Nikki ــ 🪁

راستہ ！ راستہ ناختم ہونے والی طوالت خود میں سمائے ہوئے ہے ！ ایک جیسی رفتار ناممکن ہے ！ ناممکن کو ممکن بنایا جاسکتا ہے ！ لیکن یہ روح کا خراج مانگتی ہے دل کا گوشت مانگتی ہے ！ مانگنے والا کام اس دنیا میں موجود ہر شے کا پسندیدہ کام ہے ！ کوئی محبت مانگتا ہے کوئی سکون مانگتا ہے کوئی عزت مانگتا ہے ！ اور کوئی راستوں میں نرمی مانگتا ہے ！ خود بتاؤ کیا کوئی ایسا راستہ اب تک دریافت ہوا ہے جو مخملی کپاس سے بنا ہوا ہو ؟ کپاس کے اوپر کا خول بھی سخت ہوتا ہے ！ اکثر پاؤں بری طرح شل ہوجاتے ہیں ！ ایسا لگتا ہے جیسے بہت بھاری فولاد کی زنجیریں پاؤں میں باندھی گئی ہوں ！ تب بھی چلتے رہنا ！ رفتار میں فرق آئے تو گھبرانا مت！ بالکل ویسے ہی جیسے حالات میں فرق آنے پر نہیں گھبرائے تھے ！ اپنی رفتار کا کسی دوسرے کی رفتار سے موازنہ نہ کرنا ！ تم تم ہو اور وہ وہ ہے ！ ایک آئینہ اپنے ساتھ رکھنا ！ جب ہمت ہارنے لگو تو خود کو آئینے میں دیکھنا！ تمہیں اپنی آنکھوں پر اپنے ہونٹوں پر ترس آئے گا！ ترس آنے سے ہمت جمع ہوجاتی ہے！ تم ہمت والے بن جاؤ گے ！ جب ہمت آجائے تو ناامیدی کا بیچ پھوٹنے سے پہلے ہی خودسوزی کر لیتا ہے ！ تم نے بس گھبرانا نہیں ہے ！ اگر اردگرد آگ لگ جائے تو آنکھیں بند کر لینا！ اور راستے میں رکنا مت ！ تم آخر میں وہ سب ضرور حاصل کرو گے جو تم چاہتے ہو ！ لیکن راستہ ختم نہیں ہوگا ！ راستہ تب تک ختم نہیں ہوگا جب تک تم روح کا خراج نہیں دو گے ！ اور راستے بنانے والے کو معلوم ہے کہ تم خراج کب لینا ہے ！ عباس