آبےـو مےـعےـآذ (@Muaz_1907) header
آبےـو مےـعےـآذ (@Muaz_1907) profile picture

قديمًا كان الناس يلبسون ثيابًا مُتسخة وقلوبهم نظيفة، أما اليوم يلبسون ثيابًا نظيفة وقلوبهم قذرة 🥀🖤 ..🦅Al Ahly🦅 ❤Bibo 👑 real madrid💕

Joined May 2022
Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)
اقلب الصفحة وماتبصش وراك .. اللي يبيعك بالرخيص، ماتديلوش من وقتك ولا حتى بنُص ثانية عتاب. اللي يخرج من حياتك بناقص منه، سيب مكان الفراغ بتاعه نضيف للي يستحقه✨🚪
1
6
1,800
بيقولك منتخب مصر في مالاوي عمل احتفال للمو صلاح بمناسبة وصوله لـ70 هدف دولي، وانفراده بصدارة قائمة الهدافين التاريخيين للمنتخب المصري 🤨 عارف إنت يا فخر المينتالتي، لو بقوا 100 هدف ولسه زي ما إنت صفر بطولات مع المنتخب، فاحتفالاتك دي بالنسبة لنا احتفالات شيكابالية، ولا ليها أي قيمة 😏
27
9
4
48
1,281
🔴 أحمد شوبير بالليل 🆚 أحمد شوبير الصبح 🤨 🔸 شوبير عبر برنامج الناظر "قناة النهار": 📺 - الأهلي يدخل مفاوضات مع نادي زد لضم طارق علاء في صفقة تبادلية مقابل الثلاثي كريم فؤاد وهادي رياض وكباكا. ========================= 🔸 شوبير عبر إذاعة "ON Sport FM": 📻 - لا صحة لما تردد بشأن مفاوضات الأهلي مع طارق علاء، ظهير منتخب مصر ونادي زد 😏
4
7
536
🔴 لو الكلام اللي قاله شوبير صحيح .. يبقى إحنا قدام تخبط إداري وفني محتاج وقفة!! 🤔 ✍🏻 شوبير بيتكلم عن صفقة تبادلية بين الأهلي ونادي زد، بانضمام طارق علاء للأهلي، مقابل حصول زد على 3 لاعبين: أحمد خالد كباكا، وكريم فؤاد، وهادي رياض. وبصراحة، أنا مش عارف أبدأ منين في الصفقة دي، لكن عاوز أقول إن كلمة تخبط اللي استخدمتها في العنوان تعتبر أقل لفظ ممكن نوصف بيه المشهد!! أولًا: هل في لاعب في مصر يستحق إنك تتنازل عن 3 لاعبين مقابل انضمامه للفريق؟! يعني إيه المعايير اللي بتخليك توافق على صفقة بالشكل ده!! وهل فعلًا إمكانيات طارق علاء تستاهل إنك تفرّط في 3 لاعبين من قائمتك علشانه؟ أنا شخصيًا مش شايف أي مبرر للموضوع ده. ثانيًا: إنت على أي أساس رجعت كباكا؟ وعلى أي أساس قررت إنه مش مناسب وبتستغنى عنه؟!! الراجل لسه ما أخدش فرصته مع الفريق الأول أصلًا، ولا لعب دقيقة واحدة تقدر من خلالها تحكم على مستواه وإمكانياته!! طب إنت لما قررت ترجعه، مكنتش مقتنع بيه؟ ولا كان عندك تصور إن اللاعب ده ممكن يكون إضافة للفريق؟ ثالثًا: هادي رياض مش ده اللاعب اللي إنت اقتنعت بإمكانياته وتعاقدت معاه لأنه كان بيقدم مستويات كويسة مع فريقه؟ طب إيه اللي حصل بعد ما انضم للأهلي؟! هل المشكلة فعلًا في إمكانياته، ولا في عدم قدرته على التأقلم مع الضغوط، ولا في طريقة التعامل معاه؟! والأهم من كل ده، إنت إزاي بتكرر نفس طريقة الاختيار؟ بتجيب لاعب بناءً على مستواه في فريق تاني، وبعد ما ينضم للأهلي تكتشف إن الحسابات مختلفة تمامًا!! رابعًا: كريم فؤاد مركزه الأساسي باك يمين، لكن إنت فضلت تستخدمه في الناحية الشمال، ولما الأداء ما كانش بالشكل المطلوب في المركز ده، بقى اسمه مطروح ضمن قائمة الراحلين!! طب جربته في مركزه الأساسي كام مرة؟ وهل فعلًا استنفدت كل الطرق للاستفادة منه؟ ولا إنت بتحكم على لاعب بناءً على مركز مش هو مركزه الأصلي؟! طب ما تجرب تستفيد منه في مركزه الأصلي، خصوصًا إنك بتدور على باك يمين، بدل ما تتنازل عنه وتدخل في صفقة جديدة، مع لاعب لسه محدش يقدر يضمن لك هيكون إضافة حقيقية ولا مجرد اسم جديد في قائمة الصفقات اللي جت ومكملتش. والسؤال الأهم هنا: مين صاحب القرار في الصفقة دي أصلًا؟! هل ده اختيار عموتة، اللي ممكن يرحل في أي وقت، ولا قرار من الإدارة؟ لأن في الحالتين إحنا قدام مشكلة كبيرة .. لو عموتة هو صاحب الاختيار، إنت بتبني قراراتك على رؤية مدرب مستقبله مش مضمون مع الفريق، ولو الإدارة هي صاحبة القرار، يبقى على أي أساس بتختار اللاعبين وبتحدد مين يستمر ومين يمشي؟ ومين يضمن لك إنك بعد رحيل عموتة، لو ده حصل، ما تجيبش مدرب جديد تكون ليه رؤية مختلفة تمامًا، وممكن يطلب الاستغناء عن نفس اللاعب اللي إنت لسه داخل في صفقة علشانه؟ ونفضل نلف في نفس الدايرة، مدرب يمشي ولاعبين يمشوا وصفقات جديدة، والأهلي هو اللي بيدفع تمن غياب التخطيط!! المشكلة إننا بقينا بنشوف لاعبين يدخلوا الأهلي على إنهم صفقات مهمة، وبعد فترة قصيرة يخرجوا من الحسابات. وفيه لاعبين بيرجعوا من الإعارة من غير ما ياخدوا فرصة حقيقية، ولاعبين بيتوظفوا في مراكز غير مراكزهم، وبعد كده يتحاسبوا على نتائج اختيارات مش بتاعتهم!! وعشان أكون واضح، أنا مش بقلل من طارق علاء ولا بقول إنه لاعب وحش، بالعكس هو لاعب كويس، لكن الفكرة إننا شفنا نفس الكلام قبل كده مع لاعبين كتير. هادي رياض كان لاعب كويس لما تعاقدت معاه، وياسين مرعي كان لاعب كويس قبل ما نشوف الأخطاء والكوارث الدفاعية اللي ظهرت منه، والعش كان لاعب كويس، وأقطاي كان لاعب كويس، وعلي محمود كان لاعب كويس.. وكريم فؤاد نفسه لاعب كويس، لكن بدل ما تستفيد بإمكانياته، بتفكر تستغنى عنه!! يعني المشكلة مش في إن كل لاعب بنجيبه لازم يطلع نجم، ولا إن كل صفقة لازم تنجح، لأن دي طبيعة كرة القدم. المشكلة إنك مش شايف ملامح واضحة لسياسة تعاقدات، ولا فيه رؤية ثابتة بتحدد احتياجات الفريق، ولا حتى صبر كافي لتقييم اللاعبين اللي إنت بنفسك اخترتهم وجبتهم للنادي!! إحنا مش محتاجين كل شوية نبدل لاعبين بلاعبين، ولا نغيّر مدرب بمدرب، ولا نبدأ من الصفر مع كل مرحلة جديدة. إحنا محتاجين حد عنده رؤية، وعارف هو بيعمل إيه، وبيختار على أساس احتياجات الأهلي مش مجرد أسماء بتدخل وأسماء بتخرج. الأهلي مش مكان للتجارب العشوائية، ومش من الطبيعي كل فترة نكتشف إن اختيارات المرحلة اللي فاتت كانت غلط، ونبدأ ندفع تمنها من جديد!! 🤔🔴🦅
22
4
2
28
7,003
على الحلوة والمرة معاه.. 🦅❤️ #الاهلي
4
