الصباح دقو علي من وزارة التعليم بخصوص معامله وكان اسلوبه وقح سفلت فيه وقفلت بوجهه ماامزح لكن يستفزوني الاشخاص اللي ماعندهم اسلوب ولا احترام اذا اخلاقك سيئه وماعندك القدره تتعامل مع الناس بأدب اترك المجال للي يعرفونه .
شعوري الآن ابي اعيش شوي بدون ما اسبق الايام بهواجيسي ولا احسب حساب لكل احتمال ابي اتركها على الله وحده واستمتع باللي بين يديني واكف عن محاولاتي المستمره لاستباق الغيب ومعرفة وش مخبي لي بكره واترك عني شغل المباحث .
يارب ابي اكون من الناس اللي تشوف ثمرة دعواتها وهي تمشي على الارض ابي التفت لحياتي والقى اشياء كثييييره تغيرت للأحسن والقى انك عوضتني عن كل مره قلت فيها ياليت بشي خلاني اقول الحمدلله على كرمك اللي ماله حدود .