Tima

Jamhuri imeshindwa kabisa kuthibitisha shtaka la uhaini dhidi ya Tundu Lissu. Kwa msingi huo, Mahakama imekubali kwamba ushahidi uliowasilishwa haujathibitisha kosa la uhaini. Jaji Dunstan Nduguru anaeleza kwamba, pamoja na Jamhuri kushindwa kuthibitisha kosa kubwa la uhaini, Mahakama imepewa wajibu wa kisheria kuchunguza iwapo kuna kosa dogo linaloweza kuthibitika kutokana na ushahidi uliowasilishwa Kwa mujibu wa maelezo ya Jaji Dunstan Nduguru wakati akisoma hukumu ya kesi hiyo anasema, mamlaka hayo yanatajwa chini ya Kifungu cha 339 cha Kanuni za Mwenendo wa Makosa ya Jinai, Kifungu kinachoipa Mahakama uwezo wa kumtia mshtakiwa hatiani kwa kosa dogo linalotokana na kosa kubwa, pale ushahidi hautoshi kuthibitisha kosa kubwa lakini unathibitisha kosa dogo. Jaji anasema Mahakama inatambua kwamba uchochezi unaweza kuwa cognate offence — yaani kosa dogo lenye uhusiano wa moja kwa moja na kosa kubwa lililokuwa katika shtaka la awali. Jaji Nduguru anasema Mahakama imejielekeza katika (conviction for a minor and cognate offence) endapo mashtaka makuu hayajajitosheleza lakini ushahidi unaonyesha kosa lingine lililotendeka. Mahakama imeridhika kwamba Tundu Antiphas Mughwai Lissu ametenda kosa dogo la uchochezi na hivyo Mahakama kumtia hatiani kwa mujibu wa Kifungu cha 380 cha Kanuni ya Adhabu.