63
553
♦نادي دي سي يونايتد الأمريكي يعلن إقالة رينيه فايلر من منصبه كمدير فني للفريق بسبب سوء النتائج ❌ 🔹أنهى الفريق الموسم بـ 6 هزائم متتالية، ولم يحقق سوى فوز وحيد والتعادل 4 مباريات في آخر 11 مباراة خاضها تحت قيادة فايلر 🔹احتل دي سي يونايتد المركز الرابع عشر (قبل الأخير) في القسم الشرقي برصيد 33 نقطة، والمركز الثامن والعشرين في الترتيب العام من أصل 30 فريقًا. فشل الفريق بذلك في التأهل لمرحلة "البلاي أوف" للموسم السابع على التوالي. تولى فايلر تدريب الفريق في يوليو 2025، وخاض معه 43 مباراة في مختلف المسابقات خلال موسم ونصف، حقق فيها 8 انتصارات فقط مقابل 19 هزيمة و16 تعادلاً ⚽🇺🇸
1
1
7
632
البرتغال من غير رونالدو مالوش أي قيمة، زي أهداف شيكابالا في الأهلي 😂😏
حال محبي رونالدو الآن بعد خسارة البرتغال من الدنمارك بنتيجة 4-1 😅👀
1
3
189
🔴 مقترح من رئيس لجنة الحكام بالفيفا لتعديل قانون ركلات الجزاء ⚽ ▪️ دراسة مقترح ينهي ركلة الجزاء بمجرد تصدي حارس المرمى للكرة أو ارتطامها بالقائم. ▪️ لن يُسمح للمهاجمين بمتابعة الكرة ومحاولة تسجيل هدف من ارتدادها. ▪️ ينتهي اللعب فورًا بمجرد تصدي حارس المرمى لركلة الجزاء أو ارتطام الكرة بالقائم أو العارضة. ▪️ يُحتسب اللعب بعد ذلك بركلة مرمى لصالح الفريق المدافع دون السماح للمهاجمين بمتابعة الكرة ▪️ كولينا يرى أن تنفيذ ركلة الجزاء يمنح المهاجم أفضلية كبيرة على حارس المرمى. ▪️ تطبيق التعديل يعني عدم وجود فرصة ثانية للتسجيل بعد إهدار ركلة الجزاء ▪️ التصويت الرسمي للمقترح في مارس 2027، والتطبيق الفعلي في يوليو 2027 في حال الموافقة عليه ⚽🥅
3
3
6
456
آبےـو مےـعےـآذ retweeted
صلاح ١٢٣ مباراة دوليه سجل ٧٠ منهم ١١ هدف من ضربة جزاء حسام حسن ١٧٧ مباراة دوليه سجل ٦٩ هدف ليس بها ضربات جزاء. الى جانب احرازه ٧ اهداف عام ٩٨ وتقاسم لقب الهداف..بالاضافه لمساهمته فى الفوز ب ٣ بطولات امم افريقيه٨٦...٩٨..٢٠٠٦ الارقام لا تكذب ولا تتجمل ولا تكتب على ورقة بيضاء وتنشر
31
13
4
65
3,329
🔴 النجومية حاجة .. وصناعة التاريخ حاجة تانية خالص!! 🤔 ✍🏻 كل الاحترام والتقدير لكل التعليقات المحترمة، سواء اتفق أصحابها معايا أو اختلفوا، أهلاوية أو زملكاوية، لأن الاختلاف عمره ما كان مشكلة طالما في حدود الاحترام. 🤍 خليني أوضح نقطة مهمة: سواء إنت أو أنا بنحب محمد صلاح أو مش بنحبه، دي حرية شخصية، ومحدش له الحق يفرض عليك تحب لاعب أو تكرهه، أو يحدد مين تشوفه أسطورة ومين مش مقتنع بيه. كل واحد حر في تقييمه لأي لاعب، لكن اللي مش مقبول تصادر حق غيرك في إبداء رأيه، أو تعتبر أي انتقاد لصلاح هجوم شخصي عليك، أو تحجر على رأي حد مش شايفه الأفضل. مفيش اختلاف إن محمد صلاح لاعب كبير، وعمل تاريخ مشرف في أوروبا، ووصل لمكانة عالمية نفتخر بيها كمصريين، وحقق إنجازات فردية عظيمة. لكن لما عملت المقارنة، ماكنتش بتكلم عن الأرقام والأهداف، لأن طبيعي صلاح يتفوق فيها على الجميع، أنا كنت بتكلم عن البطولات والإنجازات والبصمة اللي سابها كل لاعب مع منتخب مصر. وهنا لازم نفرق بين الإنجاز الفردي والجماعي. الأرقام الفردية مهمة وبتوثق نجاح اللاعب، لكن هل لوحدها كفاية علشان نحكم إنه أعظم لاعب في تاريخ منتخب بلده؟ الأرقام القياسية قابلة للتحطيم، وممكن ييجي لاعب يحقق أرقام أكبر من صلاح، زي ما صلاح نفسه حطم أرقام لاعبين سبقوه. عارف إنك ممكن تقولي: بس دي أرقام لاعب مصري وهتفضل متسجلة باسمه حتى لو اتحطمت! هقولك عندك حق، وإحنا بنفتخر بالأرقام دي، لكن لازم نفرق بين الأرقام الفردية وتأثير اللاعب في تاريخ منتخب بلده، لأن كل واحدة ليها حساب مختلف. فيه فرق بين لاعب حقق لنفسه أرقام عظيمة، ولاعب ساهم في صناعة إنجازات وبطولات لمنتخب بلده، والاتنين يستحقوا التقدير، لكن مش بالضرورة يتقيموا بنفس المعيار. وهنا لازم نفهم إن مش كل نجم عالمي يبقى بالضرورة أسطورة في تاريخ منتخب بلده! النجومية العالمية ممكن اللاعب يصنعها بنجاحاته مع الأندية وبطولاته وأرقامه في أكبر الدوريات، لكن مكانته مع منتخب بلده ليها حساب تاني. خلينا ناخد ميسي ورونالدو كمثال. ميسي كان من أعظم لاعبي العالم قبل كأس العالم، لكن تتويجه بكوبا أمريكا وكأس العالم خلّى مكانته في تاريخ منتخب الأرجنتين تاخد مكانة مختلفة. وكريستيانو رونالدو حقق نجاحات هائلة مع الأندية، لكن لما نتكلم عن تاريخه مع البرتغال، لازم نحسب له أمم أوروبا 2016 ودوري الأمم الأوروبية 2019 و2025، مش أهدافه وأرقامه مع ريال مدريد ومانشستر يونايتد بس. ونفس الكلام عندنا في مصر؛ لما نقارن تاريخ اللاعبين مع المنتخب، لازم نبص على إنجازاتهم وتأثيرهم بقميص المنتخب، مش مجرد شهرتهم العالمية ونجاحاتهم مع أنديتهم. وده مش معناه إن اللاعب اللي ماحققش بطولة مع منتخب بلده فاشل، أو إن إنجازاته الفردية مالهاش قيمة، لكن مينفعش نخلط بين نجاحه الاحترافي وتأثيره في تاريخ منتخب بلده. نيجي بقى لحكاية المشاركة في كأس العالم مرتين، واللي البعض بيعتبرها دليل حاسم على مكانة محمد صلاح. طب ما تريزيجيه هو كمان شارك مع المنتخب في نسختي كأس العالم 2018 و2026، وبلاش الشناوي في المقارنة دي، لأنه ماشاركش في مباريات نسخة 2026 رغم وجوده في القائمة. هتقولي إن صلاح كان سبب رئيسي في تأهلنا للمونديال مرتين. هقولك أنا مش بنكر دوره، لكن تعالوا نراجع تصفيات 2018 من أول مباراة لحد مواجهة الكونغو، ونقارن بين دور صلاح وتريزيجيه، خصوصًا المباراة الأخيرة وضربة الجزاء اللي حسمت التأهل. هل معنى إن صلاح سجل هدف التأهل إنه كان صاحب المجهود الوحيد؟ وهل من العدل ننسب مشوار منتخب كامل للاعب واحد ونتجاهل أدوار باقي زملائه؟ وبالمناسبة، مين اللي حصل على ضربة الجزاء اللي حسمت التأهل في الدقيقة الأخيرة؟ مش تريزيجيه؟! أنا بالنسبة لي الأسطورة مش مجرد لاعب سجل أهداف أكتر من غيره، أو حقق أرقام قياسية، أو لعب في أكبر الأندية الأوروبية. الأسطورة هو اللي عمل بصمة حقيقية مع فريقه، وقبل فريقه والأهم مع منتخب بلده، وارتبط اسمه ببطولات وإنجازات ولحظات فضلت محفورة في ذاكرة الجماهير، وكان ليه تأثير في تاريخ الكرة المصرية. وده مش تقليل من نجومية صلاح أو إنجازاته العالمية، لكن النجومية العالمية حاجة، ومكانة اللاعب في تاريخ منتخب بلده حاجة تانية خالص. ممكن تكون شايف صلاح أفضل لاعب مصري في التاريخ، وممكن تكون شايف حسن شحاتة أو أبو تريكة أو الخطيب أو غيرهم هم الأساطير الحقيقية للكرة المصرية.. وكل واحد حر في رأيه وقناعته. ✍🏻 في النهاية .. إحنا بنتناقش، وكل واحد حر في قناعاته، ومش مطلوب نتفق على مين الأفضل أو مين الأسطورة، لكن المطلوب نحترم الرأي والرأي الآخر، ونفهم إن الاختلاف في التقييم مش معناه عداوة أو تقليل من حد .. لأن الاختلاف مش عداوة، والنقاش مش إهانة، والتقدير مش معناه إننا نتفق على كل حاجة. 🤝❤️
4
3
1
15
1,333
✍🏻 سؤال وياريت حد من اللي زعلانين من الهجوم على محمد صلاح يتكرم ويرد علينا، ويمكن بالمرة يفهمنا المنطق اللي بيفكروا بيه 🤔 ليه كل ما تشوفوا حد بيدافع عن حسام حسن أو بينتقد محمد صلاح، تقولوا عليه إخوانجي؟! هو إيه علاقة الإخوان أصلًا بإن واحد مقتنع إن حسام حسن اتظلم، أو شايف إن محمد صلاح غلطان؟.. أو إنكم مقتنعين إن محمد صلاح مش غلطان؟!! هو الاختلاف بقى جريمة، ولا لازم كل الناس تشوف كل حاجة بنفس نظرتكم وتردد نفس كلامكم؟! طب معلش، أخواتنا المسيحيين، وكل الاحترام والتقدير ليهم، لو واحد منهم دافع عن حسام حسن وانتقد محمد صلاح، هيبقى هو كمان إخوانجي؟! ولا عندكم تصنيف تاني جاهز للحالة دي؟! 😅 ولا عشان مش لاقيين رد على الكلام، بتهاجموا اللي بيختلف معاكم بأي حاجة، عشان تداروا عجزكم عن الرد؟! بجد والله محتاجين حد يفهمنا تركيبة دماغكم دي شغالة إزاي، والصنف اللي بتشربوه إيه، عشان إحنا شكلنا محتاجين دروس مكثفة في طريقة التفكير بتاعتكم ... لأن بصراحة مش قادرين نستوعب العبقرية دي!! 🤨😅
119
النجومية ممكن تعمل منك نجم عالمي 👌 لكن اللي بيصنع الأساطير هو اللي بتقدمه لمنتخب بلدك، مش بس اللي بتقدمه لنفسك!! 🤚🇪🇬
45
17
8
129
71,899
آبےـو مےـعےـآذ retweeted
دكتور عبدالرحمن الشابوني دشمل ثنائي العار محمد صلاح و هاني أبو ريدة بالمناسبة .. الشابوني زملكاوي جدا فكده بقى عبيـ ـد حمادة مينتاليتي اتزنقوا و مش هيعرفوا يقولوا عليه لا لجنة أهلاوية ولا لجنة إخوانية 😁😁😁 قلبي معاكم يا لحاسين صوابع رجلين فلاح نجريج
40
147
21
1,041
124,824
هاني أبو ريدة يوضح سر وجود أحمد مجاهد في اتحاد الكرة: أحمد مجاهد صديقي، وموجود معانا بصفته واحد من الخبراء اللي بنستعين بيهم، ومينفعش نستغنى عنه، لأنه مفيد للكرة المصرية، وبنرجع له في مواقف كتير.بعيدًا عن المناصب 😏🤔😂
3
1
1
4
433
آبےـو مےـعےـآذ retweeted
