أُميم | Omimah

حالياً أستكشف فرص جديدة وأبحث عن وظيفة بدوام كامل في الرياض أشتغلت هذي السنة على مشاريع أفتخر فيها الحمدلله، تقدرون تشوفونها في موقعي أسفل التغريدة، أسعد بأي فرصة أو توصية ✨🧡.

أعتقد أن الاعتزال قرار متسرع، خصوصاً أن نتائج الموشن بالذكاء الاصطناعي حالياً ومنها التجربة المعروضة، ما زالت متأخرة بصرياً عن مستوى الأعمال الاحترافية.. اختصار وقت التنفيذ ميزة مرة عظيمة، لكنه مو بالضرورة اختصار للطريق نحو الإبداع.

حالياً أشوف نفسي نابغة زماني! عندي شكل ابي امــــــــــــــــــــــده علشان أقدر اكتب عليه، حاولت بكل الطرق ماضبط معاي بالشكل اللي ابيه، ومافيني حيل أدخله Ai اشرح له، فنسخت الشكل وكررته بطريقة بدائية عادية.. وبعدها حددت الشكل كامل وخليت Generative Fill يعيد رسمه مع تزبيط من فوق ومن تحت، ولا أروع ✨.

ماش الحياة اختربت بعد 2020 شكلها السنة الجاية يانووي يا نيزك يضرب الارض.

اللهم خفّف عنّا ثِقل هذه الأيام، وأنزل على قلوبنا سكينتك .

ممتنة دائماً لتفاعلكم وكلماتكم اللطيفة 🧡 لكن حابة أوضّح نقطة بسيطة: لما أشارك تصميم وأمدح أعمال حساب معين، فهذا يعني أن العمل مو من تصميمي، وإنما مشاركة وتقدير لإبداع صاحبه. لذلك أتمنى ما تنسبون لي هذي الأعمال أو تمدحوني عليها وكأني أنا اللي صممتها؛ احترام لجهد أصحابها وحقوقهم، ولأني ما أحب أعطي انطباع غير صحيح بأن هذي التصاميم من أعمالي.

أسلوب تصميم مختلف وجذاب من حساب الرياض الخضراء 💚.

ابتسم، ما تدري وين يوصل أثرك 🧡 By: higgsfield+Adobe Premiere 🪄.

ما أعرف وين المشكلة عند بعض الوزارات !! عندكم فرق كاملة من المصممين، ومع ذلك تروح تنشر تصميم Ai فيه أخطاء جوهرية زي علم المملكة واسمها.. هذي مو مسألة ذوق، هذي أبجديات ما يعقل تتجاوز المراجعة وتصدر من جهة حكومية! تعبتونا والله 🤧.

بعض تطبيقات الترند الجميلة أمانة المدينة وأمانة مكة ووزارة الثقافة 🧡✨.

الطبيعة السعودية لوحة ألوان تستحق التأمل 🪻 من هوية طيران الرياض.

أول طريق لمعرفة مين أنت هو معرفة مين مو أنت وأنا أعرف إني مو كائن طفيلي يقتات على أفكار غيره، وينتظر جديدهم عشان يحدد خطوته الجاية، شقيت طريقي بالتعلم والتجربة، وكونت ذائقة تعبر عني. الأعمال المبنية على هذا التتبع باهتة؛ الأدوات حاضرة، وصاحبها غائب، كأنها تطبيقات دورة حددو فيها كل الخيارات، من الفكرة إلى التنفيذ. اللي يبي يصنع له اسم، يحتاج يقدم شيء من نفسه؛ رؤية تخصه، ومعنى يضيفه، وأثر يدل عليه.. جمع اختيارات الآخرين، مهما أتقنت ترتيبها، ما يصنع لك شخصية فنية مستقلة. الخط يُشترى، أما البصمة تُصنع.