Moreweq

#Castlevania Belmont's Curse 1499 تلعب بروز بيلمونت بنت تريفر وسايفا ابطال رحلة الجزء الثالث وبعد احداث جزء لعنة الظلام بعشرين سنة جزء مترابط بكذا جزء وبعضه بشكل بسيط جزء جديد للسلسلة فكلامي بيكون اقسى عليه نسبة لوقتنا الحالي والخبرات المتبادلة وغيرها الاشياء الي عجبتني : 🦇 *فنيات اللعبة تنغام بعض الميوزك مع المناطق وتصاميم المراحل شكليا وكلعب وتفاصيلها روعات *اللعب الكومبات مرة ممتع ومتنوع *جزئيات البلاتفورم والاكروباتيك مرة ممتعة *الغازها كمان رهيبة عجبتني *القصة كانت جميلة وبعض احداثها رهيبة *الريفرينسات الرهيبة والحلوة للسلسلة فيه اشياء منجد ماعجبتني او حسيتها مفقودة :🩸 *الرن باك الغير ضروري لكثير من قتالات البوسز *بعض الحوارات وبعض الاشياء الي تخص القصة *طعم ميوزك كاسلفينيا المعتاد ماعاتبهم عليها ؟ عارف صعبة تسوي مثلها ؟ بس لو خذو من الالحان القديمة وحطو ريميكساتهم كان افضل *كمان هذا شي خاص لكن شعور كاسلفينيا من ناحية المظهر والسوداوية والستايل الظلامي وحسية اللعب بعضها مفقود *التنوع وفقدان عناصر الاربيجي ضعف كثير منها ومن اي قيمة للإعادة والاستكشاف حتى التلفيل ماتحس بمتعة فرقه حتى فعناصر الميترويدفينيا عالاقل فبعضها *افتقادها لاي شي بعد التختيم صعوبة نيو قيم بلس تحديات اي محتوى زايد *واخيرا مافيها عربي تفصيل القصة القصة اساسها كعادة السلسلة لكن هنا لها جوانب عميقة اكثر كروت سايفا ولعنة الظلام وقصص بعض الشخصيات وماضيهم باحداث جميلة لين النهاية الي كانت رهيبة ملحمية ومؤثرة 🤧 عاجبني الي سووه فالقصة وتناغم الشخصيات العالم القلعة والماضي والكائنات معبعض مع اللور كانت لمسات جميلة *بعض الحوارات والاحداث وتماشيهم مع الاحداث والشخصيات القديمة جدددا غبي مادري كيف فكرو فكذا وكإن اطلاعهم واشراف كونامي كان فيه سطحية بعضها كمان تحسه طفولي بزيادة والترفيع الزايد فروز باهت ومب جاي بطبيعية *الشخصيات الي معك معطية روح اجتماعية تنوعية حلوة يمكن شوي بعيدة عن الشعور المجهولي الوحداني فكم جزء من السلسلة لكن هنا بالذات بعضها معطية اضافة ممتعة بوجودهم و بعض حواراتهم وترابطهم قبلها كأعداء معطية قصة وكاريزما رهيبة *روز شخصيتها جيدة تريفر رهيب امها كمان مدوسا عجبتني ليون مرة عجبني بس بعض حواراته غبية ماتمثل شخصيته كارميلا وسكيبوس كنا نكتفي بوحدة منهم افضل جون اف ارك جيدة بروانر تحسه ترول هو وارثر ديث مرة رهيب وبحاره كويس دراكولا ماظهر كثير للاسف وايزيك كمان رهيبين بس كنا نبي اكثر منهم *عجبتني كثير من ريفرينساتها مترابطة بالسلسلة وجود ليون وسلاحه بعض الاسلحة براونر ولوحاته فالقلعة منها الوكارد شانوا الوحوش المستذئبة والثور والنينجا الظلامي وعيرها اخذ كم شي من روندو مثل نهايات الوحوش الضارة الفار الي يلمح لفتحة مكسورة الكائن الغامض فالقارب الدخول فعالم لوحة الفامباير كيلير غرفة الوكارد ومعداته بعض الميوزك الدموع الدامية والخضار الدائم والكثير والكثير من اللمسات الحلوة القيمبلاي والكومبات والمراحل القتال فيها والموفمنت ممتعين سواءا بالداشات والهوك واللعب بالاسلحة المتنوعة كل سلاح يعتبر اسلوب قتال خاص بعضهم يفرق بقوة مكس مع الحركات السحرية والباري اتقانه مرة ممتع ورهيب مع بعض الاسلحة والقتالات مزود المتعة بشكل غير طبيعي * اتقنو اسلوب البيلمونت مكس سحري باسلوب حديث ممتع تمنيت نسخ الاسلحة كانت تفرق اكثر مثل النسخ الاخيرة منها بس كمان نظام الريليكس رهيب تنوع فاستخداماته حسب اسلوبك *فيل الضرب احساسه ضعيف هذا مقلل من متعة قتالاتها عالاقل فاغلب الاسلحة بعض الانميشن فكذا حركة تحسه بطيء بزيادة ومب متناسق مع باقي الحركات فالسرعة *الهت ستوب فقليل من الضربات جيد بس احيانا يخرب عليك ضغطات الكومبوز *افتقاد عناصر الاربيجي قلل كثير من عمق التجربة الميترويدفينية الخاصة لكاسلفينيا اتفهم صقل اللعب ببعض الاسلحة لكن لو زادت عناصر الاربيجي دوربات وحوش ستاتس ملابس وغيرها كانت بتعطي عمق اكثر للعب *مراحل الاكروبات وتحدياتها لمسة مرة ممتعة *ماحبيت التوضيح الزايد البايخ لبعض الأشياء *قتالات البوسز والتحديات بعضها رهيب وبعضها لك عليه السهولة متفاوتة وكثير تكون الاماكن اصعب من بوساتها 🦇