عرة العرب صلاح مش موجود في قايمة افضل لاعب في افريقيا ياشوية لجان قبيضه وسخه مش فالحين غير تشتمو ابقو خلوه يتمقص ويعيط يمكن يعرف يشيل رئيس الاتحاد الافريقي علشان يريحنا منه علشان حرامي ومرتشي ونفس وساخة هاني ابو ريده بس دي ميعرفش يعملها ااه بالحق ساديو ماني موجود في القايمه😂
13
13
1
89
2,973
🔴 اختلافك معايا مش بيديك الحق تقل أدبك! 🔴 ✍🏻 كلمتين لدراويش المو صلاح بمناسبة هجومي عليه 👌 خليني أوضحلك حاجة .. مش شرط كل حاجة أكتبها تعجبك، ومش شرط كل رأي أقوله يكون على مزاجك أو متفق مع اللي إنت شايفه. وارد أكون صح وإنت غلط، ووارد العكس، ووارد كل واحد فينا يكون شايف الموضوع من زاوية مختلفة. ودي حاجة طبيعية جدًا ومفيهاش أي مشكلة. أنا معنديش مشكلة خالص إنك تختلف معايا، ولا إنك تنتقد كلامي، ولا حتى تقول إن رأيي غلط وتجيب ألف دليل يثبت وجهة نظرك. اتكلم معايا براحتك، وناقش، واعترض، واثبت إن كلامي غلط. إنما تيجي تدخل عندي تشتم وتغلط وتطلع كل الألفاظ الوسخة اللي في قاموسك، وتفتكر إنك كده بترد عليا أو بتثبت إنك فاهم أكتر مني، فاسمحلي أقولك إنك عاجز عن الرد! لأن اللي معندوش غير الشتيمة، واللي أول ما يختلف مع حد ينسى نفسه ويبدأ يوزع قلة أدبه على الناس، ده مش صاحب رأي. ده واحد مش عارف يفرق بين النقاش وخناقات الشوارع، ومتصور إن قلة الأدب ممكن تعوض عجزه عن الرد. والحقيقة إنك لما بتشتم، إنت مش بتقلل من اللي قدامك، إنت بتفضح نفسك، وبتكشف عن مستوى تفكيرك وأسلوبك وتربيتك الوسخة. لأنك لو محترم، حتى لو كنت مختلف معايا، هتقدر تقول رأيك بكل احترام، وأكيد كلامك هيتقبل بكل احترام. أنا مش فارق معايا توافقني ولا تعارضني، لكن اللي فارق معايا إنك تعرف حدودك وإنت بتتكلم معايا. مش معنى إني كتبت رأيي على صفحتي إني فتحتلك باب تستعرض فيه قاموس شتايمك، ولا معنى إني بسمح بالنقاش إني مضطر أتحمل قلة تربيتك وأسلوبك القذر. عايز تختلف؟ أهلًا بيك. عايز تنتقد؟ اتفضل. عندك رد أقوى من كلامي؟ قول. إنما داخل تشتم وتغلط وتعمل فيها أسد، ياريت توفر وساختك دي لنفسك. لأنك لو فاهم إن السفالة وقلة أدبك دي، وتربيتك اللي بتدل على وساختك، انتصار.. تبقى واهم نفسك. ولازم تفهم إنك لما تعجز تناقش وترد على الكلام، وتلجأ للإهانة والتجريح، فأنت مش بتقلل من قيمة اللي قدامك، إنت بس بتكشف عن نفسك وعن مستوى الحوار اللي إنت قادر تقدمه. اتفق معايا أو اختلف، وانتقد كلامي زي ما إنت عايز، لكن خليك محترم .. إنما وساختك دي وقلة التربية مش وجهة نظر. لأن الوساخة في الكلام مش شجاعة ولا جرأة .. إنت كده بتعرف اللي قدامك البيئة القذرة اللي عايش فيها وتربيتك الوسخة 🤚
5
2
23
842
