرپختونخوا میں مزید مضبوط اور منظم ہو رہی ہے۔

پشاور پاکستان پیپلز پارٹی پشاور ڈویژن کے زیر اہتمام ورکرز کنونشن نہایت جوش و خروش کے ساتھ منعقد ہوا جس میں گورنر خیبرپختونخوا فیصل کریم کنڈی اور صوبائی صدر پاکستان پیپلز پارٹی خیبرپختونخوا سید محمد علی شاہ باچا نے خصوصی شرکت کی۔ کنونشن میں پشاور ڈویژن سمیت مختلف اضلاع سے بڑی تعداد میں کارکنان، عہدیداران اور نوجوانوں نے شرکت کی اور پارٹی قیادت کے ساتھ بھرپور یکجہتی کا اظہار کیا۔ کنونشن سے پارٹی کے ڈویژنل صدر مصباح الدین ، میٹروپولیٹین پشاور کے صدر عمر خطاب، ضلع پشاور کے صدر رضا اللہ خان، خیبر کے صدر شیر شاہ افریدی، مہند کی سیکرٹری اطلاعات ملک سرتاج، نوشہرہ کےصدر ادریس خٹک اور دیگر مقررین نے بھی خطاب کیا گورنر خیبرپختونخوا فیصل کریم کنڈی نے اپنے خطاب میں پشاور ڈویژن کی تنظیم، ضلعی تنظیموں اور تمام کارکنان کو کامیاب ورکرز کنونشن کے انعقاد پر مبارکباد دیتے ہوئے کہا کہ پاکستان پیپلز پارٹی ہمیشہ نوجوانوں اور ورکرز کی حقیقی نمائندہ جماعت رہی ہے۔ انہوں نے کہا کہ پارٹی نے اپنے ادوارِ حکومت میں روزگار کے مواقع فراہم کیے، غریب اور پسے ہوئے طبقات کی آواز بنی اور عوامی حقوق کے لیے ہر فورم پر مؤثر کردار ادا کیا۔ انہوں نے مزید کہا کہ چیئرمین بلاول بھٹو زرداری کی قیادت میں پاکستان پیپلز پارٹی نے عالمی سطح پر پاکستان کا مثبت تشخص اجاگر کیا ہے اور خارجہ محاذ پر ملک کی مؤثر نمائندگی کی ہے۔ صوبائی صدر پاکستان پیپلز پارٹی خیبرپختونخوا سید محمد علی شاہ باچا نے پشاور ڈویژن اور تمام ضلعی تنظیموں کو کامیاب کنونشن کے انعقاد پر مبارکباد دیتے ہوئے کہا کہ کارکنان اور نوجوان پارٹی کا قیمتی اثاثہ ہیں۔ انہوں نے کہا کہ پاکستان پیپلز پارٹی عوامی جماعت ہے اور اسی قوت کے ساتھ میدان میں موجود ہے، اور آئندہ خیبرپختونخوا میں حکومت پاکستان پیپلز پارٹی ہی قائم کرے گی۔ @BBhuttoZardari