🔴 طب ما تيجوا نحاكم محمد صلاح بنفس القواعد اللي حاكمتوا بيها حسام حسن!! 🤔 ✍🏻 لما اتكلمنا عن إن محمد صلاح كان سبب في أزمة حسام حسن ورحيله، خرج علينا أتباعه ودراويشه يدافعوا عنه، وكلهم تقريبًا متفقين إن حسام حسن مشي بسبب تصريحاته وتصرفاته غير المسؤولة، وإن اللي يقود منتخب مصر لازم يعرف يتكلم ويتصرف إزاي. تمام جدًّا جدًّا جدًّا .. ومفيش أي مشكلة 👌 بس بما إنكم اخترتوا التصريحات والتصرفات مقياس للحكم على الأشخاص، يبقى لازم نلتزم بنفس المقياس مع الجميع، ومينفعش نعمل استثناءات لمجرد إن الشخص ده نجم كبير أو بيلعب في أكبر أندية العالم. تعالوا بقى نفتكر شوية مواقف لمحمد صلاح، واللي كل واحد منها كان كفيل يفتح نقاش كبير حوالين تصرفاته وطريقة تعامله مع المواقف المختلفة. أولًا: وقت الأحداث في فلسطين، خرج صلاح بتصريح عن إن كل الأرواح مقدسة، في وقت كان فيه قطاع كبير من الجمهور منتظر منه موقف أوضح يتناسب مع حجم المأساة اللي كانت بتحصل!! ثانيًا: حديثه عن شرب الخمر، ولما اتسأل عن الموضوع قال إن نفسه مش بتروح ليها، بدل ما يكون رده واضح ومباشر من الناحية الدينية. وده كان محل انتقاد عند ناس كتير. ثالثًا: حضوره جنازة الملكة إليزابيث، في تصرف أثار استغراب وتساؤلات عند قطاع كبير من الجمهور!! رابعًا: ظهوره في جلسة استرخاء داخل معبد بوذي ومشاركته في طقوس المكان، وده برضه كان موقف مثير للجدل. وفتح باب كبير للنقاش والانتقادات حوالين الموقف!! خامسًا: مغادرة معسكر منتخب مصر خلال أمم أفريقيا 2024 بعد إصابته أمام غانا، والسفر لإنجلترا لاستكمال العلاج، بدل الاستمرار وسط زملائه في المنتخب باعتباره قائد الفريق!! سادسًا: دخوله في خلاف علني مع أسلوب اللعب تحت قيادة سلوت، وخروجه بتصريحات انتقد فيها طريقة إدارة الفريق!! سابعًا: المشادة الكلامية الشهيرة مع يورجن كلوب على خط التماس، وبعدها تصريحاته المثيرة للجدل، وعلى رأسها إن لو اتكلمت هتشتعل النيران!! ثامنًا: أزمته الأخيرة مع ليفربول بعد جلوسه احتياطيًا في 3 مباريات، وخروجه بعد مباراة ليدز بتصريحات اتهم فيها النادي بالتخلي عنه، وحمّل فيها الجهاز الفني مسؤولية الأزمة، وأعلن إن علاقته بسلوت انتهت، وإن فيه ناس داخل النادي مش عايزاه!! تاسعًا: أزمة شارة قيادة المنتخب، واللي صاحبها جدل كبير وقتها، بسبب طريقة انتقال الشارة من أحمد فتحي لمحمد صلاح، رغم إن فتحي كان الأقدم والأحق بيها وقتها!! عاشرًا: أزمة رفض اللعب على النجيل الصناعي مع المنتخب، رغم مشاركته في مباريات على نفس نوعية الملاعب مع فريقه. وأخيرًا: رد فعله بعد رحيل حسام حسن، والصورة اللي ظهر فيها بعلامة النصر وإخراج اللسان، واللي اتفهمت عند قطاع من الجمهور باعتبارها رسالة سخرية من المدير الفني السابق، في الوقت اللي اختار فيه لاعبين تانيين يودعوا الجهاز الفني بكلمات تقدير واحترام. 👈 دي مش قائمة اتهامات، ومش بقول إن كل موقف من دول بنفس درجة الخطأ، ولا إن كل تصرف لازم يتحاسب عليه بنفس الطريقة. لكن بطرح سؤال واضح جدًا: لو التصريحات والتصرفات غير المسؤولة هي المعيار اللي حاكمتوا بيه حسام حسن، يبقى ليه المعيار ده بيتوقف فجأة لما نوصل لمحمد صلاح؟! لو تصريحات حسام حسن وتصرفاته كانت سبب كافي لرحيله عن تدريب المنتخب، يبقى إيه المبرر إننا نتعامل مع مواقف محمد صلاح بمنطق مختلف تمامًا؟! هو الانضباط مطلوب من المدرب ومش مطلوب من اللاعب؟! هو احترام المنتخب والمنظومة واجب على المدير الفني، لكن النجم الكبير عنده حصانة؟! هو التصريحات المثيرة للجدل تتحسب على حسام حسن، لكن لما تصدر من محمد صلاح تتحول لاجتهادات شخصية وسوء فهم وتأويل؟! إنتوا اللي اخترتوا المعيار، وإحنا بس بنطالبكم تطبقوه على الكل من غير استثناءات. ولو هنمشي بنفس المنطق اللي حاكمتوا بيه حسام حسن، يبقى محمد صلاح كمان لازم يخضع لنفس التقييم، ومكانش المفروض يستمر في تمثيل المنتخب لو كانت دي فعلًا هي معاييركم!! إنما إننا نطالب برحيل مدرب بسبب تصرفاته، وندافع عن لاعب مهما كانت تصرفاته، فده مش عدل ولا مهنية.. ده اسمه ازدواجية معايير والكيل بمكيالين!! واضح إنكم بتترجموا المينتالتي على مزاجكم .. مع حسام حسن ليها حسابات، ومع محمد صلاح ليها حسابات تانية خالص!! 🤨 وسلام كبييييييير للمينتالتي 😏😅
21
10
3
76
4,675
آبےـو مےـعےـآذ retweeted
لما التاريخ ييجي يذكر مسيرة حسام حسن مع المنتخب كلاعب هيتقال إنه صاحب 5 بطولات ومن الهدافين التاريخين لمنتخب مصر. ولما ييجي يذكره كمدرب هيتقال إنه صاحب إنجاز تاريخي عمره ما حصل في تاريخ الكرة المصرية وإنجاز محدش يقدر يتجاهله أو ينكره. ولما التاريخ ييجي يذكر المواقف خارج الملعب هيتقال إن حسام حسن وقف في قلب أمريكا، وسط الأمريكان، واتكلم ودافع ورفع علم إخواتنا. يمكن حسام حسن خسر مكانه كمدير فني لمنتخب مصر. لكن إنت ماذا قدمت لمنتخب مصر ؟
128
55
20
423
42,579
ردد الآن أشهد الله أني أنوي التوبة على ذنوبي، وزلاتي، و كل كبيرة تغضبه. اللهم اغفر لي ذنوبي، وخطيئتي و أخرجني من الدنيا كما دخلتها بلا ذنوب ولا عيوب ربي إن كان هذا آخر عهدي بالدنيا فأجعلني من التائبين اللهم اكتب لي لقائك و أنا بدون ذنب و اجعل جنتك لي هي المأوي اللهم أغفر لي ذنبي
19
10
98
1,625
آبےـو مےـعےـآذ retweeted
#نسور_التالتة74 - فقرة سؤال عالماشي - نسور سؤال اليوم🦅 - اصحاب الاجابة الصحيحة 👑: - @bdalftah_m63096 - @hwdhh840 - @Mohamed42546548 - @shymaa3030 - مبروك يا نسور 👏
4
6
10
361
آبےـو مےـعےـآذ retweeted
الراجل الوحيد الل عرف يجمع كل المصريين علي تشجيع منتخب مصر تاني من وقت حسن شحاته الراجل الوحيد من 2010 اللي عرف يهاجم منتخبات كبيرة وبسجل فيها زي الارجنتين وبلجيكا والبرازيل ويتعادل مع اسبانيا بطل العالم الراجل الوحيد من وقت الجيل الذهبي اللي عرف يخلينا كلنا نستني ماتشات منتخب مصر ونفتح التلفزيون قبل الماتش ب٥ ولا ٦ ساعات الراجل الوحيد اللي مخدش الدعم من اتحاد الكورة، وضحوا بيه مع اول انقلاب من الجماهير عليه علشان مش حابين وجوده اصلا
21
40
2
146
3,266